الانتقال الي bmw

[amromaged]

خبراء BMW انا معايا عربية باسات 2011 TSI 1.4cc لكن انا بتمني اني اغير و اركب BMW ولكن مش عارف اركب اي موديل 320 او 318 او316 وما هي الفروق الجوهرية مع العلم اني مش عاوز ادفع كتير يعني في حدود 200000
ارجو اعطائي الرأي المفيد ولكم جزيل الشكر

[ahmed_alhadidy]

ال16 مكنه 1600 واقل كماليات، ال 20 مكنه 2000 و اعلي كماليات، ال 18 نفس المكنه ال 2000 بكماليات اقل، التلاته نفس العفشه

[paramara]

نصيحة واحدة بس من وجهة نظري هيا اهم نصيحة ممكن تسمعها

متركبش بي ام إلا ٦ سلندر، و بلاش 316 خالص.

ممكن تجيب e90 بعدد كيلو متر قليل بس خد وقتك شوية و انت بتدور

قطع غيار غالية نسبياً خصوصا لو من التوكيل بس معمرة، و سمعت و الله اعلم ان فيها مشكلة في العفشة من قدام ممكن حد ياكدلك او ينفيلك لاني مش متاكد

في حل تاني تجيب e46 هاي لاين حالة شاذة جدا و توفر فلوس و قطع غيارها اقل شوية بس ابقي شوف الركب و البطحات و اتاكد انها مش مشرخة

و نصحية اوعي تتنازل عن انك تركب بي ام

و ربنا يوفقك للخير ان شاء الله

[amromaged]

نصيحة واحدة بس من وجهة نظري هيا اهم نصيحة ممكن تسمعها

متركبش بي ام إلا ٦ سلندر، و بلاش 316 خالص.

ممكن تجيب e90 بعدد كيلو متر قليل بس خد وقتك شوية و انت بتدور

قطع غيار غالية نسبياً خصوصا لو من التوكيل بس معمرة، و سمعت و الله اعلم ان فيها مشكلة في العفشة من قدام ممكن حد ياكدلك او ينفيلك لاني مش متاكد

في حل تاني تجيب e46 هاي لاين حالة شاذة جدا و توفر فلوس و قطع غيارها اقل شوية بس ابقي شوف الركب و البطحات و اتاكد انها مش مشرخة

و نصحية اوعي تتنازل عن انك تركب بي ام

و ربنا يوفقك للخير ان شاء الله

اشكرك علي الرآي بس ال e46 قديمة جدا و انا نفسي في حاجة حديثة انا عربيتي موديل 2011 ممكن انزل ل 2009 او 2008 بس تكون حالة جيدة جدا

[amromaged]

في ادامي 325 موديل 2004 بس انا شيفها اديمة جدا و كمان هتستهلك بنزبن كتير

[Anxs111]

الفرق بين e46 و-e90 خزعبلي فما ينفعش خالص ...وأعتقد إن باصات 2011 أحلي بكتير من فئة تالتة 2004 وخصوصا أنك هتخسر فرق الوسع كده كدة فخليك الشكل بتاع e90 ....وبلاش 316 ...خليك في 320 أو 330 ...

[Astra Lovers]

غير لمرسيدس بنفس السعر افضل مالبي ام او فولفو او اودي

[osha966]

أنا رأيى أن الباسات بتاعتك أفضل من ال 316 وال 318 لكن ممكن من أول 320 تفكر.. الe90 316 عربية سيئة جدا يعنى مثلا الأوكتافيا A5 افضل منها بكتير

[ahmed_alhadidy]

مبدئيا ال bmw لا تقارن بالباسات والاوكتافيا حتي لو كانت 316, ولا اداء ولا ثبات ولا امان فمفيش وجه مقارنه من الاساس، لكن لو هتركب bmw يبقي متركبش مكنه اقل من 2000 cc

[paramara]

مبدئيا ال bmw لا تقارن بالباسات والاوكتافيا حتي لو كانت 316, ولا اداء ولا ثبات ولا امان فمفيش وجه مقارنه من الاساس، لكن لو هتركب bmw يبقي متركبش مكنه اقل من 2000 cc

+1

متركبش بي ام اقل من ٦ سلندر مش عشان حاجة، بس عشان فعلا تقدر تستمتع بالعربية و تحس بمتعة البي ام

و مع كامل الاحترام لكل الاراء متتنزلش عن انك تركب بي ام و ان شاء الله لما تجيب و تركب هتعرف ليه لواحدك و انا لو منك اركب حتي لو 2004

[svneleven]

شوف يا باشا أنا رأيي أركب أي بي ام موديل عالي حتي لو 316. الناس بتقول ال 316 بطة و مش بتجري. ماشي هي مش بتجري بالنسبة لل بي ام لكن حضرتك التسارع بتاعها لحد 100كم/س في 11.6 ث اللي هو التسارع بتاع الانتراالجديدة و السيراتو و الكلام ده كله يعني عربية معقولة. لكن لو طبعا جبت 318 أو 320 يكون أحسن بكتير. ال 200 ألف يجييبو 320 مثلا موديل 2009/2008 حالة محترمة. ممكن تجيب الكلام ده أو 316 موديل عالي شوية.