كورساوى جديد....ارجو مساعدتكم

[EGYPTIANDR]

السلام عليكم ورحمه الله وبركاته..من فضلكم يا شباب الحمد لله أنا لسه جايب كورسا سيدان 2003 gls وكان معايا قبل كدة الجرار اللى اسمه 128 فطبعا مش فاهم حاجة وعندى بعض الملاحظات ارجو الافادة منكم:
1) الفتيس ناشف شويف وبالذات فى الاول ودايما مع الاول بسمع صوت زنع عالية مع زيادة البنزين ولما انقل للتانى الصوت بيروح وبحس ان المكنه ارتاحت.

2)التابلوة كله بينور وعداد الكيلومترات والزيت مطفى مبينورش ومش باين نهائى

3)صوت المروحه عالى جدا جدا زى الجرار وبتفضل شغالة كتير بعد ما ابطل رغم ان الحرارة حلوة ومبتعديش النصف بالكتير

4) يا ريت لو اى لينك للصيانات الدورية بتاعتها او المانيوال
والف الف شكر

[aldesha989]

المروحه دى يا اما تغير الشربون يا تغير الماتور بتاعها
وان هى بتشتغل كتير ممكن حساس الحراره مش مظبوط وعايزه الاصلى بتاعها

العداد ممكن تفكه لو ما تعرفش روح لكهربائى يفكه ويغيرلك اللمض الصغيره بتاعته

والف مبروك ولكن اهم حاجه تعملها تكشف على الكاوتش لو وحش غيره لان دى اول حاجه قابلتنى مع عربيتى اول ما جيبتها والكاوتش كان سئ جدآ جدآ جدآ

وتغير سير التقسيمه وباقى السيور وتغير فلاتر وبوجيهات تعمل طقم سيرفيس بقى علشان تمشى على نضافه

[ALKareem]

في ميكانيكي في امبابة اول ما تنزل من الدائري نزلة القومية هتلاقية على ايدك اليمين لو انت جاي من ميدان لبنان و ماشي في اتجاة شبرا الخيمة اسمه محمد و شغال في الاوبل و الجولف و الاودي و اسعارة كويسة في المصنعية عن تجربة
ربنا يكرمك و يكفيك شرها اسمة محمد اوبل بيعمل الصيانة و كل حاجة و محترم و امين عن تجربة

[ALKareem]

النور بتاع التابلوة دة اللمض بتعمل اربعة جنية لمبة صغيرة ورا التابلوة بتتفك و تتغير

[K.Ossama]

السلام عليكم ورحمه الله وبركاته..من فضلكم يا شباب الحمد لله أنا لسه جايب كورسا سيدان 2003 gls وكان معايا قبل كدة الجرار اللى اسمه 128 فطبعا مش فاهم حاجة وعندى بعض الملاحظات ارجو الافادة منكم:
1) الفتيس ناشف شويف وبالذات فى الاول ودايما مع الاول بسمع صوت زنع عالية

3)صوت المروحه عالى جدا جدا زى الجرار وبتفضل شغالة كتير بعد ما ابطل رغم ان الحرارة حلوة ومبتعديش النصف بالكتير

1) شوف زيت الفتيس أخباره ايه. غالباً ده السبب.
3) الحرارة المفروض انها تكون فى الربع التانى من المؤشر، يعنى ما بين تانى شرطة و النصف. تلاقيها تقرب من النصف فالمروحه تشتغل والحرارة تنزل. صوت المروحه العالى ده معناه ان المروحة التانية اشتغلت (اللى هى أصلا بتاعة التكييف) يبقى العربية سخنت والمروحة العادية مااشتغلتش وعازة تتغيير و حتلاقى منها استيراد فى حدود 500جنيه. خلى بالك لأن الموضوع ده ممكن يبوز حساس الحرارة او جوان وش السيلندر.

[EGYPTIANDR]

الف الف شكر يا شباب وياريت لو لينك مانيوال مانيوال العربية لو امكن