استشارة بخصوص ال x3 2013

[srt10]

السلام عليكم

كل سنة وحضاتراتكم طيبيين


واحد زميلي مقبل على شراء bmw x3 2013


2000 cc


عاوز اعرف من حضارتكم رأيكم ايه في العربية والقوة والأعتمادية وقطع الغيار وشكلها



واستهلاك البنزيين

[2CODE]

وانت طيب وبصحة وسلامة

للاسف محدش اشتراها لغاية دلوقتي ولا شوفنالها تقرير على ارض الواقع (كعادة 95% من عربيات bmw الزيرو) مش هتلاقي الا ناس تتعد على الصوابع اللي مشتريين bmw زيرو

بس حتى الان محدش مننا اشتراها

[srt10]

طيب مافيش حد عنده اي فكرة ؟

[mohamed_hamdi]

العبد لله معاه ال 3000 سي سي و متوسط استهلاكها 7.5 كم لكل ليتر داخل و خارج البلد بمعنى 150 كيلو في المتوسط للصفيحة مع التكييف باستمرار أما بخصوص ال ٢٠٠٠ سي سي اقل في استهلاك البنزين ب ١٤ ٪ بمعنى حوالي 175 كيلو للصفيحة و مش فرق كبير عن الموتور الأساسي بس الضريبة ١٠٠٠ ج بس مش ٢ ٪ انما الموتور ده ١٨٤ حصان و ليس ٢٤٥ حصان الطبيعي اللي بينزل بره للعربية و بالتالي الأداء مختلف عن الموتور ٣٠٠٠ سي سي ٣٠٦ حصان ده غير ان الكماليات في ٢٠٠٠ سي سي المجمعة محليا اقل كتير جدا من الموتور الكبير وده سبب فرق ال ١٠٠٠٠٠ ج الفرق بين الموديلين دول في مصر.

اي استفسارات زيادة تحت الأمر يا باشا.

[2CODE]

العبد لله معاه ال 3000 سي سي و متوسط استهلاكها 7.5 كم لكل ليتر داخل و خارج البلد بمعنى 150 كيلو في المتوسط للصفيحة مع التكييف باستمرار أما بخصوص ال ٢٠٠٠ سي سي اقل في استهلاك البنزين ب ١٤ ٪ بمعنى حوالي 175 كيلو للصفيحة و مش فرق كبير عن الموتور الأساسي بس الضريبة ١٠٠٠ ج بس مش ٢ ٪ انما الموتور ده ١٨٤ حصان و ليس ٢٤٥ حصان الطبيعي اللي بينزل بره للعربية و بالتالي الأداء مختلف عن الموتور ٣٠٠٠ سي سي ٣٠٦ حصان ده غير ان الكماليات في ٢٠٠٠ سي سي المجمعة محليا اقل كتير جدا من الموتور الكبير وده سبب فرق ال ١٠٠٠٠٠ ج الفرق بين الموديلين دول في مصر.

اي استفسارات زيادة تحت الأمر يا باشا.

خلي بالك التجميع المصري ممتاز جداً جداً انا شوفته بنفسي في البافارية وكان جنبها واحده تقفيل الماني

شوف انا اقول لحضرتك على حاجة الفكره مش بتتجمع فين الفكر في "الرقابة على الجودة"
لو كانت في رقابة على الجودة عالية هتلاقي العربية ممتازة

وانا عايز ايه غير تقفيل حلو وعربية ماركة رقم 1 في العربيات وبسعر ممتاز ؟؟؟؟؟؟؟؟؟؟؟
ليه ادفع فرق 120 الف جنية بس تيجي العربية استيراد ؟؟؟؟؟؟؟؟؟ الـbmw اسم كبير على ان يسمحوا بتجميع وحش ليهم في بلد دي شركات بتلعب على اسمها

انا مستني x1 2014 شوفت التجميع المصري وعجبني جداً وفرحان بفرق الفلوس خالص كمان :)

[mohamed_hamdi]

أخي الفاضل و مين قال لحضرتك ان ال ٣٠٠٠ سي سي في ال X3 F25 استيراد هيا برضه تجميع محلي و للأمانة تجميع محترم جدا و مشرف للعامل المصري. فرق السعر سببه فرق الموتور و كماليات كتير مش موجودة في ال ٢٠٠٠ سي سي. مازلت مصر ان. X3 35i. مختلفة عن ال 2.0i و الميزة الوحيدة التي لا تقارن هي سعر الضريبة فقط لان استهلاك البنزين مش فارق كتير و لو مش مشكلة الضريبة ليك يبقى ال X3 الصح لازم تكون ٣٠٠٠ سي سي ب ٣٠٠ حصان و عزم ٤٠٠ نيوتن متر مش ٢٠٠٠ ب ١٨٤ حصان و عزم 240 نيوتن متر مع الاحترام طبعا لملاكها.
الحل الوحيد الوسط هو ٢٠٠٠ سي سي X28i بقدرة ٢٥٤ حصان و عزم دوران ٣٠٠ نيوتن متر بس دي هاتكون سبيشيال أوردر من البافارية.

