حد من اسكندرية عايز حاجة من التوفيقية

[abohend]

إن شاء الله تعالى هنزل التوفيقية الأسبوع اللي جاي
أنا مش نازل مخصوص لكن هعدي و أنا راجع من الشغل و مش هيبقى معايا العربية
أنا رايح أشتري بإذن الله ميدالية زي اللي إشتراها smsm و طقم دواسات لل301 لو لقيت حاجة محترمة أحسن من اللي في عزبة سعد و أرخص من التوكيل
لو حد عايز حاجة يكلمني على الخاص و أنا هبعتله رقمي (بس بلاش حاجات تقيلة كتير عشان هيبقى معايا شنطة سفري)
تحياتي

[smsm2004w]

الميدالية هتلاقيها عند واحد بتاع ميداليات واقف قصاد مول التوفيقية فى السوق بالنسبة للعلامة كمان هتلاقى واحد على الناصية اللى بين التقاطع بتاع السوق وشارع زكى مش اللى واقف على ناصية السوق عنده علامات بيجو وعلى حسب الخامة الدواسات لسة هشوف إن شاء الله يوم السبت وهبقى اقولك وفى هناك ستاير كبس للعربية عاملة 75 جنية وفيها فصال بس منصحكش بيها اولآ علشان المرور ثانيآ علشان العربية مش معاك فمش هتتأكد من المقاس والفرش هناك ل301 نوعين فى نوع عامل 230 جلد ونوع تانى عامل 420 جلد برده بس خامة جيدة بالتركيب
ودى صورة تانية للميدالية بتاعتى

[abohend]

محترم

الميدالية هتلاقيها عند واحد بتاع ميداليات واقف قصاد مول التوفيقية فى السوق بالنسبة للعلامة كمان هتلاقى واحد على الناصية اللى بين التقاطع بتاع السوق وشارع زكى مش اللى واقف على ناصية السوق عنده علامات بيجو وعلى حسب الخامة الدواسات لسة هشوف إن شاء الله يوم السبت وهبقى اقولك وفى هناك ستاير كبس للعربية عاملة 75 جنية وفيها فصال بس منصحكش بيها اولآ علشان المرور ثانيآ علشان العربية مش معاك فمش هتتأكد من المقاس والفرش هناك ل301 نوعين فى نوع عامل 230 جلد ونوع تانى عامل 420 جلد برده بس خامة جيدة بالتركيب
ودى صورة تانية للميدالية بتاعتى

يا أخي إنت و الله راجل محترم
بتساعد من غير مطلب مساعدتك
ربنا يباركلك و يكرمك
و مبروك الميدالية و إن شاء الله نباركلك على الدواسات
إن شاء الله هكتب تقرير للزملاء بعد الزيارة
و ربنا يستر متهش هناك و أعرف أوصل أساساً

[smsm2004w]

يا أخي إنت و الله راجل محترم
بتساعد من غير مطلب مساعدتك
ربنا يباركلك و يكرمك
و مبروك الميدالية و إن شاء الله نباركلك على الدواسات
إن شاء الله هكتب تقرير للزملاء بعد الزيارة
و ربنا يستر متهش هناك و أعرف أوصل أساساً

يا باشا الله يكرمك احنا هنا اخوات وبنساعد بعض والمشوار ميتوهش انت لو هتيجى بالقطار اول لما تنزل محطة مصر مش محتاجة تاكسى تركب المترو من قدام المحطة اتجاة حلوان وتنزل فى محطة جمال عبد الناصر يعنى هتفوت محطة واحدة بعد ما تركب المترو وتنزل اللى بعدها وتطلع السلم اللى مكتوب عنده دار القضاء العالى اول لما تطلع اسأل على سوق التوفيقية واى حد هيشاولك علية اول لما تدخل شارع السوق اسأل على مول التوفيقية اقف قدامة وادى ظهرك ليه وبص هتلاقى واحد واقف حاطط ميداليات كتير اوى ولو احتجت حاجة قولى على العموم يوم السبت ان شاء الله هبقى اقولك اخبار الدواسات ايه

[ABOMO3AZ HASBO]

دايما سباقين بالخير

[Yousef.Kamel]

رائع

[ahmedz310]

ربنا يديم روح المحبه والتعاون بين الأعضاء بجد حاجه تفرح وتشرف

[ali tmam]

