كل ما تريد معرفته عن الجيل الأول من الفنئة الثالثة e21

[ahmedbasto]

بسم الله الرحمن الرحيم

العربية دى بدأ انتاجها من سنة 1975 لحد سنة 1983 طبعا شكلها مميز واللى ما يعرفهاش هى بالشكل دة:

نزلت بمواتير من 1800 سى سى لحد 2300 سى سى :
1800 سى سى بيطلع 90 حصان وفى موتور تانى بيطلع 98 حصان.
2000 سى سى بيطلع حوالى 109 حصان دة كرابيتير وفى منه موديل حقن اليكترونى بيطلع 125 حصان
2300 سى سى بيطلع 143 حصان
طبعا العربية دى أسعارها بتتراوح من 17 ألف جنيه بس بتكون بحالة يرثى لها وفى حاجات ممكن توصل ل 40 ألف العربية دى ميزتها وكعادة بى أم دبليو عربية صاجها جامد ومريحة من جوه جدا وفيها كل كماليات العصر بتاعها والعصر اللى بعده لدرجة ان كان فى موديل منها بينزل بكراسى ريكارو وكرونة لوك فطبعا دى عربية أسطورة دلوقتى نكمل الموضوع بشوية صور ليها يا رب تعجبكم:



ومستنين ملاكها يقولوا رايهم فيها واخبار قطع الغيار ايه وانتظرونا مع موضوع اخر.

[elfashn]

العربيه دى فعلا حلوه اوى او كانت كده بس الوقتى مش بتلاقى ليها قطع غيار ولو لقيت هتلاقى الى بيبيعها بيبيع ويشترى فيك.بس كعربيه انا من محبيها وفى سنه 1997 جربتها كانت بتاعة طيار جارى وهو كان محافظ عليها اوى بصراحه ملهاش حل غير انها كوبيه ودى من الحاجات الى عاجبانى فيها

[ahmedbasto]

فعلا كلامك صح انا ركبتها فى فرح اختى مع اصحابنا كانت جامدة جدا وعملت احلى شغل يومها

[Esam Mosaad]

غريبه انا واحد صحبى عاوز يبيع 316 e21 1980
بس 1600 سى سى !!! مش 1800

ديه تعملها كام

[ahmedbasto]

ايوة يا باشا موجودة وسعرها دة حسب حالتها

[gemy1]

يا جماعه انا من عشاق العربيه دى طبعال لانها عربيتى هههههههه و بجد بجد عربيه تحفه و عايز كمان اضيف ان نزل منها كمان 315 بس دى ما نزلتش مصر خالص و كمان اول لما نزلت مصر نزلت من موديل 77

[shaddadfalcon1]

البارح شفت بي ام 320 موديل 2010 لونها احمر غامق شويه ميتالك تقريبا ومركب جنوط اسبور وكوتش رفيع كده بس العربيه ماشاء الله كان شكلها روعه

[ahmedbasto]

اكيد مش بيمر

[gemy1]

اكيد مش بيمر

[mido320i]

قطع غيار العربيه دي ايه نظامها؟؟؟ممكن امثله ليها والاسعار؟؟ ولو مش موجوده ينفع تتعدل e30 ؟؟

[sheko_2000eg]

عربية ممتازة و ده العادي من bmw