طرمبه بنزين فورد فوكس

[a3reda]

اهلا بيكم


كنت اعانى من مشكله فى طرمبه البنزين لى حوالى 6 اشهر فى عربيتى الفوكس

ومن حسن الحظ كنت بالقاهره وحلفت الطرمبه انها عايزه تتغير


المهم كنت سايق فى وسط البلد ولقيت ان العربيه تتخنق وتكتم وتقف وتبطل


قولت اغيرها


روحت الطاهر ووصلت ورشه هناك زكان الكلام ده الساعه 8 ونص بالليل الاسطى موش موجود وفيه صنايعيه

اشتغل يعم قال نجرب العربيه طلع واحد اسطى جرب العربيه ورجع قال طرمبه بنزين بس لازم تنتظر الاسطى يرجع من صلاه التراويح ويكشف على العربيه بالكمبيوتر

قعدت على القهوه فى الميدان وبعد ساعه لقيت واحد تانى بيجرب العربيه روحت بسئله لقيت ايه قال لى العربيه زى الفل موش عايزه حاجه وتعال الصبح بعد صلاه الجمعه الباشمهندس يكشف عليها بالكمبيوتر

مشيت الساعه 11 بالليل وروحت تانى يوم بعد صلاة الظهر والحمد لله المهندس موجود ركب الجهاز ووصله بالعربيه واتارى الكمبيوتر قديم اوى وتعبان بانيم 2 او بانتيم 3 المهم اهو كمبيوتر ا

الكمبيوتر بيعلق ويهنج وكل شويه يعمل له رستارات وشويه يوصله بالشاحن علشان يشحن

وطبعا انا جنبه وفاهم ال بيحصل

طلع ان فيه خطا فى الاوكسجين سينسر وانا عارف ده من مده

وطلع خطا فى قياس مستوى البنزين وبرضه عارفه


قولت له العيبين دول لهم سنتين وانا عارف بيهم لكن العيب ال انا جاى علشانه مظهرش


قال نجرب العربيه ونسوقها قولت له اتفضل مشى بالعربيه وظهرت الكتمه ووقفت لقيته قال دى طلمبه البنزين ولازم تتغير والكلام ده الساعه 4 العصر


طيب يعم انا من الصبح وجاى وعارف العيب انت قولت ايه جديد؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وطلب 100 جنيه كشف الكمبيوتر دفعت زى الباشا

وسئلته

طيب اجيب الطرمبه منين انا سئلت وملقتش اصلى

لانى لقيت موتور طرمبه عند بدريسان بالتوفيقيه ب 400 جنيه قالى ده صينى سيبك منه

ولقيت طرمبه تركى ب 800 جنيه عند عادل سليمان فى التوفقيه برضه ب 800 جنيه قالى دى زباله

قولت له فيه طرمبه بنزين عند سامى فخرى المانى قالى هات نركبها بعد الافطار

اتكلت على الله وروحت عند سامى فخرى وجبت الطرمبه ب 1000 جنيه ووصف لى على ميكانيكى رااااااااااااائع

اسمه احمد فرج مكانه فى عين شمس جنب سنترال النزهه بعد فندق السلام

اتصلت بيه قال نفطر بس ونشتغل فى العربيه رحت ركنت العربيه عند ورشته وتركت المفتاح وقولت اقعد على قهوه ساعه

رجعت الساعه 7 ونص لقيتهم فكوا تنك البنزين وشغالين زى الفل الساعه 8 الا ربع كنت راكب العربيه ومشيت


رقم احمد فرج اهو جربوه وموش هتخسروا شىء 0101124421

[aYaBooY]

اولا الف مبروك تصليح العربية
ثانيا جربته و من بعد تصليحة للعربية فضلت الف سنة بيها مش مظبوطة و معككنة عليا في مشيها لحد ما وصلت لبتاع الضاهر و ظبطها على الكمبيوتر المهنج و من يومها و الحمد لله كويسة و لو كنت مشيت ورا احمد فرج كانت العربية كلفتني اكتر من 2000 جنيه في حاجة سهل جدا يحددها لو كان عنده كمبيوتر مهنج

[a3reda]

والله يا عزيزى انا رحت له لما لقيتك بتشكر اوى فيه انما علشان اروح الخميس من 8 الى 10 وتانى يوم من 12 الى 4 العصر وبعد ماعمل الكمبيوتر يقولى موش عيب طرمبه ولما جربها قال طرمبه يبقى فيه حاجه غلط

مع العلم انا عارف انها طرمبه واى صبى ميكانيكى هيعرف انها عيب طرمبه


ومن البديهى اى ميكانيكى يجرب العربيه قبل ما يبداء الشغل فيها يعرف ايه العيب


ولن نختلف سويا اخى العزيز

[aYaBooY]

