محتاج مساعده ضروري

[medo111]

محتاج مساعده يا جماعه في شويه استفسارات بكرا مسافر رايح ارخص العربيه ومفروض اني هنقل الملكيه بتعتها وهي مرور امبابه مش المفروض الاول هروح المحكمه اجيب برائه الذمه وبعد كدا هروح المرور ياريت الي يعرف التفاصيل بالترتيب بمكان المرور بتاع امبابه علما بأن انا من المنصوره وهاجي من اسكندريه الزراعي اخد الدائري ولا ادخل عادي من الموئسسه
فياريت معلش هتقل عليكو
- وصف الطريق ومكان المحكمه الي المفروض هروح اطلع منها برائه الذمه
-مكان المرور بتاع امبابه
-المصاريف بتاعت نقل الملكيه والترخيص كام؟
وشكرا

[tananybasha]

هو انا معرفشى هو فين
بس انت بالصلاه على النبى تعمل الأتى
بس ببساطه كده
1. انت هتنقل ملكية
== لازم تروح المرور تجيب شهادة بيانات للشهر العقارى عشان لو عربيتك فيكترا بيكتبوا انتاج محلى و ساعتها بتفرق جامد فى الرسوم
== تروح الشهر العقارى و معاك التوكيل و شهادة البيانات و الرخصه و بطاقتك القومى سارية و مصور كل ده 4 - 5 مرات
== هتعمل عقد مسجل و تمضى مشترى و من يومها ليك شهر تخلص اجراءاتك
2. هتروح على المرور تاخد شهادة مخالفات او براءة ذمه
3. انت عنوانك هنا و لا فى المنصورة
لو هنا هتكمل فى المرور و برضوا تكون مصور الورق قد ما تقدر
لو فى المنصورة
هتاخد
= الرخصه لو سارية خلاص او تجيب شهادة بيانات للمرور و انت بتجيب شهاده بيانات الشهر العقارى
= العقد المسجل و التوكيل
= بطاقتك
= شهادة براءة الذمه المالية

الرسوم لو عربيتك 1600
على ما اتذكر 265 جنيه
و اللوحات الجديده 140 جنيه
و شوية ورق بحوالى 40 جنيه

نصائح عامة عشان تخلص
==لازم يكون معاك طفاية سليمه عمرها لا يزيد عن 3 سنين او جديده او تسلك نفسك بريال و متجبشى طفاية جديده
== الفحص الفنى لو عربيتك زيرو لازم تظبط الأداء يعنى بريزة لبتاع البصمه و ريال لبتاع البيئة و اكيد انت و نصيبك مع بتاع الفحص الفنى
== على الشبابيك فى المرور
- شلن للى هيجيب الملف
- شلن او بريزة للى هيطلع شهادتين البيانات
== و اللى بيفك اللوحات و اللى بيربط اللوحات و بتاع اللوحات هياخد شلن برضوا
يعنى ربنا يسهلها معاك

[medo111]

شكرا يا طناني ربنا يخليك
انا فعلا عملت زي ما انت قولت طلعت شهاده بيانات للمرور وللشهر العقاري وبراءه ذمه
وبكرا رايح المرور بتاع المنصوره عشان اكمل الفيلم دا لان مفروض هسافر تاني عشان اطابق البصمه بالبصمه الي في الملف بتاع العربيه الي موجود في مرور العجوزه ايوه لان امبابه ملهاش مرور انا كنت فاهم غلط طلع في العجوزه واحلي حاجه اصلا ان انا كدا كدا كنت رايح شارع جامعه الدول وربنا يكرم ونخلص

[moody_687]

انا عندي نفس المشكلة انا شاري عربية فيكترا 2007 ومعايا حاليا توكيل رسمي من البائع انى اقدر ابيع العربية والرخصة تبع مرور محرم بك وانا تبع مرور غرب قوليلي اعمل ايه عشان اسجل العربية باسمي مع العلم ان انتهاء الرخصة العربية ف شهر 4 اللي جاي وانا هروح ان شاء الله ف اخر شهر 2 ماهي الخطوات اللى هعملها خاصا ان دي اول عربية مستعملة ليا وبراحة عليا عشان مش فهمت حاجة من فوق ومعلش هتعبكم معايا

[medo111]

المفروض انك تروح مرور محرم بيك تطلع شهاده بيانات اسمها شهاده بيانات للشهر العقاري وتاخودها وتروح الشهر العقاري بتاع مرور غرب هناك هتجيب عقد وهتلاقي واحد هناك هيقولولك خليه يكتبلك عقد بعد كدا هتمضي انت في خانه البايع وخانه المشتري بس اهم حاجه يكون معاك التوكيلات وتصورهم 3 نسخ وكذالك بطاقتك و الرخصه بتاعت العربيه وبس هتدفع رسوم التسجيل انا دفعت 875 جنيه بس العربيه 2004 وكدا يبقي انت سجلتها
في بقي حوار تاني دا مش هيخليك تدفع غير 200 جنيه وتسجل بتروح لمحامي ويرفعلك دعوي صحه توقيع وبعد شهريين بتاخد حكم من المحكمه ودا زي العقد المسجل بالظبط
بعد كدا انا دخلت افحص في مرور المنصوره واشتريت ملف فحص عادي 21 جنيه ودخلت في الطابور ورفع البصمه وبعدها المهندس بص عليها وموظف الفحص شاف البصمه بالعدسه ومضي بعد كدا قلولي لازم ترجع تاني مرور العجوزه تطابق البصمه دي بالي موجوده في الملف بتاع العربيه اصلا رحت مرور العجوزه اصلا طلع ان الملفات كلها في الثوره كانت اتحرقت فا هيرفعوا البصمه من العربيه الي هو هبل يعني ما انا اصلا البصمه الي معايا متاخده منها هما عملو كدا ليه عشان يعملولها ملف فرعي ويبعتوه بعد كدا للمنصوره ما علينا رفعت البصمه والمهندس مضي وكتب حوار الملف دا وانو اتحرق علي ضهر الورقه وان العربيه مش متبلغ عنها وتم انشاء ملف فرعي ليها ولسه بقي هروح بكرا وهبقي اكملك

[medo111]

نسيت اقولك حاجه طلع كمان شهاده بيانات للمرور يبقي كدا 2 شهاده بيانات