يا ابو هند لو فيها غلاسة ممكن تجيبلى ميداليه معاك

[abohend]

تأمر

يا ابو هند لو فيها غلاسة ممكن تجيبلى ميداليه معاك

تأمر يا علي
بس ممكن تبعتلي نمرتك على الخاص عشان لو ظهرلي أي حاجة هناك أقدر أتواصل معاك
يعني مثلا لو لقيت حاجة أحسن و بسعر كويس أقولك
تحياتي

[ali tmam]

تأمر يا علي
بس ممكن تبعتلي نمرتك على الخاص عشان لو ظهرلي أي حاجة هناك أقدر أتواصل معاك
يعني مثلا لو لقيت حاجة أحسن و بسعر كويس أقولك
تحياتي

حمد لله على السلامة من التوفيقية يا ابو هند

[abohend]

إتاخرت عليكم

حمد لله على السلامة من التوفيقية يا ابو هند

الله يسلمك
معلش أعذرني
موضوع الورق و الترخيص فيه شوية مشاكل ..إدعيلي بالتيسير

أنا عديت على التوفيقية من يومين..بس للأسف معرفتش ألاقي حاجة

المكان أنا شايفه مناسب لقطع الغيار مش الكماليات
الكماليات الموجودة كلها زبالة لا تستحق الشراء
لا لقيت دواسات لل301 و لا mp3 player محترم و لا كار كيت
و مقدرتش أوصل لبتاع الميداليات اللي سمسم إشترى منه
و الميداليات اللي لقيتها شكلها مقرف لا تستحق الشراء

شكلي كده هجيب الدواسات من التوكيل و أمري إلى الله
و الكار كيت هستنى لما توصل راديوشاك
و ممكن أجيب الميدالية فضه (سعرها حوالي 120 جنيه)

آسف على التأخير
تحياتي

[ali tmam]

الله يسلمك
معلش أعذرني
موضوع الورق و الترخيص فيه شوية مشاكل ..إدعيلي بالتيسير

أنا عديت على التوفيقية من يومين..بس للأسف معرفتش ألاقي حاجة

المكان أنا شايفه مناسب لقطع الغيار مش الكماليات
الكماليات الموجودة كلها زبالة لا تستحق الشراء
لا لقيت دواسات لل301 و لا mp3 player محترم و لا كار كيت
و مقدرتش أوصل لبتاع الميداليات اللي سمسم إشترى منه
و الميداليات اللي لقيتها شكلها مقرف لا تستحق الشراء

شكلي كده هجيب الدواسات من التوكيل و أمري إلى الله
و الكار كيت هستنى لما توصل راديوشاك
و ممكن أجيب الميدالية فضه (سعرها حوالي 120 جنيه)

آسف على التأخير
تحياتي

ربنا ييسرلك كل عسير ويزلل لك كل صعب فهو ولى ذلك والقادر عليه اخى انا كنت عايز اطمن عليك فقط واعرف انت وصلت لحد فين وان شاء الله تستلم الورق على خير وترخص ان شاء الله وتفرح بعربيتك ونمرتى اكيد وصلتك لو فى اى خدمة اقدر اعملهالك او اى مساعدة انا فى الخدمة

[abohend]

ربنا ييسرلك كل عسير ويزلل لك كل صعب فهو ولى ذلك والقادر عليه اخى انا كنت عايز اطمن عليك فقط واعرف انت وصلت لحد فين وان شاء الله تستلم الورق على خير وترخص ان شاء الله وتفرح بعربيتك ونمرتى اكيد وصلتك لو فى اى خدمة اقدر اعملهالك او اى مساعدة انا فى الخدمة

ربنا يبارك فيك
متشكر على الدعوة الحلوة دي

لحد دلوقتي أبيس و محرم بك دونا على الجمهورية مش عايزين يرخصوا
كلمت التوكيل و بيقول على يوم اﻷتنين
أنا كده داخل فشهر من ساعة اﻹستلام و مرخصتش
زهقت بجد
الله المستعان

[Sherif Osman]

مساعدين بيجو 205 gti أمامى

بعد أذن الأدمن

مساعدين بيجو 205 gti أمامى

جيريل فرنسى السعر 450 جنية

هدية عند شراء لأول عشرة

0105116737 01114412855 – 26423440
أوتو ربيع
(مساعدين ودبرياج وفرامل جميع السيارات الاوروبية)

42ش متحف المطرية من جسر السويس