ملحوظات على 301

[Amr Kabil]

سلامه عليكم ..
انا اخوكم عضو جديد لانج بالكارتونه ..
و حبيت البيجو من كلامكم عليه ..

انا حجزت ال 301 بيزك لاين و هستلم بعد يومين ..
بس فيه ملحوظات لما شفت العربيه
(1) الكاسيت غير اللى فى الصور خالص ..
(2) مافيش الخط البلاستيك الفضى على الابواب من الداخل (خط زى اللى فى التابلوه) ..

===========================

الاسئله بقى .. بس و حياة ربنا خليكم معايا و ماتبيعونيش و لا تبخلوا عليا بالنصيحه ..
--------------
(ا) هل ممكن اركب مسند اليد غى التوكيل ؟؟.. و سعره كام ؟
(ب) نفس القصه للسماعات الخلفيه
(ج) انا حجزت لوحدى و هستلم لوحدى .. و كان حلم حياتى بصراحه انى اركب زيرو .. كان معايا ريتمو قبل كده ..
(د) التأمين (4445جنيه) و المصاريف الاداريه 1000 ... و سعر العربيه 127000 .. ده كده كويس ؟
(ه) لما استلم اعمل ايه ؟؟؟ و اشيك على ايه ؟؟ و اروح منين و اجى منين :)


انا اسف لازعاجكم و نكتغى بهذا القدر مؤقتا ...
و اشكركم جزيل الشكر

[eleanor]

حضرتك كده بتتكلم فى سعر الهاى لاين مش البيز لاين
وبالنسبه للنواكل والكاسيت بيبقى فى الهاى لاين بس اسال على السعر تانى

[Amr Kabil]

انا حجزت من معرض القرش مش التوكيل على فكره ...

على العموم لو فيه خطاء يا ريت تنبهنى

[amrelsaqqa]

الكاسيت مختلف عشان كل اللى في الصور بتاع الهايلاين

الكاسيت اكيد زي ده :


تمام ؟

بالنسبة للسماعات اه ممكن تركبها وممكن تركبها كمان برة بدون ما تطلع من الضمان
بالنسبة للمسند مش عارف ونفسى اعرف عشان انا هحجز المانيوال برضه وعايز ابقى اركبه ..


بالنسبة للسعر اللى هو 127 هل ده السعر الرسمى من التوكيل ؟ من غير اوفر برايس ؟

السعر الرسمى للبيزلاين المفروض 123 تقريبا ، يارب ما يكون زاد اتمنى تكون دفعت بأوفر برايس والا هزعل اوى اوى :( ، اخر سؤال هو حضرتك حاجز من امتى ؟ والتأمين ده اجبارى ولا عشان تأمين شامل ؟ والمصاريف الادارية دى بتاعت ايه ؟ وفي الحجز بتدفع كام بالظبط ؟ ودفع الفلوس ساعة الاستلام بيتم ازاى ( انا برضة جديد لانج في الموضوع ده )

[Amr Kabil]

السعر ده بالاوفر برايس
بالنسبه للتامين انا مش عارف برضه متهيالى ان ده التامين الشامل
و المصاريف الاداريه دى هو اللى حددها ..

[amrelsaqqa]

ايه رأيك في الخامات وفرش الابواب وشكل الكاسيت والطارة بدون كروم ، هل حاسسها فاضية اوى عن الهاي لاين واقتصادية اوى ، ولا شيك برضه وحلوة ؟

[medori]

سلامه عليكم ..
انا اخوكم عضو جديد لانج بالكارتونه ..
و حبيت البيجو من كلامكم عليه ..

انا حجزت ال 301 بيزك لاين و هستلم بعد يومين ..
بس فيه ملحوظات لما شفت العربيه
(1) الكاسيت غير اللى فى الصور خالص ..
الكاسيت فى الهاى لاين مختلف عن البيز لاين، فى الهاى لاين بيبقى بيلت إن و لية شاشة عرض خاصة بية بيبقى مكانها فاضى فى البيزلاين
(2) مافيش الخط البلاستيك الفضى على الابواب من الداخل (خط زى اللى فى التابلوه) ..
انا مش عارف قصد حضرتك على أية الحقيقة! لو قصدك على النواكل اللى على مقابض الابواب دى بتبقى برضة فى الهاى لاين بس

