508 واول مشكله خطيره - الفتيس!

[maskeen]

باختصار
عربيت زوجتى 508 موديل 2012 (اول لوط نزل مصر) ..شراء يناير 2012..عامله الى اليوم 110 الف كيلو..
الصيانات جميعها تمت فى مواعدها كل 10 الاف حتى اخر صيانه من 5 اشهر (ال 100 الف)

منذ اسبوع بدأ يظهر رعشه و رجه بين النقلات..خصوصآ والسياره بارده
زادت بشكل واضح من يومين
ذهبت بها الى توكيل غمره بدون حجز صباح اليوم
كشف عليها المهندس بسرعه واول ما حكيتله الاعراض فتح قربة الميه فوجنا الماء كله طحينه! فى الاول ظننت ان جوان وش السلندر ضرب الى ان بلغنى ان الموضوع فى مبرد الفتيس ولابد من الذهاب حالا لفرع ابو رواش

ذهبت لهناك واستقبلونى بسرعه وبلغنى المهندس بنفس التشخيص
بعدها جاء مدير الصيانه وجلس معى فى غرفه خاصه ليشرحلى ان الموضوع قد يمتد للفتيس نفسه لا قدر الله ولكن لن نعرف بالظبط قبل تغيير المبرد وزيت الفتيس والسوائل

التكلفه المبدئيه للمبرد والزيت والسوائل قد تصل ل 10-11 الف ...وطبعا مش عاوز اعرف لو الفتيس نفسه هايتغير

دعواتكم! النتيجه النهائيه يوم الخميس بأذن الله

[تامر.محمد]

انا مش مالك لبيجو

حابب اسأل حضرتك بس
الفتيس بتاع العربية دي اتغير له زيت قبل كده ؟

عموما ميكانيكيا كلام غريب ان مشكلة في كولر الفتيس تمتد لإنك تعوز تغير الفتيس نفسه
الا اذا كان مثلا الفتيس بيخش له مياه مع الزيت فتأدي لصدا اجزاء من الفتيس , مجرد مثال

[maskeen]

شكرا لاهتمامك
لا انا لم المس الفتيس قبل كده...والتوكيل نفسه بيقول ان الزيت life time ولا يتغير ..وهو مش موجود على جدول الصيانه اصلا
(طبعا انا فاهم ان life time دى معناها 150-200 الف بالكتير, بس اكيد مش 100 الف)

ومدير الصيانه قاللى بالفعل ان ممكن يكون حصل ضرر فى اجزاء الفتيس نتيجة دخول الميه عليه مما يؤدى لنقص اللزوجه واحمال تأكل اجزاؤه....طبعا انا فاهم ان الكلام ده وارد لو كنت مشيت بيها كام الف.. لكن ده الموضوع كله حصل من اسبوع والعربيه ماعملتش 500-600 كيلو وكان سحبها طبيعى جدا

[تامر.محمد]

منهم لله -_-

نفس التجربة مرينا بيها في رينو و اتضررنا منها بالغ الضرر
يقول لك في الاول الفتيس sealed for life , و ييجي بعد كده تلاقي عنده تعليمات ان اي فتح للفتيس (قد) يؤدي لتفويت الفتيس
و الحقيقة اللي اكتشفناها ان تفويت الفتيس , لو حصل , بيبقى بسبب عدم تغيير الزيت ..... طبيعي جدا

[maskeen]

هو اللى انا مقتنع بيه فى حالة عربية زوجتى دى ان المبرد فيه عيب..لان الزيت مفروض يقعد اكتر من 100 الف اكيد.

[eleanor]

قدر الله وماشاء فعل
المشكلة بتبقى فى الكولر بس وبعيدة من الفتيس وبيتغير الزيت ويتعمله فلاش حوالى 4 مرات لضمان تفير الزيت القديم والمخلوط بالمياه تماما
والمفروض ان الزيت بيتغير على 60 الف كيلو والتوكيل اعتقد جاله ميل بالكلام ده
وياريت حضرتك تتكلم معاهم انه يتغير الكولر على حسابهم لان دى مشكلتهم

[tasaka]

ربنا يعديها على خير

[hossam_elwani]

تانى شكوى من نفس النوع افراها

[abdulkhaleq]

يا جماعه ان شاء الله سليمه
بس مفيش زيت (في الدنيا) Life time
علميا مستحيل

[Anaslbda]

حسبي الله ونعم الوكيل.
تعدي بأقل خساير ان شاء الله

[maskeen]

