بيجو 301 ولا شيفروليه كروز 2014 ؟؟؟؟؟؟

[mahmoud_ali]

كروز طبعا

[abohend]

عندك حق

ابو هند باشا
على فكرة انت من الناس اللى حببتنى فى البيجو 301
بس انا خايف اجيب الكروز ينزل الشكل الجديد 2015 يضيع ال 2014 والله اعلم
مع انى سمعت ان 2015 صينى زى النيو اوبترا
وهصلى استحارة ان شاء الله وربنا يسهل الحال يارب
بس البيجو عامله معاك ايه يا كبير ؟؟

تخوفك في محله
و ممكن جدا يكونوا بينشروا [gdwl]إشاعة[/gdwl] زيادة السعر عشان يبيعوا الشكل القديم قبل نزول الجديد
صلي إستخارة و الخيرة في ما أختاره الله

البيجو حتى الآن كويسة جداً
الفتيس المانيوال مفيهوش مشاكل
قعدتها مريحة
سواقتها ممتعة
إتعودت على أبعادها
التكييف آداءه مرضي جداً
السحب بيتأثر لو عليت سرعة مروحة التكييف ل3...لكن 1 و 2 مفيش مشاكل
طلعتها مش خفيفة زي الكوري لكن بعد ال60 كيلو العربية بتفتح و تجمع بسرعة
الخامات جيدة جداً و التقفيل محترم
ده الجانب المشرق



خد عندك بقى الجانب المظلم
المشكلة المعروفة للتيل بدأت أعراضها تظهر و الطاسات مليانة بودرة سوداء بعد 1000 كيلو فقط
لا يوجد كفر للكنترول و عند حجز الصيانة سألت هل هيركب في الصيانة و لا لأ....و للأسف كان الجواب لأ
سألت عن إمكانية شراؤه (تخيل بتشتري عربيتك)...قالي أسأل المركز هل متوفر عندهم و لا لأ و أداني نمرة بيجو مرغم

البيجو صفقة رابحة للأستعمال العادي و الخفيف
لكن الأستعمال العالي....أظن مصاريف التشغيل تخليها إختيار سئ

[ENG.MaRk]

يا جدعان مش الكروز 107 حصان بس و لا ديه القديمة ؟

[ashouhdy]

يا جدعان مش الكروز 107 حصان بس و لا ديه القديمة ؟

لا دي القديمة الجديدة بموتور الاوبل استرا اليكوتك 115حصان الماني اصيل

[Ahmed_Ta21]

كتر الف خيركم ساعدوتني في الاختيار
نزلت شوفت الكروز النهارده وحجزتها وهمشي في اجراءاتها
العربية طفرة بمعني الكلمة
لكن مفيهاش ebd مسؤول التوكيل قالي كده ولا حساسات ركن
قولت مش مشكلة لكن الاجمالي عربية محترمة (هتتعبني في القسط بس لانه هيزيد حبتين)
شكر خاص لاعضاء قسم البيجو ساعدوني كتير وفهموني كل حاجه
تحياتي للجميع

[Ahmed_Ta21]

النقطة بس اللي عايز اتاكد منها سحبها هيكون كويس علي حجمها لان حجمها ضخم بصراحة

[ashouhdy]

كتر الف خيركم ساعدوتني في الاختيار
نزلت شوفت الكروز النهارده وحجزتها وهمشي في اجراءاتها
العربية طفرة بمعني الكلمة
لكن مفيهاش ebd مسؤول التوكيل قالي كده ولا حساسات ركن
قولت مش مشكلة لكن الاجمالي عربية محترمة (هتتعبني في القسط بس لانه هيزيد حبتين)
شكر خاص لاعضاء قسم البيجو ساعدوني كتير وفهموني كل حاجه
تحياتي للجميع

مسئول المعرض دة معلش مش فاهم كويس

منظومة عمل ال ESP ماينفعش تشتغل اصلا من الاساس بدون EBD لانة هو اللى بيوزع قوة كل فرملة على حدى لكل عجلة و ال esp هو اللي بيديلوة الامر بكدة

منظومة ال ABS بتاعت بوش bosch الالمانى اللى في الكروز فيها ال ebd قياسي بالاضافة لتحكم فرملة للاربع عجلات قياسي

ضيف بقي ال esp وال tc يبقي انت اخدت اجمل الاتنين من اقوى اداء فرملي واداء تحكم الكترونى في التوازن عشان الثبات

[Ashraf Fawzy]

توكل على الله و هات الكروز, وألف مبروك مقدماً

[Omar Mahmoud]

كمل في الكروز
انا عايز اقوللك حاجة انا معايا فيكترا بي و دي موديل 1999 1600cc العربية دي بتطلع 76 او 73 حصان (مش فاكر الرقم بس هو بين الرقمين دول) طلعته تقيلة في الاول و التاني هي العربية مانيوال بس بوصل لسرعة 60 مفيش حاجة من الكلام بتاع العربية تقيلة و الكلام ده و الاسترا j اللي هو المفروض الموتور بتاعها هو بتاع الكروز ده نازل تقريبا من 2011 او 2012 اكيد الفترة دي كلها التكنولوجيا المستخدمة في المواتير اختلفت اختلاف كلي للأفضل.و مبروك مقدما.

[S O P H O S]

الكروز بوضعها الحالي فرصة