===========================

الاسئله بقى .. بس و حياة ربنا خليكم معايا و ماتبيعونيش و لا تبخلوا عليا بالنصيحه ..
--------------
(ا) هل ممكن اركب مسند اليد غى التوكيل ؟؟.. و سعره كام ؟
ايوة ينفع، بس فية ناس سألت علية و قالوا انة لسة مش موجود فهستنى علية شوية، و مش عارف سعرة كام الحقيقة للأسف، و اعتقد انة ممكن يتركب برة برضة لأن دية حاجة من الaccessories و ملهاش علاقة بالميكانيكا او الكهرباء بتاعت العربية بس لازم تتأكد من التوكيل برضة قبل ما تركب حاجة برة ليها تأثير على الضمان و لا لأ
(ب) نفس القصه للسماعات الخلفيه
نفس الرد، بس لازم الوصلات تتعمل فى التوكيل لو مش جاهزة عشان ميخرجوش الضفيرة برة الضمان
(ج) انا حجزت لوحدى و هستلم لوحدى .. و كان حلم حياتى بصراحه انى اركب زيرو .. كان معايا ريتمو قبل كده ..
اية المشكلة! ربنا يباركلك فيها و تستلم على خير و يديك خيرها و يكفيك شرها و مبروك مقدما
(د) التأمين (4445جنيه) و المصاريف الاداريه 1000 ... و سعر العربيه 127000 .. ده كده كويس ؟
3.5% انا شايف دية نسبة كويسة جدا خاصة بالنسبة للبيجو عشان الفرنساوى عامة بيزودوا فى نسبة التأمين حوالى 0.5% عشان بيقولوا سعر قطع الغيار غالى، مع أن دية نصباية و سعر الفرنساوى دلوقتى زى اليابانى أو الكورى الأصلى، تعليق برة السؤال، كدة الأوفر 3000 مش كدة؟ هى فى التوكيل دلوقتى ب124000 على حسب ما اتذكر، و كدة دة أوفر معقول اعتقد
(ه) لما استلم اعمل ايه ؟؟؟ و اشيك على ايه ؟؟ و اروح منين و اجى منين :)
اللى هتستلمه مع العربية بيبقى الuser manual عربى و انجليزى فى حافظة شيك عليها علامة بيجو و طبعا الأستبن معاة مفتاح العجل و الكوريك و أداة الجر و طبعا تتأكد أن الأريال متركب عشان دة بيتفك عادى و الطفاية بتاعت السجاير اللى بتبقى قدام الفتيس دية ... معتقدش فى حاجة تانية، الضمان بتأخدة بعد الترخيص من المعرض أو بتروح تجيبة من بيجو صلاح سالم

أول حاجة بعد ما تستلم تمون عشان بيبقى فيها بنزين قليل (مش اكتر من 1/4 التانك) عشان متسرحش و فجأة تلاقى نفسك واقف، و تتأكد من tyre pressure على 32 ورا و قدام وتتأكد طبعا ان مفيش warning lights منورة بعد ما تدور العربية، كلة normal operating conditions يعنى و التكييف شغال والمساحات و الذى منة، مش عارف فى حاجة تانية ولا لأ، مفيش فى بالى حاجة تانية دلوقتى


انا اسف لازعاجكم و نكتغى بهذا القدر مؤقتا ...
و اشكركم جزيل الشكر

[medori]

السعر ده بالاوفر برايس
بالنسبه للتامين انا مش عارف برضه متهيالى ان ده التامين الشامل
و المصاريف الاداريه دى هو اللى حددها ..

أكيد دة تأمين شامل عشان نسبتة 3.5% و ال1000 المصاريف الادارية دية حاجة بتتحط على البوليصة عشان الدمغات و اللذى منة و بتبقى تقريبا 25% من قيمة مبلغ التأمين نفسة

[medori]

الكاسيت مختلف عشان كل اللى في الصور بتاع الهايلاين

الكاسيت اكيد زي ده :


تمام ؟

بالنسبة للسماعات اه ممكن تركبها وممكن تركبها كمان برة بدون ما تطلع من الضمان
بالنسبة للمسند مش عارف ونفسى اعرف عشان انا هحجز المانيوال برضه وعايز ابقى اركبه ..


