عندي قطع غيار e30 كتيرة للبيع

[DrJomaro]

معندكش كارونا لوك !

راكبة عندي وياريت كان عندي غيرها و متغلالش عليك
بس هقولك على معلومة القلب اللوك بتاع اي كرونة 6 سلندر لوك بيركب على بعضه
يعني ممكن تاخد قلب لوك من كرونة e36 و تحطة في كرونة ال e30

تابلوه e30

انا معايا e30
, عندى حاجات بتاعت ال e36 استيراد مش خلع

2 تابلوه ومنهم واحد اللى فيه airbag
عداد
باب ورا يمين كامل بفرشه بالمكن الكهربا

لونه ايه ؟


ممكن ادخل فاى حاجه معاك او مع حد صاحبك

01007630566
محمد مصطفى

أنا اتشرفت بييك وو انشاء الله تكون معرفة خير

[golfawyzz]

أنا اتشرفت بييك وو إن شاء الله تكون معرفة خير

ده الشرف ليا
الباب لونه كحلى

انا محتاج شوية حاجات للعربيه وممكن ادخل اى حاجه فى اللى معايا فيهم

يعنى محتاج طقم فوانيسها الامامى العدسات
تابلوه
عداداتها اللى فيها الاربى إم بدل اللى فيه ساعه اللى عندى
الاكصدام الفايبر الامامى ( انا عندى كل الكيت الفايبر ماعادا الامامى متكسر )
فرش ال 4 ابواب




موضوع قلب الكارونا اللوك ده يتكلف كام تقريبا ؟

[DrJomaro]

السلام عليكم يا د.حمدى !

عيد سعيد وكل سنه وانت طيب !

كويس والله ان لسه فى ناس بتعمل زيك كدة وبتفكر بدل ما التجار تروقنا فى الاسعار !!

والله يا دكتور انا معايا ثرتى بردو موديل 90 !

والشهر اللى فات كنت مبركبهاش ومسافر وبعيد عنها !!

ولما رجعت بقه لقيت اخويا الصغير والحاج الوالد الله يباركلهم حطو التاتش بتاعهم !!

هسال على شويه حاجات عندك وربنا يكرم نلقيها معاك وتكون نضيفه وونوفر فى سعرها بدل مال التجار يدبحونا !!

مبدايا عشان نبقى عارفين العربيه 4 سلندر فورتى 18 !


انا محتاج كالاتى :-

سربنتينه تكيف

ان شاء الله موجودة بس خليني أتاكد لأني أعتقد عندي أكتر من واحدة أصلا

طرمبه باور

انا مش عندي بس هيا كانت راكبة في موتور صاحبي , هسألك عن حالتها لأنو أنا فاكر انو كان عندو مشاكل في البور

انا تقريبا بقول محتاجه عفشه كامله من قدام لان العربيه تحس انها ماشيه على رمل
انا مفكتهاش بس هغير عفشه كامله وهقلبها ف6 سلندر يعن

يعنى انا محتاج عفشه كامله
مساعدين - سوست - بطاحات دى اللى فى الجناب
طقم بارات - الاسكترا (علبه الدريكسيون )اعتقد انها شغاله مفيهاش مشاكل

دة كله 6 سلندر طالما بنعمل ابجريد

انا عندي ركبتين كاملين بس من غير فرامل (يعني مساعدين -سوست-بطاحات)


محتاج كمان لو مفيهاش رخامه

طنابير وكاليبرات خلفيه سكاكين بتوع ال 6 سلندر

هركبهم مكان الطبل بتاعه ال4 كتحسين للفرامل يعنى !

محتاج الطنابير وال كاليبرات بس سالت الميكانيكي بتاعى قالى بيركبو عادى من غير ما تغير القطمه او الطبليه كلها !!

انتا محتاج المقصات اللي ورا + طنابير و كاليبرات (نصيحة مافيش فرق كبير,انا مش حاسس بفرق بالذات لو متورك m40)

وبارك الله فيك وطولت عليك انا عارف

والله المتاح عندك هاخده واللى ش هلاقيه انا نازل السويس او بور سعيد بعد العيد !

