بص العربية ماشاء الله تحفة أنا كنت قبل ما أجيب العربية كنت خايف جدا و مكنتش متصور إني هاجيب ميجان لأ وايه هاتشباك كمان و إصحابي كانوا يقولولي إني عمري ماهشتري ميجان و إن أنا أبقى غلطان لو جبتها بس أنا استخرت ربنا وتوكلت على الله و الأعضاء الكتير اللي ساعدوني زي أيمن و أحمد عبدالمقصود و شاركي و هاني و عمرو و جبتها . دلوقتي أنا مش متصور نفسي راكب غير ميجان
و لما نيجي مسافرين إسكندريه مثلا كله بيتخانق على الركوب معايا العربيه عليها ثبات مالوش حل أحسن من الانسر و الصني و الالنترا بفرق كبير و عربيه مش بيركبها إلا ناس محترمه
وبعدين قطع الغيار غاليه في التوكيل زي أي توكيل تاني بس ليها سكك كتير بره التوكيل عندك مثلا الجوانات بتاعة الأبواب دي ب 650 جنيه للباب الواحد في التوكيل جبتها من الحرفيين ب 300 جنيه للأربع أبواب و صاحبي معاه لانسر لسه جايبهم من البهي ب 450 جنيه أنا بقولك على الحاجات النادر إنك تحتاجها مابالك بقى بالحاجات المنتشره و ربنا يهديك للي فيه الخير
المفضلات