بص انا منكرش ان الدنيا عند قطب اوقات بتكون بطيئة بس طبعا انا مش مختلف معاك ( ربنا ما يجيب خلاف ) بس انا برد على موضوع احمد فرج
احمد فرج صنيعي سريع اه كلام صح بس هو عندي لعب في حاجة فعلا فضلت سنة متعكنن بسببها و كل واحد يقولي كلام و محدش حلها غير قطب
احمد فرج تروحلة ينزل على العربية هو و الصبيان بتوعة تحس انهم نمل و اتلم على العربية و تخلص بسرعة بس فعلا لما تركز في الصنعة فيه فنيات الشغل الدقيق ( الي هو بيميز اي صنيعي فورد عن غيرة ) هما فيها ضعاف
يعني لو روحت لرمضان في الحرفيين ( بصرف النظر عن اسعار المصنعية العالية عنده ) هاتلاقيه بطيء او بيشتغل بتركيز عالي و كذلك حمدي
عموما اول لما اسقط على نسخة ويندوز حلوة هاروح و اظبطلك الجهاز بتاع قطب و اخليهولك رهوان

[a3reda]

انا اعتب عليه انه كان المفروض بالبدايه ان يجرب العربيه قبل ما يركب الكمبيوتر وخصوصا عيب الطرمبه لم يظهر فى الكمبيوتر

اتمنى تكون حضرتك متفهم كلامى وما اقصده

انا من 3 اشهر اتصلت تلفونيا بسامى فخرى وحكيت له على مشكلتى قال دى طرمبه بنزين

[aYaBooY]

متفهم طبعا

[احمد فهمى]

هو العيب انو اخد منك 100 جنيه انت رايح تغير طرمبه وعارف مطلبتش كشف كمبيوتر ولا كشف نظر غلطان انك دفعت انا لبست شداد سير دينمو بسببهم واقنعونى انو هيتكسر وبعدين اشترو واحد ب200 جنيه ولما فكو بتاعى متكسرش فقلتلهم اهو سليم ركبو بعد ما ركب اعد يخبط قالو اولنالك بايظ قلت ركبو بتاعكم وبعد ما ركبوه عخبط برضو فبص قطب وقال ايه ده دى طرمبة بور بتاعت كا قلتله لأ طبعا ولو كانت مهى كانت شغاله قال طيب سيبها وتعالى بكره وكان روحت لقيتها خلصت قال معلش كنا مركبنها غلط طيب مش المفروض يركبلى بتاعتى السليمه؟؟ واعدو يدورو على الريموت بتاع العربيه طلع فى طشت الزيت واعد ينضفو المهم قطب جدع واخوه بيفهم كويس برضو بس قطب تحس انه صديق كده واعتقد لو مكنش هناك محدش هيرحلهم وانا برضو هتعامل معاه

[egytamer]

كل ميكانيكي يبحاول يفتي وياخد الي يءضر علية من الزبون وكانو هياخد منو مليون جنية مع انو لو احترم نفسو هيربي زبون يتعامل معاة ديما ويكسب منو اكتر مع المدة وبالحلال.

[a3reda]

قسما بالله لو كان الكمبيوتر طلع ان سبب العيب الطرمبه كان يكون عادى ويحق ياخد كشف الكمبيوتر انما البجاحه انه لم يكتشف عيب الطربمه الا لما جرب العربيه بالسواقه

عموما


انا فى مدرسه الحياة تعلمت ومازلت اتعلم

[احمد فهمى]

قسما بالله لو كان الكمبيوتر طلع ان سبب العيب الطرمبه كان يكون عادى ويحق ياخد كشف الكمبيوتر انما البجاحه انه لم يكتشف عيب الطربمه الا لما جرب العربيه بالسواقه

عموما


انا فى مدرسه الحياة تعلمت ومازلت اتعلم

طيب تدفع ليه ده لو هتوصل انك تطلب النجده والله انا بتكلم جد

[a3reda]

استاذ احمد فهمى


اخو ك رضا دفع لسببين


ده ميكانيكى هتفتكر انى هقدر عليه ؟؟؟؟؟؟؟؟ولا على طوله لسانه ؟؟؟؟


وتانى سبب انا كنت مستعجل للعوده لبلدى وكنت ناوى اخليه يركب الطربمبه بعد الافطار ورحت ركبتها بخمسين جنيه عند احمد فرج ومكنتش اعرف مكانه وال وصفه لى سامى فخرى


والسبب الاخير ال خلانى ادفع انى معرفش ايه الظروف بكره وبعده جايز يجى اليوم ال اقول لل ------- ياسيدى


ليا عشر سنوات اركب الفورد واول يوم اتعب فيه من فورد


عرفت يا استاذ احمد دفعت ليه المائه جنيه

[mooz55]

اتا أعرف ان ماتور الطرمبه بس هو اللى المفروض يتغير ودهتونه بالكتير 160ج ليه غيرت الطلمبه كلها

[a3reda]

استاذ mooz55

فعلا سمعت كلام حضرتك

واتصلت تلفونيا ولقيت الموتور ب 400 جنيه عند بدروسيان فى التوفقيه وحسب كلمه بالتفون قالى انه اصلى اميريكى وطلب منى ان اخد معى الموتور البايظ وانا رايح اشتريه واترجيت الاسطى الميكانيكى ان يقك لى الطربمه واروح اجيب الموتور انما لقيته خوفنى جدا وقال انه صينى ومفيش مواتير اصليه وكمان لازم هيعمل عليه تعديل وانه جرب تغير المواتير لسيارات كتير اشتغلت كويس ماعدااااااااااااااااا الفوكس

مجبر اخاك لابطل


اتمنيت اغير الموتور