الكلام ده صح ولا ايه ؟

[soteer10]

انا حاليا مقتنع بالاسترا -2007 او 2008 -

وكل ما احاول اكلم حد يشوفها معايا صنايعي كويس عشان يقوللي حالتها ويكشف عليها

بدون تفكير يقول

ابععععععععععععععععد عن الاوبل انت عبيط دا العربيه كلها مشاكل وكلها حساسات وبتعطل لله في لله كده
وحاجاتها صعب تلاقيها و غاليه جدا جدا جدا انت عارف المساعد بكام ولا المرايه خليك في الاوبترا او شفلك حته لانسر كويسه وربنا يسهلك

الكلام ده من اتنين كبار اوي في الشغله دي وكمان من صنايعي


انا حاليا مش عارف الوضع ايه

اجيب وميهمنيش الكلام ده ولا ايه

وفعلا قطع الغيار نادره والعربيه اسعارها كتير

ولو ممكن اسعار بعض قطع الغيار للموديل ده مقارنه بالانسر او اوبترا مثلا


عشان انا زهقت فعلا


شكرا

[tananybasha]

لو عايز تركب اى حاجة ابعد عن الأوبل
و اسمع كلام الصنايعية عشان هما اللى بيفهموا و كل اللى راكبين اوبل ربنا كتب عليهم كده و كلهم عارض عربيتهم للبيع
هاقولك كلمه واحده
اركب كل اللى قالوا عليه
و اركب فيكترا 95
و انت تقول

[moumen_hs]

طيب خليك فى اللا نسر او الاوبتر او النيسان ولخص كلهم فى نفس المستوى تقريبا والاعطال معروفة وقطعه الغيار موجودة مش نادرة زى غيرها

[meika]

جرب الاوبل من غير متشترى من واحد صاحبك مثل
وجراب الانسر والميجان والدايو والاوبترا
واعرف الفرق بلتجربة

[tananybasha]

جرب
و
قرر

[tarekzein]

إسطوانه مشروخه

[HASSAN SERRY]

لو عايز ركوبة و أمان خليك فى الأوبل وللهى بجد العربية ديه اسبتيتلى امان مش طبيعى و اللهى لسه واحد صاحبى معاه برضوا استرا 2007 من اسبوع عامل حادثة على طريق السويس عند مستودع صقر دخل فى لوحة إعلانات كبيرة شالها من على الأرض و كان ماشى على 160 , الحمد لله بعد ستر ربنا طبعا صاحبى خارج من العربية سليم مفيهوش حاجة
اه العربية راحت خالص بس واللهى لو اى عربية تانية كورى او يابانى مكنش خرج منها اصلا
انا بقالها معايا أكتر من سنة و الحمد لله ماشية معايا و مشفتش منها حاجة وحشة
لو بتفكر فى اى حاجة تانية خليك فى الكورى و اليابانى

[soteer10]

انا مش عايز اي عربيه والسلام
انا عايز حاجه محترمه
وفي حدود 80000
ومش لاقي حاجه يكون فيها امان ومميزات واوبشن زي الاوبل

وانا فعلا قلقان منها لكن عاجباني وانا مش عايز اصرف علي العربيه انا عايزه متفتحش بقها زي ما بيقولوا

اعمل انا ايه

[soteer10]

لو عايز تركب اى حاجة ابعد عن الأوبل
و اسمع كلام الصنايعية عشان هما اللى بيفهموا و كل اللى راكبين اوبل ربنا كتب عليهم كده و كلهم عارض عربيتهم للبيع
هاقولك كلمه واحده
اركب كل اللى قالوا عليه
و اركب فيكترا 95
و انت تقول

انا اسف لكن مفيش امكانيه لركوب ال فيكترا 95

وحضرتك قصدك انها افضل ولا اسوا

[tananybasha]

انا اسف لكن مفيش امكانيه لركوب ال فيكترا 95

وحضرتك قصدك انها افضل ولا اسوا

مقلتشى انك تركب 95 تمتلكها
لأ
اركبها و قارن ما بين 2007 / 2008 كورى فى الثبات و التكنولوجيا

[abdelaziz-waleed]

انا بقالي اكتر من 3 سنين مش بعمل في العربية غير الصيانات العادية
بطارية مساعدين زيت سيور تيل
انما الحمد لله مافيش اي مشاكل عويصة قابلتني
هو فقط للامانة لمبة ال abs احيانا بتنور
الاوبل زي اي عربية في الدنيا تحترمها تحترمك. تهينها توريك النجوم في عز الضهر
ولازم اللي يشتغل فيها يكون متخصص اوبل
المشكلة مش في العربية. المشكلة في الضمير اللي بقى عملة صعبة في بلدنا
صدقني الاوبل كصفقة رابحة جدا واحسن قيمة مقابل المال. لو بس كان توكيلها محترم كانت بقت احسن عربية في مصر

[m_adeleid]

الكلام اللي بيتقال عن الالماني ده غالبا مش بيتقال في اي بلد في العالم الا هنا وبس
ولو سمعوه باقي الخلق حيزعلو مننا قوي
يا فندم علشان تريح نفسك وتبقي دايما في الامان
خد رأي الصنايعي المصري و اعمل عكسه حتلاقي نفسك بأذن الله دايما بتعمل الصح

[soteer10]

انا بصراحه افضل عربيات ركبتها كانت الالماني بدون منازع
ده حتي الفيليشا احسن من الفرنا ميت مره مع فارق 12 سنه شغل وتكنولوجيا

والاوبل بصراحه انا ركبت فكترا 2001 تحفه بجد وعلي الرغم انها مش اعلي حاجه في الاوبل يعني

لكن لما حاولت اركب الكوري -مقرف بجد- مفيش غير الانترا 2009 و سيراتو اللي حسيت انهم معقولين

ركبت الجولف روعه

--
الياباني جنني كل عربيه بمزاج
الانسر والتيوتا ممكن اركب واحده لانسر احس انها الماني
اركب واحده تانيه احس اني راكب توك توك

والتيوتا

واحده تحسها مبتقومش والتانيه تحس انها طياره

مع مراعاة ان الاتنين 1600

المهم مش عارف

اجيب اوبل 2007 -2008 وخلاص ولا ايه