أيهم أحسن الكورى ولا اليابانى

[bmw323]

السلام عليكم ورحمة الله وبركاتة
أزيكم ياجماعة أنا وأنا عمال ادعبس فى النت لقيت العربية دى
واسمها سوزوكىforenza ونسخة من الشيفرولية أوبترا
بس غريبة جداا انا اول مرة اشوفها بس يجى السؤال بقا مين الى سرق التصميم من الثانى وياترى انهى الاحسن السوزوكى اليابانى ولا الشيفرولية الكورى؟؟؟ ولا هم استخسروا فينا اليابانى فا جابولنا الكورى ولا أية النظام ياريت كل واحد يقولنا رأية

[merosss]

مفيش حد سرق حاجة الشركتين دول تبع جنرال موتورز وبتنزل العربية باسم كذا شركة حسب البلد الى هتنزل فيها لاسباب تسويقية والاوبترا بتنزل فى بلاد باسم دايو نوبيرا ودايو لاسيتى كمان وكلة ذى بعض بالضبط مع اختلاف العلامة

[Ahmed Anwer]

السوزوكي الكوري ،،،

أحسن من الشيفرولية الكوري ،،

و كلهم احسن من الدايوو الكوري ،،

يا ريس كلهم كوري بيخرجوا من نفس المصنع

[bmw323]

السوزوكى كورى ازاى

[Ahmed Anwer]

السوزوكى كورى ازاى

زي ما الشيفرولية كوري ،،،،

جنرال موتورز بتملك العلامات دي كلها

و بتسوقها في كل بلد بعلامة مختلفة ،،

لكن كلهم انتاج مصنع جي ام دايوو بكوريا

[Hosam_Optrawy]

زي ما الشيفرولية كوري ،،،،

جنرال موتورز بتملك العلامات دي كلها

و بتسوقها في كل بلد بعلامة مختلفة ،،

لكن كلهم انتاج مصنع جي ام دايوو بكوريا

الله ينوررر

[auto5truck]

يا جماعة العملية بسيطة جداً جداً
جنرال موتوروز شركة زى كل الشركات فى الدنيا بتتبع نظرية التسويق و يهمها أنها تلبى أحتياجات جميع المستهلكين بجميع فئاتهم لأن ده راح يوسع مساحة العملاء و بالتالى نصيبها من السوق.
فبتنتج السيارات بتاعتها بأسماء قد تكون مفضلة فى بعض الدول و قد تكون بمستوى تكنولوجى مرتفع او منخفض حسب المكان الذى تسوق فية.

[bmw323]

يا جماعة العملية بسيطة جداً جداً
جنرال موتوروز شركة زى كل الشركات فى الدنيا بتتبع نظرية التسويق و يهمها أنها تلبى أحتياجات جميع المستهلكين بجميع فئاتهم لأن ده راح يوسع مساحة العملاء و بالتالى نصيبها من السوق.
فبتنتج السيارات بتاعتها بأسماء قد تكون مفضلة فى بعض الدول و قد تكون بمستوى تكنولوجى مرتفع او منخفض حسب المكان الذى تسوق فية.

كلام سليم جداا
ومشكورر على مشاركتك أنتا وجميع الأعضاء

[zocor742]

الاوبترا فى منها دايو وشيفورلية و سوزوكىوكل نوع بيحمل اسم موديل مختلف عن الاخر واعتقد ان كلها واحد لأن الشركة الام واحدة