المرايا الشمال بتاعة 301 اتكسرت رجولها عن القاعده

[carizma1]

السلام عليكم
الحمد لله علي كل حال وانا ماشي في امان الله عربيه طايره من علي شمالي وربنا ستر لاني اصلا كنت ماشي فالحاره الشمال وعلي سرعة 110 وتكسر علبة المريا من علي القاعده وتدلدل علي الجنب لأن سلك المرايا الكهربا سليم والتحكم فالمرايا تمام ولكن زي ما قولت القاعده وعلبة المرايا الرجول اللي بينهم اتكسرت
وبما اني فالسعوديه حاولت مع محلات الفايبر جلاس لاقيتهم عاوزين يلحموها بمسامير مابين العلبه والقاعده وشكلها طبعا هيبقي باين ومقرف
بالكلام مع ناس تانيه قالوا ممكن عجينه تمسكهم ببعض او مسامير تدخل من القاعده للعلبه وتثبتهم فبعض وبالشكل دا حركة ضم العلبه علي القاعده هتتلغي .
فهل في حل غير كدا يكون احسن؟
لاني بصراحه مش فحمل شرا مرايا جديده حاليا .
والحادثه دي حصلت اول امبارح فمدينة الخبر وانا من الرياض ومعايا رقم لوحة المسطول اللي هرب وطبعا عشان اتبع الاجراءات وبلغ المرور فمكان الحادث وتيجي تعمل محضر واروح لاقرب قسم شرطه اعمم علي هروبه يبقي كدا الاجازة طارت وكمان بهدلة سفر 450 كيلوا عشان اتابع قضية المحضر فالخبر.....
فحسبي الله ونعم الوكيل فيه وفكل مستهتر بيلعب بارواح الناس وما اكثرهم هنا فالسعوديه
ربنا يسترها علينا جميعا

[mr.moustafa]

ربنا يعوض عليك ، بس كان لازم تعمل محضر
عموما في السعودية صعب تلاقي الفنانين المفتكسين بتوع مصر و الناس بتستسهل توجع دماغها و تقول اشتري جديد او تقولك الزقها اي حاجة

[carizma1]

ربنا يعوض عليك ، بس كان لازم تعمل محضر
عموما في السعودية صعب تلاقي الفنانين المفتكسين بتوع مصر و الناس بتستسهل توجع دماغها و تقول اشتري جديد او تقولك الزقها اي حاجة

بالظبط :-/

[carizma1]

روحت لحمتها عند شاب سوري محترم وعلي قد ما قدر خلي اللحام من تحت العلبه ومن الجنب الداخلي مع القاعده فالمنطقه السودا وبعد عن غطا المرايا الملون والحمد لله شكلها مش فارق عن الاول .

[hmghamry]

دي تجربتي مع نفس الموضوع

تجربتي مع تغيير مراية البيجو 301 بعد حادثة !!

http://www.nilemotors.net/Nile/433604-301.html