ايه اخبار الشيفروليه اللانوس يا جماعة

[Eng_Ahmed_Hamdy]

السلام عليكم و رحمة الله و بركاته
محدش بيتكلم عن الشيفروليه لانوس الجديدة فى منتدى الشيفروليه ليه !!!!!
هوه محدش اشتراها ولا ايه .... مع انى بشوفها فى الشارع اليومين دول كتير
المهم يا ريت الناس اللى اشترتها تقول ايه رايها فى اللانوس الجديدة و ايه التغييرات اللى فيها عن اللانوس القديمة
يعنى الناس تخش و تحكى
و هل فعلا هيه احسن ولا الدايو اللانوس ولا همه الاتنين زى بعض
اصل انا ناوى اشتريها و عاوز بس حد يكون جربها و يقولى رأيه فيها

[NaviGator_13]

أعتقد هما ال 2 نسخة تقريبا من بعض مفيش فرق

[احمد عز]

انا شفتها منتشره اوى فى الشوارع بس تقريبا هى هى الدايو فى كل حاجه مع عدا الكماليات

[a_hashad]

العربيه جميله جدا و لازمن و لابد ما تشتريهاش
صباح الفل يا ابو حميد
:pointi~2[2]:

[Rsarabia]

نفس العربية مفيش اى تغيير و حرام بجد يتدفع فيها كل الفلوس دى للى يشتريها جديدة

[Eng_Ahmed_Hamdy]

متشكر يا جماعة عالردود و الاهتمام
بس يا ريت لو حد جربها بنفسه يخش يقول رأيه فيها
عمرو باشا منور الدنيا كلها :)

[dreamer2009]

واحد صاحبي راح بص عليها و هو بيعمل الصيانة و لما سألهم اية الفرق قالوا لة خد حط بادج الشيفرولية و ميبقاش فى فرق ..... انا صرفت نظر عن الدايو بعد حركة الانوس دى .... و يا عالم قطع غيارها هتبقى اية و لا يقولوا لنا امريكانى

[shanodaa]

واحد صاحبي راح بص عليها و هو بيعمل الصيانة و لما سألهم اية الفرق قالوا لة خد حط بادج الشيفرولية و ميبقاش فى فرق ..... انا صرفت نظر عن الدايو بعد حركة الانوس دى .... و يا عالم قطع غيارها هتبقى اية و لا يقولوا لنا امريكانى

هو اصلا مافيش دايو لانوس فس السوق ولو لقيت ها تبقي غاليه

[basmanet2000]

علي فكره انا جبتها
هي الواقع اول عربيه لينا اوكي
بس يا جماعه ماشاء الله جميله وناعمه
وبعدين طب لو وحشه هتنتشر بالشكل ده بالسرعه دي ليه ؟
انا مش بحب فيكم ان اي حاجه تنزل تقطعوا فروتها علي طول
لمجرد انها حاجه جديده
انا عارفه انها شكل اللانوس بالضبط
بس يقال والله اعلم انها من جوه مختلفه وانا خطيبي ليه صاحبه عنده الافيو بيقوله هو هو متور الافيو
و الكاست كينود سي دي
و جايباها هاف اوبشن مش فول اوبشن
وتمنوا لي الخير وقولولي اخبار الصيانه وبتاع
كده يعني :)

[MMamdouh]

قصة اختلافها من الداخل سهل جدا البت فيها... صورتين تلاتة للصالون يترفعوا فى الموضوع و لما نشوفهم حنعرف اذا كان فيه فرق ولا لا

و عموما توقعى ان الشيفرولية لانوس و الدايو لانوس نسخة طبق الاصل

الف مبروك

MMamdouh