البيجو 508

[eleanor]

البيجو ال508 تقارن مع الفئة الخامسة من بى ام من ناحية الحجم فى الفئه دى لكن مش اداء
اما بالنسبة للفئة التالتة 316 او 318 فهى عربية شبابية مش عائلية لانها ضيقة من جوه واللي راكب ورا هيبقى مش مرتاح
وارتفاع العربية من الارض بيخليها تحك في معظم مطبات البلد
لكن اداء اكيد البي ام والدفع الخلفي ليه طعم تاني بس ده بالنسبة لواحد عايز دفع خلفى مش عربية
اما البيجو ال508 فخمة جدا حتى الان مافيش مشاكل تمشى عائلية وشبابية وموتورها قوى وهو موتور مينى كوبر
فحضرتك شوف احتياجاتك من العربية وده اللي هيحدد
وتحت امرك في اي استفسار

[Aymans]

شكرًا جزيلا

[horas3000]

البيجو ال508 تقارن مع الفئة الخامسة من بى ام من ناحية الحجم فى الفئه دى

الكلام ده مش صحيح قوي :)

[ALshahba]

ليه يا جماعه لما بتيجي سيرة البي ام كان الواحد بيتكلم علي نبي او رسول !!!!!! دي فى الاخر عربيه من صنع الانسان
ايوه شركة بي ام بتغلط وممكن تنزل حاجه وحشه وفيها عيوب صناعه كمان ايه المشكله !!!!

وبقول تاني ماانكرش ان اداء وقوة وراحة وجمال البي ام الفئة 5 مختلفه كتير عن الفئة 3 ............. لكن لا يقلل قدر او شأن او اداء البيجو 508 , يكفي سعرها اللي يعتبر رخيص بالنسبه لكمية الكماليات وكفائة الموتور بالمقارنه بالفئات الاخري ستء الب ام او الفلولفو مثلا

[Aymans]

ليه يا جماعه لما بتيجي سيرة البي ام كان الواحد بيتكلم علي نبي او رسول !!!!!! دي فى الاخر عربيه من صنع الانسان
ايوه شركة بي ام بتغلط وممكن تنزل حاجه وحشه وفيها عيوب صناعه كمان ايه المشكله !!!!

وبقول تاني ماانكرش ان اداء وقوة وراحة وجمال البي ام الفئة 5 مختلفه كتير عن الفئة 3 ............. لكن لا يقلل قدر او شأن او اداء البيجو 508 , يكفي سعرها اللي يعتبر رخيص بالنسبه لكمية الكماليات وكفائة الموتور بالمقارنه بالفئات الاخري ستء الب ام او الفلولفو مثلا

هو انت عندكً حق طبعا ان البيجو اداء وكمليات عاليه بي موضوع البرندنينج مهم جدا لان الشكل العام والبريستيج بيفرق مع ناس كتير
وانت فاهو طبعا ان المرسيدس وال بي ام بريستيجهم اعلا من عربيّات كتير بس لما تلاءي نفسك بتدفع ٣٠٠ الف بيفكر شويه وتركب براند اعلا حتي لو كماليات اقل مقابل البريستيج الاعلا
وكمان متنساش موضوع الجر الخلفي اللي بيخلي ألعربيه حاجه تانيه خالص
ونفس الحكايه تعود تزود شويه وشويه كمان احد متوصل ضعف الميزانية
انا مثلا محتار اركب بي ام ٣٢٠ موديل ٢٠١٤ عامله ١٥ الف ب ٣٥٠ الف ولا ادفع ٣٠٥ الف في بيجو ٥٠٨ وخايف بعد ما شوفت التحفه ال٣٢٠ ارجع أندم أني مكملتش وركبت بي ام مره واحده مع العلم أني ممكن ادفع الفرق بسهوله

[Omar Sarray]

يعنى من الاخر العربيه تستاهل الواحد يشتريها وله ايه

[ALshahba]

جرب تست درايف للبيجو 508 وانت حتعرف ان عندي حق
مانكرش ان الدفع الخلفي له مميزاته وثبات البي ام معروف بقوته

شوف الحاجه اللي تريحك بعد تجربة الاتنين وان شاء الله حتجيب حاجه كويسه

[abou-yahia]

تتبقي نصيحه

البي ام مش عربيه موظف

طبعا ده من وجهه نظري

[eleanor]

الكلام ده مش صحيح قوي :)

اسناذ شريف انا شايف ان الابعاد مش مختلفة كتير يعنى واحنا بنقول انها قريبة من الفئة الخامسة فى الحجم فده بيحكم الفئة لكن الاداء ماحدش جه جنبه
لان مواتير البى ام الفئة الخامسة قصة تانى خالص
وتحياتى لحضرتك

[horas3000]

اسناذ شريف انا شايف ان الابعاد مش مختلفة كتير يعنى واحنا بنقول انها قريبة من الفئة الخامسة فى الحجم فده بيحكم الفئة لكن الاداء ماحدش جه جنبه
لان مواتير البى ام الفئة الخامسة قصة تانى خالص
وتحياتى لحضرتك

مهي الأبعاد مش مختلفة كتير عن الفئة التالتة برضه و هي الفئه الأقرب لمنافسة البيجو من الفئة الخامسة بقي

[م أحمد]

العربية نازلة برة بمواتير 2000 سى سى و 2200 سى سى بنزين و زيهم ديزل ، موتور الديزل دا عزمه بتاع عربية نقل تقيل !!! متهيألى لو العربيات دى نزلت مصر بالضرايب سعر العربية هيتضاعف مرتين