مؤشر الحرارة بيعلى مرة واحدة على الطريق الصحراوي

[Karim Salem]

يا شباب بيجو
الاول كل عام و انتم بخير

انا انهارده كنت مسافر من القاهرة إلى الإسكندرية و بعد ما عديت بوابات اسكندرية بشوية لقيت العربية طلعتلى stop و مؤشر الحرارة على اعلى درجة
المهم وقفت على جنب و زودت مياه فى القربة -انا كنت مزودها قبل السفر و كانت ناقصة حاجة بسيطة-
المهم ان الموضوع ده تتكرر تانى مرتين
لحد ما لاقيت ان المؤشر بيعلى فوق 90 فمبقرصش على العربية الاقيه نزل قرب من 70 و رجع تانى فى وضعه الطبيعى
العربية بيجو 308 sw موديل 2012
واحد صاحبى بيقولى ده غالبا سنسور الحرارة هو اللى فيه المشكلة
المشكلة ان طبعا كله هيكون قافل في العيد و انا كنت عامل حسابى ارجع بالعربية من اسكندرية يوم التلات

ايه رأيكوا؟؟

[ahmed_moeaz]

حاول تسحب هوا من دورة المياة وتتاكد ان المية بتتقلب كويس وتابع مؤشر الحرارة وفيه صنايعية كتير هتفتح يوم الاتنين

[وائل محمد نبيل]

فى اى بنزينه اغسل سربنتينه التكييف والريدياتير بالمياه وان شاء الله المشكله هتتحل

[Karim Salem]

ربنا بخليكوا جزاكم الله كل خير

بس سؤال اعرف ازاى الدورة فيها مياة و لا ﻷ؟

[ALshahba]

كل عام وانت بخير

المشكله دي فى الغالب بتكون من ترموستات الحراؤه الميكانيكيه ودي بتفتح عند زياده الحراره علشان تروح الميه تتبرد فى الريداتير وترجع تاني للموتور وتبرده
فى الغالب مابتفتحش مع السخونه

[ahmedsrs]

ممكن تكون المشكلة فى ثرموستات الكوعة فعلا

[ALshahba]

كل عام وانت بخير

المشكله دي فى الغالب بتكون من ترموستات الحراره الميكانيكيه ودي بتفتح عند زياده الحراره علشان تروح الميه تتبرد فى الريداتير وترجع تاني للموتور وتبرده
فى الغالب مابتفتحش مع السخونه ودي مشكله شائعة جدا
حلها:
1- تغيير الترموستات بواحده جديده اصليه
2- فك هذه الترموستات )ترموستات الكوعه( وفصلها نهائيا.....وﻻ يوجد ضرر ﻻنها مجهزه للبﻻد البارده

بالتوفيق ان شاء الله

[ramy_gamal]

لا يمكن الاستغناء عن كوعه الميه هى اللى بتوصل درجه الحرارة ل الدرجه المطلوبه لاخذ اقصى قوة للعربيه بمعنى لما نشلها فعلا الموتور هيكون بارد ومش هيسخن بس دة على حساب زيادة استهلاك البنزين وسرعه تاكل الموتور
زمان ايام ال 504 كان الموتور 2000 سي سي وبيطلع 80 حصان دلوقتى ال 1200 سي سي بيطلع 75 او 80 حصان واقصى عزم بيطلع عند درجه حرارة معينه ودة اللى بتعمله كوعه الميه الصبح بتكون قافله الميه عن الموتور ولما تسخن تفتح الميه وهكذا لتثبيت درجه الحرارة

[Karim Salem]

طب معلش آخر سؤال
فيه خطر على العربية لو سافرت و هيا كده؟
و لا الأفضل استنى لحد يوم الأربعاء و اروح بيها التوكيل هنا في اسكندرية؟

[ramy_gamal]

هيا المشكله لو الكوعه قفشت على وضع القفل الموتور هيسخن جدا لان مفيش ميه هتدخل

[Karim Salem]

طب معلش ممكن اخلى اى مياكنيكى يفكها؟
و لا بلاش حد يعك

[ahmed_moeaz]

حاسس ان المشكلة من دورة التبريد بعيد عن ترموستات الكوعة لو كان ترموستات كانت الحرارة متنزلش بتهدية السرعة ولا حاجة وبعدين حضرتك بتقول ان فيه نقص فى مستوى المية ده

[ALshahba]

لا يمكن الاستغناء عن كوعه الميه هى اللى بتوصل درجه الحرارة ل الدرجه المطلوبه لاخذ اقصى قوة للعربيه بمعنى لما نشلها فعلا الموتور هيكون بارد ومش هيسخن بس دة على حساب زيادة استهلاك البنزين وسرعه تاكل الموتور
زمان ايام ال 504 كان الموتور 2000 سي سي وبيطلع 80 حصان دلوقتى ال 1200 سي سي بيطلع 75 او 80 حصان واقصى عزم بيطلع عند درجه حرارة معينه ودة اللى بتعمله كوعه الميه الصبح بتكون قافله الميه عن الموتور ولما تسخن تفتح الميه وهكذا لتثبيت درجه الحرارة

كل عام وانتم بخير
عذرا اخ رامي......هذا الكلام غير صحيح
فعلا يعتمد علي عمل المحرك بدوووون ترموستات الكوعه
ترموستات الكوعه عملها الاصلي هو: تسخين المياه داخل المحرك لدرجة ما ثم يتم الفتح للتبريد اذا زادت الحراره عن درجة ما لكي تبرد وتعود مرة اخري
وهي فى الاصل للبلاد الثلجيه اوالبارده لكي تحمي من ممناعة التشغيل صباحا او الاضرار بالجوانات

اما فى بلادنا فهي مفتوحه اغلب الوقت لان الحراره دائما مرتفعه
وازالة هذه الترموستات فى بلادنا لا يؤثر علي عمل المحرك او التقليل من اداء الموتور او استهلاك البنزين

وهذا الكلام عن تجربه شخصيه فى سيارتي .....ولك كل الحق في التصديق او عدمه

ومن اﻻمان لك (لو متشكك وخايف) ان تبدلها باخري جديده....وان شاء الله ترجع سليمه

فى امان الله

[ALshahba]

اما موضوع زيادة القدرة الحصانيه مع تقليل السعة اللتريه
فهذا يرجع للتقدم التكنولوجي فى صناعة المواتير والمواد الخام وتوصيل شوط البساتم لاعلي درجه مع تقليل الوزن واشياء اخري
يعني مالوش اي سبب من ترموستات الكوعه

بالتوفيق

[ganash]

هيا لو من الترموستات درجه الحراره هتقل لما يهدى ؟ اعتقد انها من الريداتير نفسه عاوز يتسلك ويتنضف