زيت فتيس اوبترا مانيوال

[sammas1]

السلام عليكم ورحمة الله
اولا انا عاوز اعرف هل زيت فتيس اوبترا مانيوال بيتغير
واذا كان بيتغير بيتغير بعد كام كيلو اصل انا عامل 52000 ولسة مغيرتوش
واية هو النوع المضبوط واجيبة منين
وشكرا

[sammas1]

حد يرد لو سمحتوا يا جماعة

[medo500]

انا كمان زيك بالضبط بس بافكر اغيره في صيانة ال60 الف

[mesaharaty]

غيره يا باشا
مافيش حاجة فى العربيات مش بتتغير
كل السوائل بتتغير

[medo500]

ان شاء الله هاغيره في صيانة ال60 الف وهابقي اعمل تقرير بكده

[hmada9009_99]

السلام عليكم ورحمة الله
اولا انا عاوز اعرف هل زيت فتيس اوبترا مانيوال بيتغير
واذا كان بيتغير بيتغير بعد كام كيلو اصل انا عامل 52000 ولسة مغيرتوش
واية هو النوع المضبوط واجيبة منين
وشكرا

حضرتك لو غيرت هتحتاج تغير جوان كرتيره فتيس و طبعا اماتروح التوكيل هيقولك ماعنديش والفني الزكي هيقولك نحط سليكون ويمشي وبعد مايركب هيحطلك 2 لتر زيت وطبعا ده قليل ويحصل ترشيح من الكرتيره لأن السليكون بيهرب الزيت وتحصلك مشاكل بعد كده في الفتيس اولا لازم تشتري جوان كرتيره فتيس اوبترا من اي حد بيعمل جوانات عربيات اتنين الزيت اللي هتحطه والعربيه محتجاه هو 3 لتر الا 200 او 150 ml مش 2 لتر وصدقني في الكلام اللي بقوله لأن هو ده الفعلي وعن تجربه وتلاته التوكيل مابيفهمش اي حاجه ونوع زيت الفتيس هو موبيل 80 90w مش 85 140w ده مهم جدا وطبعا valvoline

[RAOUFRASHAD]

انا اوبترا 2009 وعامل 70000 ومغيرتش زيت الفتيس بس معنى كلامك ان ميتغيرش احسن ولا ايه وليه لازم بيتغير جوانات الكرتيره مع تغيير زيت الفتيس ولو هغيره مين اللى بيعمل الشغل ده الميكانيكى ولا اى حد بتاع زيت

[RAOUFRASHAD]

حضرتك لو غيرت هتحتاج تغير جوان كرتيره فتيس و طبعا اماتروح التوكيل هيقولك ماعنديش والفني الزكي هيقولك نحط سليكون ويمشي وبعد مايركب هيحطلك 2 لتر زيت وطبعا ده قليل ويحصل ترشيح من الكرتيره لأن السليكون بيهرب الزيت وتحصلك مشاكل بعد كده في الفتيس اولا لازم تشتري جوان كرتيره فتيس اوبترا من اي حد بيعمل جوانات عربيات اتنين الزيت اللي هتحطه والعربيه محتجاه هو 3 لتر الا 200 او 150 ml مش 2 لتر وصدقني في الكلام اللي بقوله لأن هو ده الفعلي وعن تجربه وتلاته التوكيل مابيفهمش اي حاجه ونوع زيت الفتيس هو موبيل 80 90w مش 85 140w ده مهم جدا وطبعا valvoline

الموضوع ده محير جدا وانا برده مش عارف اعمل ايه وكل لما اروح لحد يقولى معنديش اول لما يعرف انها مانيوال لدرجة انى فكرت اروح التوكيل مخصوص علشان اسأل

[hmada9009_99]

انا اوبترا 2009 وعامل 70000 ومغيرتش زيت الفتيس بس معنى كلامك ان ميتغيرش احسن ولا ايه وليه لازم بيتغير جوانات الكرتيره مع تغيير زيت الفتيس ولو هغيره مين اللى بيعمل الشغل ده الميكانيكى ولا اى حد بتاع زيت

لأ غيره احسن بس اجاوب على حضرتك ليه يتغير جوان كرتيره الفتيس لأن جوان ده بيبقى زي طبقه بين الكرتيره و قاعده الفتيس والجوان وظيفته انه بيمنع اي فراغ او فروق لترشيح زيت واحكام ربط المسامير خصوصا ان الكرتيره ليها 11 مسمار والجوان ده بيتعمل عند أي حد بتاع جوانات عادي وبيعمل 10 او 15 جنيه والزيت الفتيس نوعه موبيل فالفولين 80w90 والعلبه بتعمل 19 جنيه هتشتري 3 علب وكل علبه 1 لتر والعربيه بتاخد 3 لتر ألأ 200 مليي ياعني بتاخد 2.8 لتر زيت لو روحت التوكيل مش هغيرلك الجوان ويحطلك سليكون بحجه انه ماعندوش ويحطلك 2 لتر زيت وده قليل اماالشغل ده تعمله عند حد ميكانيكي شاطر ومؤمون

[hmada9009_99]

ده صوره الجوان

[RAOUFRASHAD]

هو مش الفتيس ليه طبه بتتفك ويزود منها وخلاص يبقى ايه اللى يخلينى اجى عند الجوان ولا انت قصدك بينزود ازاى ... وشكرا لردك السريع

[hmada9009_99]

للأسف الأوبترا والأوبل والدايو مالهومش طبه زي الهيونداي وباقي العربيات لازم تحل الكرتيره لو انت بتغير زيت الفتيس اما تزويد اه في طبه ليها وانا عاوز ارفع صور بس في مشكله في المنتدي
بس خد بالك زياده في الزيت الفتيس بيضرب اوسيلات وقلته بيعمل خشونه وعضه في الفتيس

[hmada9009_99]

ده صوره الجوان

http://www14.0zz0.com/2011/12/17/00/259813753.jpg

وده الزيت الفتيس

http://www14.0zz0.com/2011/12/17/00/826848992.jpg

[hmada9009_99]

وده لينك لتغيير زيت فتيس مانيوال للانوس والكرتيره تقريبا نفس شكل كرتيره اوبترا بس مع ملاحظ ان كرتيره الانوس 10 مسامير وان كرتيره اوبترا 11 مسمار و ان الفتيس في الأوبترا بياخد زيت 2.8 لتر مش 2 لتر

http://www.nilemotors.net/Nile/228628-a.html

[أبو_يوسف]

أهم حاجة تشوف مواصفات زيت الفتيس في الكتالوج بتاعك وتجيب زيه علشان تحافظ على الفتيس
لو الكتالوج بيقول api gl4 مش هاينفع معاك شيل ولا موبيل وفي كام موضوع في المنتدى هنا بيتكلموا عن الموضوع دا..