كل سنه وانت طيب تانى وربنا يزيدك من عنده

اخوك كريم نجيب

أتمنى أكون قدرت أساعدك :-)
انتا نازل امتى علشان أنا مسافر اسكندرية كام يوم

[DrJomaro]

-جوز مساعدين Bilstien ُe30 اصفر خلفي 200 جنية= SOLD

[7yatna]

براحتك يا
كتور مش هنختلف !

على العموم شوف الحاجة الموجوده عندك واكتبلى اسعارها والحاله !

وامتى اقدر اجى اخدها !

سواء قبل ما تسافر او بعد مش هنختلف اوى يعنى !

وسيبلى رد وان شاء الله نرتب مع بعض

وشكرا ليك جدا وتعبتك معايا

[golfawyzz]

انا بفكر أفتح محل قطع غيار من كتر الحاجة اللي عندي و اللي عند صحابي

2-ركب أمامي 6 سلندرا نظيفة جدا (سوست +مساعدين التخان بتوع ال25 + بطاحات) بدون طنابير وبدون ماستر فرامل
3-مساعدين ستوك ورا
2+3 = 500 جنية

هل فى امكانية البدل ؟؟

[DrJomaro]

هل فى امكانية البدل ؟؟

المبدأ موجود بس خلي بالك ان دي حاجات زيادة أصلا

عايز تبدل ايه ؟

[7yatna]

ألسلام عليكم دكتور حمدى !

معلش هتعبك شويه عايز اتناقش معاك فى شويه حاجات!

اولا هل طنابير الامامير بتاعه ال 4 سلندر تختلف فى الابعاد او القطر عن ال 6 سلندر ! وطبعا هل كاليبرات ال 4 بتفرق عن ال 6 فى قوة الكبح او الحجم ؟

دة اول سؤال

طيب بالنسبه للعفشه كامله ايه المكونات لانى عايز انزل اشترى عفشه كامله 6

بس عشان التوفير الصراحه فى حاجات شغاله معايا من العفشه ال 4 واهمها وغلاها علبه الدريكسيون !

يعنى فكر معايا كدة عفشى الثرتى بتتكون من ايه

- اجناب وتشمل الاتى ( بطاحات - مساعدين - سوست - طنابير - كاليبرات فرامل )
- مقصات بردو فى فرق بين ال 4 او 6 لانى من حوالى كام شهر مغير مقص بجلب جديده يمين والشمال كان حالته حلوة هنشوف واحنا بنفك
- بارات ( دى اللى شاكك فيهم انا بفكر اجيبهم جداد احسن طقم كامل )
- علبه دريكسيون ( هل ال4 هيا ال 6 ؟ )

دى تقريبا مكونات العفشه اللى بالى

فى حاجات تانيه ناقصه ؟ انا اعتقد بس مش متاكد
يعنى فى حاجة اسمها ميزان وحاجة كمان اسمها صوابع ميزان !

وبالنسبه للمساعدين وال سوست ال 6 والبطاحات اللى عندك ( حالتهم ايه بالظبط وسعرهم واخوك غلبان يا كبير )

وشوفتلى السربنتينه وبردو عامله كام

وطرمبه الباور بردو كنت قلت هتسالى عليها !

ولو كدة نجيب الحاجات اللى عندك اهو منها مصلحه ليك بدل ركنتها وفى نفس الوقت توفر عليا وحاجه مضمونه منك لانك خبره كبيره فى المجال يعنى ماشالله


اه صحيح بالنسبه للفرامل السكاكين ورا بتعه ال 6

الميكانيكي بتاعى قالى هتجيب الطنابير والكاليبرات بس وهتركب على طول
الكلام دة صح ولا لازم حاجة تانيه تتغير

علما بان حاليا العربيه على طبل عادى جدا زى ال 4 سلندر

ومعلش طولت عليك

[DrJomaro]

ألسلام عليكم دكتور حمدى !

معلش هتعبك شويه عايز اتناقش معاك فى شويه حاجات!