بالنسبة للسعر اللى هو 127 هل ده السعر الرسمى من التوكيل ؟ من غير اوفر برايس ؟

السعر الرسمى للبيزلاين المفروض 123 تقريبا ، يارب ما يكون زاد اتمنى تكون دفعت بأوفر برايس والا هزعل اوى اوى :( ، اخر سؤال هو حضرتك حاجز من امتى ؟ والتأمين ده اجبارى ولا عشان تأمين شامل ؟ والمصاريف الادارية دى بتاعت ايه ؟ وفي الحجز بتدفع كام بالظبط ؟ ودفع الفلوس ساعة الاستلام بيتم ازاى ( انا برضة جديد لانج في الموضوع ده )

السعر زاد 1000 من حوالى شهر من أول الدفعة اللى اتسلمت من التوكيل فى اول يوليو، للهاى و البيزلاين و مش متأكد زاد على المانيوال ولا لأ، كانت الهاى لاين ساعتها اناس حجزاها على 135 و التوكيل زود عليهم 1000 ساعة الأستلام

اعتقد أن العضو شارى بالتقسيط عشان كدة داخل فى قصة التأمين من اول يوم و المصاريف الإدارية دية بتاعت التأمين، الحجز على حسب المعرض، فى ب5000 و فى ب10000 و فى التوكيل بتحجز ب500 جم بس تقريبا و بتكمل المبلغ ساعة الأستلام سواء باقى المقدم و بتمضى على شيكات بالباقى مع حظر البيع لو بالتقسيط أو باقى المبلغ كامل لو كاش

[Amr Kabil]

رايى ان الهاى لاين فارق عنها ..
لان مافيش مسند يد .. يعنى تحت دراعك مكانك كوبايات بس ..
و السينسور مهم ..

بس الامكانيات فى البيزك مقابل السعر ده مش موجود فى الكورى

[amrelsaqqa]

اكيد الاضافات حلوة طبعا
بس السعر :(
وخصوصا لو هتقارن بالفرق بينها وبين المانيوال 30 الف ، وعشان كدة اصلا كان نفسى تنزل فئة مانيوال كاملة
بس المسند مش قضية ، والسنسور ممكن يتركب وبكاميرا كمان ،

انا اقصد الحاجات اللى في العربية اللى مش هتعرف تغيرها زي مقابض الابواب والكاسيت والكروم اللى في الطارة والتكييف التاتش ، هل عدم وجودهم مأثر جامد على شكل التابلوه ؟

[Amr Kabil]

اشكر اهتمامك يا استاذ medori ..

هو انا هدفع 95000 و هقسط 32000 ب (بفائده 8% فى السنه) و زى ما ذكرتلك مبالغ التامين و المصاريف الاداريه ...
تفتكر ا/ medori .. دى كده صفقه رابحه ؟؟؟

[Amr Kabil]

الكاسيت فارق حبتين .. علشان المكان المتبقى فاضى ..
لكن انا شخصيا كان اهتمامى بالامان و الراحه النفسيه اكتر .. و الكماليات على مهلها .. و كل شيىء بالتعود بيبقى عادى يا ا/ amrelsaqqa

[Amr Kabil]

انا ماشفتش الهاى لاين علشان اقارن الخامه لكن بالمنطق كده فرق الاسعار ده لاختلاف الاضافات مش اكتر
و فيه معلومه اتمنى لو حد يقدر ينفيها او ياكدها .. و هى ان ال 301 تحمل موتور السياره 307 و فتيس ال 308 .. مش عارف بقى ده صح و لا لاء
و لو صح يبقى بجد ممتاز

[medori]

اشكر اهتمامك يا استاذ medori ..

هو انا هدفع 95000 و هقسط 32000 ب (بفائده 8% فى السنه) و زى ما ذكرتلك مبالغ التامين و المصاريف الاداريه ...
تفتكر ا/ medori .. دى كده صفقه رابحه ؟؟؟

تمام كدة، الفائدة مش كبيرة و نسبة التأمين برضة كويسة زى ما قولت قبل كدة، بس عشان أكون صريح مع حضرتك، انا كان معايا نفس الرقم دة تقريبا و عملت جمعية بالباقى و جبتها كاش و جيبت الهاى لاين، لقيت فرق ال12000 دة بيدينى حاجات كتير أوى لو قعدت تسأسأ فيهم واحدة واحدة هيكلفو أكتر من كدة! كفاية بس الجنوط السبور ال16 و الباركنج سنسور، هم بال12 دول، زود عليهم بقى الكاسيت البيلت إن بالبلوتوث و الusb و النواكل اللى مش شكل بس انما كمان بتحمى المقابض اللى بتقشر بعد مدة و بيبقى شكلها وحش، انا عربيتى القديمة مكنتش بحب ابص على الباب او امسكة من شكل المقبض و برضة نواكل الفتيس شكلها جميل أوى و الولاعة، انا شايف لو عند المعرض الهاى لاين، حضرتك تستحمل الكام شهر تقسيط زيادة دول و تتوكل على الله فيها