[eleanor]

تحفه بمعنى الكلمه

[Ahmed_Adham]

ال x3 ال 2000 سي سي منفضه مفيهاش أي أوبشن تقريبا غير مواصفات الأمان بس. انما ال 3000 سي سي تستاهل كل مليم في فرق السعر عشان نازل عليها الموتور اللي يليق بالعربيه وكل المواصفات اللي تتناسب مع السعر انما 480 ألف كتير جدا على ال 2000 سي سي اللي بدون أي كماليات ولو كده تجيب x1 وزود فيها كماليات زي ما انت عايز وهتبقى موفر 100 ألف عن ال x3 2000 سي سي.

[2CODE]

أخي الفاضل و مين قال لحضرتك ان ال ٣٠٠٠ سي سي في ال X3 F25 استيراد هيا برضه تجميع محلي و للأمانة تجميع محترم جدا و مشرف للعامل المصري. فرق السعر سببه فرق الموتور و كماليات كتير مش موجودة في ال ٢٠٠٠ سي سي. مازلت مصر ان. X3 35i. مختلفة عن ال 2.0i و الميزة الوحيدة التي لا تقارن هي سعر الضريبة فقط لان استهلاك البنزين مش فارق كتير و لو مش مشكلة الضريبة ليك يبقى ال X3 الصح لازم تكون ٣٠٠٠ سي سي ب ٣٠٠ حصان و عزم ٤٠٠ نيوتن متر مش ٢٠٠٠ ب ١٨٤ حصان و عزم 240 نيوتن متر مع الاحترام طبعا لملاكها.
الحل الوحيد الوسط هو ٢٠٠٠ سي سي X28i بقدرة ٢٥٤ حصان و عزم دوران ٣٠٠ نيوتن متر بس دي هاتكون سبيشيال أوردر من البافارية.

فعلاً التجميع هنا جيد جداً - انت ايه اخبار السحب عندك ؟ تقريباً معاك الـ2000 سي سي ولا معاك الـ3000 ؟


ايه اخبار الـHandbrake وهي بزرار ؟ اعتقد موجوده في X3 ؟ بفكر اطلبها في الـX1 عندي هل بتواجه اي مشكلة فيها ؟ ياريت لو تقولنا اكتر عندك

ال x3 ال 2000 سي سي منفضه مفيهاش أي أوبشن تقريبا غير مواصفات الأمان بس. انما ال 3000 سي سي تستاهل كل مليم في فرق السعر عشان نازل عليها الموتور اللي يليق بالعربيه وكل المواصفات اللي تتناسب مع السعر انما 480 ألف كتير جدا على ال 2000 سي سي اللي بدون أي كماليات ولو كده تجيب x1 وزود فيها كماليات زي ما انت عايز وهتبقى موفر 100 ألف عن ال x3 2000 سي سي.

ماهي دي الفكره انك تعمل Special Order من البافارية للـX1 وتضيف اللي انت عايزه براحتك

[srt10]

ممكن اعرف الباور في ال x3 2000 cc


كهربا ولا زيت ؟؟

[srt10]

بالنسبة للتجميع المصري العربية بتيجي بالبادي بالمتور بالفتيس بالعفشة من المانيا الباقي بيكون تقفيله في مصر

ومعظم التقفيل في مصنع بي ام مصر عن طريق الريبورت

وجميع المكونات مستوردة من المانيا حتى الكراسي والزجاج

[mohamed_hamdi]

بالنسبة للتجميع المصري العربية بتيجي بالبادي بالمتور بالفتيس بالعفشة من المانيا الباقي بيكون تقفيله في مصر

ومعظم التقفيل في مصنع بي ام مصر عن طريق الريبورت

وجميع المكونات مستوردة من المانيا حتى الكراسي والزجاج

كلام حضرتك سليم ١٠٠ في ١٠٠ و أضيف ليه ان حتى الكاوتش نفسه بيجي من بره و اعتقد ان فقط الفرش الجلد بتاع الكراسي هو اللي بيتقف محلي في موبيكا أو موم على ما أتذكر .

الباور طبعا كهرباء لكل الشاسيهات الجديدة للبي ام مع المواتير الجديدة التوين باور تيربو أو السينجل تيربو.

[sheko_2000eg]

x1 - x3 2013
من اقوي الاكسات الصراحة في نفس الفئة بالتوفيق
و الباور طبعا كهربا