اولا هل طنابير الامامير بتاعه ال 4 سلندر تختلف فى الابعاد او القطر عن ال 6 سلندر ! وطبعا هل كاليبرات ال 4 بتفرق عن ال 6 فى قوة الكبح او الحجم ؟

دة اول سؤال
طنابير ال4= طنابير ال6 في كل حاجة(حتى الكاليبر و التيل )الاتنين 266 ملم , ما عدا ان طنابير ال 6 هوايات
يعني رأي مش فارقة كتير

طيب بالنسبه للعفشه كامله ايه المكونات لانى عايز انزل اشترى عفشه كامله 6

بس عشان التوفير الصراحه فى حاجات شغاله معايا من العفشه ال 4 واهمها وغلاها علبه الدريكسيون

يعنى فكر معايا كدة عفشى الثرتى بتتكون من ايه

- اجناب وتشمل الاتى ( بطاحات - مساعدين - سوست - طنابير - كاليبرات فرامل )

بص علشان اريحك قدام : عفشة ال4 هيا هيا عفشة ال 6 ما عدا
1- فرامل ال 6 هوايات
2-مساعد ال 6 51 ملم مقابل 45 ملم لل 4 (علشان يشيل المكنة الاثقل )
3-الميزان الأمامي في ال 6 20 ملم مقابل 18 ملم في ال 4 (محدش بيغيروا ولا يعرف المعلومة دي أصلا )
و بس كدا
- مقصات بردو فى فرق بين ال 4 او 6 لانى من حوالى كام شهر مغير مقص بجلب جديده يمين والشمال كان حالته حلوة هنشوف واحنا بنفك
المقصات هيا هيا
- بارات ( دى اللى شاكك فيهم انا بفكر اجيبهم جداد احسن طقم كامل )
- علبه دريكسيون ( هل ال4 هيا ال 6 ؟ )
علبة الدريكسيون هيا هيا
نصيحة لو هتغيرها ركب علبة ال E36
ال lock to lock turn بتاعها أقصر حوالي 3.5 لفة من أقى اليمين لأقصى الشمال مقابل حوالي 4 لفات لل E30
دى تقريبا مكونات العفشه اللى بالى

فى حاجات تانيه ناقصه ؟ انا اعتقد بس مش متاكد
يعنى فى حاجة اسمها ميزان وحاجة كمان اسمها صوابع ميزان !

وبالنسبه للمساعدين وال سوست ال 6 والبطاحات اللى عندك ( حالتهم ايه بالظبط وسعرهم واخوك غلبان يا كبير )

بص هما مش بتوعي والله دول بتوع صاحبي و أنا كنت كاتب هوا طالب فيهم كام و هما حالتهم نضيفة أوي

وشوفتلى السربنتينه وبردو عامله كام

سربنتينة ولا كمبريسور ؟؟
انا معنديش سربنتينة

وطرمبه الباور بردو كنت قلت هتسالى عليها !

اول لما أوصلوا هقولك علطول :-)

ولو كدة نجيب الحاجات اللى عندك اهو منها مصلحه ليك بدل ركنتها وفى نفس الوقت توفر عليا وحاجه مضمونه منك لانك خبره كبيره فى المجال يعنى ماشالله


اه صحيح بالنسبه للفرامل السكاكين ورا بتعه ال 6

الميكانيكي بتاعى قالى هتجيب الطنابير والكاليبرات بس وهتركب على طول
الكلام دة صح ولا لازم حاجة تانيه تتغير

علما بان حاليا العربيه على طبل عادى جدا زى ال 4 سلندر

لأ غلط هتحتاج المقصات اللي ورا بتوع ال 6 سلندر
و غالبا مش هتلاقي حد يفكهم من على الصالة فهتجيب صالة ورا كاملة

رأي بلاش ملهاش لازمة خالص


ومعلش طولت عليك

و لا يهمك :-))
أنا صديق لأي E30 owner :-))

[7yatna]

و لا يهمك :-))
أنا صديق لأي E30 owner :-))

شكرا يا دكتور حمدى ما شالله انت موسوعه يا كبير !

