تجربتى مع مروحة الفيكترا النهارده

[فادى محمد]

-افتح الطبه احسن .
-بيبقي في 2 مستوي لقياس الزيت
هتلاقي ناحيه في المقاس عليها 20د
وعلامه القياس ودي معناها مستوي الزيت
والموتور بارد -الناحيه التانيه عليها 60د
وعلامه القياس والموتور ساخن
-في اي حاله من الحالتين عند القياس
بتدي العربيه النقله الخلفيه r وانت دايس
فرامل طبعا وحد يساعدك في القياس ...

[ashrooof]

شكراً فادى باشا وربنا يخليك لينا بس مقلتليش درجة الحرارة 93 عالية أوى ولا معقولة.انا مركب الترموستات الرمادى ارقامه 95 / 100 100 / 105 على اد مانا فاكر و ترموستات الكوعة راكبة.

[فادى محمد]

تمام كده ياباشا . هو ده الاوريجنال بتاعها

[MaaM]

كدا تمام ، انت ضغطت المية في الريداتير ازاي ؟ هو الفيكترا اللي معاك 95 ؟ وليها غطاء ريداتير؟

[ashrooof]

محمود باشا انا الاوبل اللى معايا 95 اوتوماتيك 2000 سي سي والراجل بتاع الرادياتير بعد مافكه حط خرطوم مية شديد وملاه وقفل الفتحة التانية ومع ضغط الميه هيبان فى تسريب ولا لأ.

[ENG\AHMED]

اعمل ايه يافادى قدر الله وماشاء فعل. هو الراجل بتاع الرادياتير عرض على كدة بالضبط جابلى علبة جديدة وحلفلى انها المانى مع ان مكتوب عليها بخط يشوفه الاعمى صناعة الصين بس بالانجليزي والباشا طبعا مكنش فاهم او فاهم وبحسبنى مبقراش انجليزي وكان تمنها 120 جنيه برضه فانا بصراحة استخصرت لان الرادياتير بتاعى جديد بقاله 6 شهور بس وعلبته الاصلية نضيفة جدا ولما ركب العلبة الاصلية ركبها زى ماقلت بالضبط تحت شفة الرادياتير على جوان كاوتش وسليكون حرارى يعني نفس كلامك واسعارك مش قلت لك فيك شيئ لله وربنا يستر وتكمل.
بس عاوز أسألك احسن افضي زيت الفتيس من مكان المقاس بالشفاط ولا من الطبة اللى تحت لانى بصراحة خايف افتح الطبة لانى مفتحتهاش ومغيرتش زيت الفتيس من 10 سنين بس

قبل ماتقرر هتشفط ولا تفك الطبة شوف مكان الفلتر وبيتفك ازاى الاول لأن فى فتايس بتفك الكارتيرة كاملة علشان الفلتر فا كده كدة الزيت هيسقط

لازم تغير الفلتر مع الزيت

[ashrooof]

انا رحت للميكانيكى النهاردة وفك الطبة من تحت وفضى الزيت كله وحطيت 3.75 لتر موبيل 320 وكنت عاوز احط شل 320 بس ملقتهوش والراجل قالى لازم نفك الفتيس من جوة نصين علشان نغير الفلتر وانه مابيتغيرش إلا فى عمرة الفتيس فمغيرتوش.