محتاج رايكم في حاجتين منها فوكس سيدان 2006

[amrh]

السلام عليكم ورحمة الله وبركاته

بفكر في فوكس سيدان 2006 .. لاني لقيتها بحوالي 60 او 65 الف فابريكه فول ابشن اوتوماتيك 1.4 سي سي

انا محتاج استشاره في حاجتين.. اولها عن العربية..

1- ايه رايكم فيها.. انا ماشفتهاش لسه.. بس ده كلام واحد ثقه.. العربية فبريكه بس مرشوشه رفرف.. وحاجه في الاكصدام..

بس هيا ده عيوبها.. فهل هي كويسه وسعرها كويس عليها

2- رايكم بقى في فورد فوكس سيدان 2006 نفسها.. حسب قرايتي البسيطه ان العربية ده اصلا اوروبية.. ماتورها من جينيرال والعربية معموله في اسبانيا.. او الماتور اسباني مش فاكر بصراحه.. بس اللي بيتقال نها اوروبية.. وعشان كده هيا مختلف عن البائي كفئة مش موديل.. فهل ده صحيح.. وايه الميزه في ده..

3- قريت عن حاجه اسمها abs .. هل هي موجوده فيها..

4- استهلاكها للبنزين اايه رايكم فيها..

5- قطع غيارها هل متوفر.. لان ان انا معايا عربية لا لاقيلها قطع غيار واتسخلت من التوكيل.. تيل فرامل طويل امامي جايبها من التوكيل بـ 700 جنيه.. وعربية عادية مش اللي هيا يعني وحتكلم عليها..

6- اخر حاجه.. رايكم بشكل عام فيها.. وبخصوص عيوبها عشان ابقى عامل حسابي عليها..

نيجي بقى للحاجه التانية..

معايا فولكس واجن باراتي 2005 .. عملت بيها حدثه وغيرت قايم.. ماتورها سليم لان الخبطه كلها كانت ناحستي يعني من الناحية الشمال والشنطه ورا.. الحمد لله اصلا اني طلعت منها حي..

حسب ما سألت عن تسعير العربية قالولي بتشيل 5 على كل سنه.. وانا كنت جايبها 84 نقول 85 من التوكيل .. يعني بعد 7 سنين 35 الف.. عايز اعرف انزل كام من سعرها عشان القايم.. ماحدش يقولي ان ما اقولش عن تغيير القايم.. انا عايز ربنا يباركلي في الفلوس حتى لو كانت قليله وفي العربية اللي حشتريها..

فرايكم انزل كام.. عشان لا اظلم ولا اتظلم..

وعايز اعرف سعرها في السوق مستعمل بكام..

على فكره.. مافيش حاجه اتغيرت في ماتورها.. خالص.. لا حتى سيور ولا كاربراتير .. يادوب بطارية العربية اللي اتغيرت.. لان اصلا العربية ما مشيتش كتير..

فا انتو ايه رايكم.. سعرها في السوق بكام ولما ابيعها اطلب فيها كام

[احمد فهمى]

طبعاً حمد الله على سلامتك وربنا هيجازيك على امانتك وبالنسبه للسعر ده بالتراضى مع الشخص اللى هتبيعلو يعنى مثلاً هتقلو المثيل بيعمل ٣٥ شوف يرضيك كام موضوع تغيير القايم بس طبعاً ميكنش تاجر عشان هيقلك ٢٠ او ٢٥ وهيخدها يبيعها على انها سليمه

اما بالنسبه للفورد طبعاً لا غبار عليها وجميع قطع الغيار موجوده فى التوكيل وال٢٠١٠ تيل الفرامل بتاعها الاصلى ب٤٥٠ يعنى زي جميع العربيات الجديده حتى الكوري بس انا بصراحه اول مره اعرف موضوع الفوكس ال١٤٠٠ دى يفضل تدور على ال١٦٠٠ لأن قطع غيارها مشتركه مع الفيستا والموديلات الفوكس حاول بس تتأكد من السى سي ده وممكن الاخوه يفيدوك برضو

[mhbcas]

متابع

[mkmaly]

اذيك يا باشا انا كنت عايز اضيف ان العربيه الفورد عموما متلقيش مشكله فى توفر قطع الغيار لكن قطع الغيار الاصليه غاليه لكن معمره جداااا وفى كمان بدايل ذى قطع الغيار الالمانى وكمان التركى بس منصحكش بالتركى لكن العربيه تستاهل المصاريف عشان عربيه محترمه جدااا وثبات على الطريق ما شاء الله ... بس ال 1400 دى انا معرفش عنها حاجه
اه وخد بالك من حاجه مش اى حد بيشتغل فى العربيه دى فلما ان شاء الله ربنا يكرمك وتجبها تقدر تتواصل معانا فى المنتدى داخل قسم فورد وهنعرفك الميكانيكيه بتوعها واماكنهم وكمان ارقام تلفوناتهم عشان لو حد لعب فى العربيات دى من غير ما يكون فهمها هيدخلك فى دومات هتكره العربيه وتكره نفسك

[samyyousef]

السلام عليكم
اتمنى أن يكون صاحب الموضوع قد وفقه ربنا في شراء السيارة و يذكر لنا خبرته في الموضوع
و ياريت رأي الأعضاء في هذه السيارة و متوسط سعرها

[amrh]

@pump_upp - best crypto pumps on telegram !

https://t.me/pump_upp - best crypto pumps on telegram Make 1000% and more within 1 day, join channel @pump_upp !