على العموم بردو هرجع واقول تانى اللى موجود عندك قولى حالته وبكام فلوس وانا ان شاء الله هخلص واشترى باذن الله !

بالنسبه للعلبه الدركسيون انا شوفت اون لاين تعديل ال 36 و z3 اللى بيركب على الثرتى

بس لازم الفلانشه اللى ماسكه من القطمه تتعدل او تقصر شويه عشان قطمه الثرتى تركب على علبه ال 36

هنشوف

فكره انى عايز اقلب 6 سلندر لانى واحده واحدة بقلب العربيه 6

العفشه والفرامل اولا

لان العفشه ابويا كسرهالى

والفرامل انا معرفش واحد حمار لعبلى فيها ومن ساعتها مش مظبوطه

لدرجه انى عملتلها تفكيك كامل وفلش كامل للدوره بتاعه الفرامل وزيت دوت 4 من اول وجديد

وكماان الاتيال خلصانه فا هيا هيا هغير الفرامل كلها بالاحسن وطبعا انت فاهم الثرتى مغريه فى الجرى ازاى

والاواحد ميستغناش عن الفرامل اللى على الشعره

متشكر جدا يا دكتور ومبسوط اوى اننا اتناقشنا فى العفشه وانت اديتنى الصح تمام اهو

[golfawyzz]

المبدأ موجود بس خلي بالك ان دي حاجات زيادة أصلا

عايز تبدل ايه ؟

لو فى اكصدام امامى لل e30
عفشه او مساعدين .. عشان عندى فى الضياع
كراسى e36
شبكه النص ( اتسرقت عندى )


اقولك .. نظبط وقت نتقابل فيه نشوف اى حاجه للبدل بحاجات ال 36 اللى عندى
لان ملهمش اى لزمه عندى .. وانا عربيتى محتاجه

[DrJomaro]

شكرا يا دكتور حمدى ما شالله انت موسوعه يا كبير !

على العموم بردو هرجع واقول تانى اللى موجود عندك قولى حالته وبكام فلوس وانا ان شاء الله هخلص واشترى باذن الله !

بالنسبه للعلبه الدركسيون انا شوفت اون لاين تعديل ال 36 و z3 اللى بيركب على الثرتى

بس لازم الفلانشه اللى ماسكه من القطمه تتعدل او تقصر شويه عشان قطمه الثرتى تركب على علبه ال 36

هنشوف

فكره انى عايز اقلب 6 سلندر لانى واحده واحدة بقلب العربيه 6

العفشه والفرامل اولا

لان العفشه ابويا كسرهالى

والفرامل انا معرفش واحد حمار لعبلى فيها ومن ساعتها مش مظبوطه

لدرجه انى عملتلها تفكيك كامل وفلش كامل للدوره بتاعه الفرامل وزيت دوت 4 من اول وجديد

وكماان الاتيال خلصانه فا هيا هيا هغير الفرامل كلها بالاحسن وطبعا انت فاهم الثرتى مغريه فى الجرى ازاى

والاواحد ميستغناش عن الفرامل اللى على الشعره

متشكر جدا يا دكتور ومبسوط اوى اننا اتناقشنا فى العفشه وانت اديتنى الصح تمام اهو

العفشة قدام وورا ب 500 (جنبين من غير طنابير )
علبة الباورسألت صاحبها قالي انها سلمة ب 300
كباس التكييف اتباع للأسف

[ghost]

عندك سربنتنه الاماميه للتكييف والخرطيم و الكويل الداحلى و دفيرة الزراير و دفيرة الطابلوه

[adel152]

د. حمدى بعد التحية.
يوجد رسالة على الخاص برجاء الرد.
تحياتى.

[Haitham10]

والله الواحد استفاد من كلامكم
لو عند حضرتك او تدلني علي اسعار الحاجات دى
واجيبها من عند مين وهلاقيها ف بورسعيد جديد او استيراد
e30 العربية
6 سلندر المكنة البيضا 2.5
عاوز
رادياتير
مساعدين - كبالن خلفي