أفيدوني رجاء ! عن البطاريات !

[Ashraf_Ibrahim]

ازيكم يا شباب أخباركم ايه؟!
يارب تكونوا بخير جميعا
بكرة ان شاء الله ناوي اغير البطارية بتاعتي السائلة -النسر العظيمة- لبطارية جافة
قريت كتير عن فارتا الألمانية
وعن اي سي ديلكو السعودي
وفيه كوبا كوري تقريبا
وفيه اورورا برده كوري
وحجات كتيرة كدة
اجيب ايه منهم بالظبط؟!
بطارية كويسة وضمان كويس الواحد يقدر يتفاهم معاهم لو البطارية فيها حاجة !
وشاكر جدا ليكم ولو حد يعرف الأسعار يا ريت عشان مينضحكش عليا

[Dr/ P.K.Sh]

فارتا احسنهم

[hossam_elwani]

اي سي ديلكو السعودي عندى وشغاله تمام و ما بتحركش كتير اصلا وده دليل انها تمام

[AhMeD MeTwAlY]

متابع باهتمام
د/اشرف اخبارك ايه؟؟
وكل سنه وحضرتك طيب

[Ahmod]

بص يا اشرف بيك

احسن حاجة فارتا

الماني ومافيش كلام عليها وتجبها جافة

هي اغلى من باقي الانواع يعني لو هتجبها 50 امبير ممكن تتكلم في رنج 450/500 جنيه وهياخد منك البطارية القديمة

باقي الانواع ارخص بحوالي 100/200 جنيه بس طبعا فيه فرق في الجودة

[Mostafa.Mahran]

اى سى ديليكو عن تجربة لمدة 3 سنين و العربية كانت مركونة معظم الوقت

[S O P H O S]

فارتا جربتها وشايفها كويسة حتي الان ..

[shaddadfalcon1]

اس ديلكو شغاله معايا بقالها اكتر من شهر وومتازه وكنت شاريها ب 380 بالقديمه بس المفروض انها كانت ب 360 بس كنت مضطر

[modo88]

a c ديلكو بطاريه ما شاء الله ملهاش حل بجد وعمليه جداا
وكفايه ضمانها لو حصلها حاجه في اخر يوم ضمان ليها ترجعها وتجيب غيرها من غير فلوس مش زي باقي الانواع بيحسب المدة اللي اشتغلتها البطاريه ويحاسبك فيه !

[Mohamd_Saad]

اي سي ديلكو السعودي اشتريها وانت مطمأن جدا جدا بطارية ممتازة ماشية عندى فى السنة الرابعة 100%
انا اشتريتها من محل أولاد سليمان فى شارع وادى النيل بميت عقبة بجوار محل اسماك وادى النيل الشهير وطبعا هتاخد معها ضمان - وكل سنة وانت طيب

[Saeed-Taha]

انا اشتريت فارتا قريب 60 ب 375 وأخد القديمة
وهيا كويسة ماشاء الله
بس هيا مش بقت بتنزل ألمانى وبتنزل اتحاد أوربى

بس لو يهمك الضمان اوى أسمع ان اي سي ديلكو ضمانها أحسن

[benmatar]

الإتنين تمام إيه سي ديلكو وفارتا
وبالنسبة لسعر الفارتا من أسبوع كانت 650ج.م 70 أمبير جافة

[marawansabry]

طيب ايه رايكم في البوش الالماني هي غالية شوية بس بيقولوا انها بطارية محترمة جدا انا مجربتهاش شخصيا كل دا سماعي

[LORD.ADeL]

إيه سي ديلكو سؤال
هيا فيه زي مؤشر 3 الوان اخضر وفضي وابيض مرة لاقيتها فضي يعنى عايزة شحن وبعد كدة نقلت ع الاخضر لما مشيت وتابتعها كم يوم لاقيتها ع الاخضر سؤال بقا ليه موشر جيه ع الفضي ورجع تانى ع الاخضر وشكرا

[Ashraf_Ibrahim]

الشكر للجميع يا شباب
جبت بطارية AC Delco
ب 400 جنيه بدون القديمة لأن القديمة عندي شغالة فحطيتها في عربية والدي :D
اعتقد السعر معقول مش وحش