الحمد لله عملت العفشة بس في مشكلة

[نينو]

انهردة الحمد الله نزلت عفشة العربية كلها و جبت جلب مقصات و صوابع ميزان وبارات دركسيون و كاوتش علبة الدركسبون و العفشجي هد العفشة كلها وركبها من الاول خالص وبقيت العفشة حكاية بجد حسيت فعلا يعني ايه عفشة بي ام بس في مشكلة الطارة مش جاية في النص علي العدل يعني معوجة سنة انا بيتهيالي بتاع الزوايا يعملها و انا بضبط زوايا تاني حاجة العربية لما باجي افرمل بحس ان في رعشة في الطارة مع ان قبل معمل العفشة مكنش فيها حاجة خالص مش عارف لية وحاسس انها بتحدف مني مع الفرملة
حد عندو تفسير للي حصل ده
الو في حد عاوز يعرف اي تفاصيل عن الاسعار يقولي و انا تحت امركم
اخوكم مينا

[mahmoudysf]

زبط زوايا عند حد كويس الاول
والهزة مع الفرامل معناها الطنابير فيها عالي وواطي

[نينو]

احسن تيل اجيبو اسمه اية و بكام و منين و عاوز اجيب بوجيهات هل ليها رقم معبين و لا اقول للبياع ايه عليها و شكرا

[Nashaat Rady]

اكشف علي الطنابير... رعشة أو رجة وانت بتفرمل ٩٠٪ بتبقى طنابير..

وظبط زوايا بعديها و قول لبتاع الزوايا يوسطن الطارة...

بعد كده شوف العربية لسه بتحدف لما بدوس فرامل ولا لأ

لو لسه بتحدف وانت بتفرمل يبقي عندك ماستر فرامل بايظ أو خرطوم بيسرب

راقب مستوى زيت الفرامل.... و ما تهملشى الموضوع ده عشان خطر و انت ماشي علي سرعة

[نينو]

متشكر ليك يا استاذ نشات انا انهردة ظبطت زوايا عند اشرفكو بس لسة الفرامل مش مظبوطة هشوف التيل و الطنايبر بس عاوز اعرف اجيب تيل نوعو ايه وشكرا
اخوك مينا

[Nashaat Rady]

متشكر ليك يا استاذ نشات انا انهردة ظبطت زوايا عند اشرفكو بس لسة الفرامل مش مظبوطة هشوف التيل و الطنايبر بس عاوز اعرف اجيب تيل نوعو ايه وشكرا
اخوك مينا

اشرفكو كويس في الزوايا والترصيص بس استعدال الجنوط عنده مش إد كده...
ما علينا... أنا ماعرفشي كتير عن قطع غيار الbmw، ان شاء الله حد غيري يفيدك في الموضوع ده.
في المنتدي هنا برده حاتلاقي معلومات كتير عن قطع الغيار و أماكن توفرها

و ربنا يبارك لك فيها و يكفيك شر الطريق

[profzizo]

متشكر ليك يا استاذ نشات انا انهردة ظبطت زوايا عند اشرفكو بس لسة الفرامل مش مظبوطة هشوف التيل و الطنايبر بس عاوز اعرف اجيب تيل نوعو ايه وشكرا
اخوك مينا

ألف مبروك على الأصلاحات الشاملة يا مينا وربنا يبارك...
أنا جربت فى التيل ....ar & Remsa & Myele & Ate أكترهم راحة لى فى أسلوب القيادة على السرعات ويعتبر طرى كان على الترتيب من الأفضل للأقل من وجهة نظرى:
1- Ate
2- Myele
3- ....ar
4- Remsa

أهم حاجة فى التيل مش الماركة بس بس كمان أنه ميكنش تم تخزينة....
يعنى مثلا أنا لما أشتريت ال ....arمع أنه المفروض أنه نوع كويس كان متخزن وناشف جدا فطبعا كان بيصفر ومبيمسكش كويس "يمكن علشان غالى فبيقعد كتير" ... طبعا مش عيب من التيل ولكن من التاجر وحاولت أرجعة التاجر مرضيش مع إن التاريخ كان موجود على ال Brake Pad وكان وقتها معدى ال 3 سنين مع إن المفروض إنه ملوش تاريخ إنتهاء بس فى ظل ظروف التخزين السليمة.

الخلاصة: لو هتجيب هات من حد موثوق منه وياريت يكون جديد بقدر المستطاع

3- ٌصدى تكستار بس مش راضية تتكتب

[نينو]

ربنا يخليك يا بروف ومتشكر لحضرتك
اخوك مينا

[profzizo]

ربنا يخليك يا بروف ومتشكر لحضرتك
اخوك مينا

تحت أمرك فى أى وقت يا مينا.... شوف أنت عايز ماركة أيه وأنا ممكن أوديك عند تاجر معرفة يكون ثقة ويظبط معاك السعر عن أى حد برة....

[نينو]

ربنا يخليك يا كبير