اخر التطورات
كلمنى مدير الصيانه (راجل منتهى الذوق للان) وبلغنى انه بعت لفرنسا الموضوع باعتباره خطير وممكن يبقى تكلفته جامده, قاللى انه بلغهم بالتفاصيل وان المالك كان منتظم تماما فى الصيانات وحتى الاصلاحات العاديه والحوادث مع التأمين عملتها عندهم عشان يبقى فيه مساهمه من الشركه الام تحت بند ال Goodwill عشان انا خارج الضمان. فرنسا ردت انهم هايتحملوا الفتيس لو كان باظ. (طبعا ده شىء ممتاز وينم عن نيه محترمه). بس ماقالش حاجه عن تكلفة ال cooler والزيت واللوازم اللى ممكن تدخل فى 10 الاف جنيه شاكب راكب!!
الاصلاح بدأ اليوم ومفروض التجربه الاحد
دعواتكم

[tasaka]

ربنا يسهل الامور

[tasaka]

اقرأ الموضوع ده

كولر الفتيس و زيت الفتيس و التوكيل ...

لو بيجو كانت ابتدأت تغير زيت الفتيس كما هو موضح فى الموضوع .. اعتقد تبقى مشكلتهم بالكامل شامله الكولر لو استطعت اثبات امكانيه تلف الكولر كاثر جانبى ناتج من عدم تغيير زيت الفتيس

فى جميع الاحوال .. انت اترحمت من الخبطه التقيله .. و ال 11 الف لو صرفتهم ربنا يعوضهم ان شاء الله

[maskeen]

الحمد لله
تم تغيير الكولر والفتيس بالكامل من حوالى اسبوعين
التوكيا كان محترم جدا وتحمل هو تكلفة الفتيس بالكامل ومصنعيته (102 الف جنيه) وانا دفعت الكولو وزيت الفتيس (حوالى 6 الاف جنيه)

شىء اضافى عاوز اقوله هنا ان جروب ملاك ال 508 على الفيسبوك طردنى وعملى بان من يومين بسبب انى اتكلمت عن مشكله اخرى ظهرت فى العربيه من يومين (كنت فاكرها طلمبة الباور وطلعت خرطوم التربو) والحوض كان مليان زيت! طبعا انا كنت متجنن من ظهور مشكله اخرى بعد مشكلة الفتيس بأيام قليله وقلت على العربيه انها زباله (قبل ان استبدل الكلمه بكلمة سيئه)
البهوات مقدروش يستحملوا النقد وكأن ال 508 دى نازله من السما,
طبعا واضح ان الادمنز هناك نواياهم مريضه وعاوزين ياخدوا وضع عند التوكيل وخصوصآ انه بيتابع الجروب

خلاصة تجربتى مع العربيه بعد 112 الف (كلهم على الهاى واى) ان العربيه دى غير اعتماديه وبعد ال 100 الف لازم تبقى حظر جدا والا ممكن تروح منك.

[amr011111]

الحمد لله
تم تغيير الكولر والفتيس بالكامل من حوالى اسبوعين
التوكيا كان محترم جدا وتحمل هو تكلفة الفتيس بالكامل ومصنعيته (102 الف جنيه) وانا دفعت الكولو وزيت الفتيس (حوالى 6 الاف جنيه)

شىء اضافى عاوز اقوله هنا ان جروب ملاك ال 508 على الفيسبوك طردنى وعملى بان من يومين بسبب انى اتكلمت عن مشكله اخرى ظهرت فى العربيه من يومين (كنت فاكرها طلمبة الباور وطلعت خرطوم التربو) والحوض كان مليان زيت! طبعا انا كنت متجنن من ظهور مشكله اخرى بعد مشكلة الفتيس بأيام قليله وقلت على العربيه انها زباله (قبل ان استبدل الكلمه بكلمة سيئه)
البهوات مقدروش يستحملوا النقد وكأن ال 508 دى نازله من السما,
طبعا واضح ان الادمنز هناك نواياهم مريضه وعاوزين ياخدوا وضع عند التوكيل وخصوصآ انه بيتابع الجروب

خلاصة تجربتى مع العربيه بعد 112 الف (كلهم على الهاى واى) ان العربيه دى غير اعتماديه وبعد ال 100 الف لازم تبقى حظر جدا والا ممكن تروح منك.

بصراحه معظم ان جروبات العربيات على الفيسبوك مش همهم غير مصلحتهم لانهم بيستفيدوا من انشاء الصفحه ديه من التوكيل فى صورة صيانات مجانيه او عمل تخفيض والكلام اللى بيقولوه على اى عربيه بيبقى مبالغ فيه اوى لدرجه انهم بيدافعوا عن اى عربيه كأنهم شركاء فى المصنع