فكره مجنونه خطرت على بالى

[AbO_FaRaH]

أما مين يمسك الموضوع وديه فعلا اصعب حاجه فى الموضوع لولا أن معانا ناس هنا محترمه زى العقيد خالد بس هل هو يوافق ولا يقول

هو فعلا ياريت العقيد خالد يوفق......

"الله يخرب بيتك يا تست أنت وذكر الله عاوزين تدبسونى ولا أيه "

ثانيا.... ليه ياعم كده حرام عليك عندنا عيال عاوزين نربيهم....وكمان اسمى فى الاول عشان
لما الدعوه ترشق ....ترشق فيا الاول ....ماشى ياعم هانى.....

[zkralla]

ان معاك بس المشكله ان المكتب ده لازم ياخد نسبه وهاتكون مش صغيره.......

اسمع انها مش بتعدى 5% ده لو الكميه صغيره هيكون البديل ده هو الافضل لينا لكن لو المبلغ كبر وبالتبعيه حجم البضاعه هتكون فكره السفر احسن بس كده كده برضه هنحتاج مكتب عشان يخلص الاجراءات وبرضه هيأخذ نسبه يعنى احنا فى كل الحالات لازم هنحتاج مكتب

[zkralla]

هو فعلا ياريت العقيد خالد يوفق......

"الله يخرب بيتك يا تست أنت وذكر الله عاوزين تدبسونى ولا أيه "

ثانيا.... ليه ياعم كده حرام عليك عندنا عيال عاوزين نربيهم....وكمان اسمى فى الاول عشان
لما الدعوه ترشق ....ترشق فيا الاول ....ماشى ياعم هانى.....

يا باشا ربنا يخليهملك ويخليك ليهم وبعدين أنا قلت اسمك الاول عشان انت كبير المقام

[AbO_FaRaH]

يا باشا ربنا يخليهملك ويخليك ليهم وبعدين أنا قلت اسمك الاول عشان انت كبير المقام

ربنا يخليك يا زعيم....

بص لنا ها سيب المكان اللى انا فيه حاليا بس للاسف رايح مكان تانى مفيش فيه نت......ان شاء الله نكمل بليل

سلام يا مان

[essam_shaaban]

انا مليش في الموضوع لان معايا اكسنت دلوقتي
بس ناوي ع اللوجان و احب احيي صاحب الفكرة بانه انسان محترم
وبيفكر كعادة المنتدي هنا في زملاؤة ف المنتدي
ربنا يوفقكم
وعقبال ما اشتري اللوجان تكونوا وفرتوا قطع الغيار دي بارخص الاسعار
ربنا معاكم

[frhateg]

انا مليش في الموضوع لان معايا اكسنت دلوقتي
بس ناوي ع اللوجان و احب احيي صاحب الفكرة بانه انسان محترم
وبيفكر كعادة المنتدي هنا في زملاؤة ف المنتدي
ربنا يوفقكم
وعقبال ما اشتري اللوجان تكونوا وفرتوا قطع الغيار دي بارخص الاسعار
ربنا معاكم

يعني انت عايز تخلع و تجيلك بعد كده بالساهل ... طب امن نفسك من دلوقتي علي اللوجان و لما ربنا يكرمك و تشتريها تلاقي قطع غيارها . و الا ايه .هههههههه:10D5C8~1107::10D5C8~1107:

[shoka]

البداية بعمل شركة مساهمة و يتم تسجيلها
وتكون طبقا لقانون الشركات عشان متبقاش الحكاية لعب عيال يعنى مش بعد كام يوم تلاقى واحد جاى يقول انا عايز فلوسى
وطبعا اخر السنة يكون فى أرباح
وطبعا سيتم دفع ايجار المخزن
وهناك تكاليف أخرى

بص يا رجاله الموضوع ده أكيد مش سهل إطلاقا بالعكس كله مشاكل...يعنى كلى واحد عاوز الموضوع ده لازم يأخذ حبوب شجاعة على كم حبية خيال عالمي...

أولا: إحنا أصلا مش عارفين موصفات الجودة اللي أحنا عاو زنها غير كده أحنا عارفين إن الصين ممكن تعمل اى حاجه باى سعر....وطبعا عامل الجودة مطلوب.....

ثانيا: أحنا عشان نحيب اى سلعه من الصين لازم اولا تكون بكميه كبيره عشان السعر يقل وهو ده النظام هناك كل كميه لها سعر مختلف....يعنى على الأقل إحنا عاو زين نحيب كونتينر.

ثالثا: موضوع التمويل...أولا 25 إلف مبلغ صغير جدا عشان تجيب بيه حاجه من الصين.....

رابعا:الشكل القانوني....لازم الموضوع ده يكون من خلال شركه ويكون لكل عضو فيها سهم بقيمه المبلغ المدفوع...وان يفضل أن أداره المنتدى تشترك معنا في الحته دية بالذات...والسادة المحامين في المنتدى.


من خلال معلوماتي عن موضوع شراء بضاعة من الصين إن الموضوع ده فيه نصب كبير وان اول مره لازم حد يسافر عشان يشوف البضاعة كويس ويتأكد أنها مطابقة للموصفات أصلا.....ومعظم الناس اللي يشتروا
حاجات من الصين بيكون ليهم حد هناك يخلص كل حاجه ويشحن البضاعة مقابل نسبه معينه...بس لازم أول مره حد يسافر وبعد كده كل حاجه بتكون عن طريق ألنت....


نرجع لموضع الشحن ....الشحن لازم يكون شحن بحري لأنه ارخص ....انسوا موضوع الشحن الجوى ....
وطبعا فيه كذا طريقه لعمليه الشحن وانأ عن نفسي بفضل نظام door to door service لان مفيش منا حد فاضي يروح الميناء عشان يستلم كونتنر



الملخص
1-تحديد قطاع الغيار الاستهلاكية المطلوب طلب عرض أسعار مبدئي بها عن طريق النت طبعا
2-تحديد الموصفات الفينة المطلوبة....عن طريق خبراء المنتدى.
3-في ضوء الأسعار السابقة نقوم بتحديد الكميه الواجب شراها من كله قطعه
5-عمل كيان قانونى
6-تحديد طرق التمويل....وطبعا لازم نحدد أحنا عاو زين" كم" وبناء عاليه نحدد سعر السهم
7-ترشيح شخص يقوم بادراه الموضوع ...."وطبعا بدون ترشيح انتوا عارفين انا قصدى مين"

اول حرف من اسمه العقيد خالد

وطبعا...مش شرط ان قطع الغيار تكون لوجان فقط ممكن تكون لماركه الرينو عموما عشان نجمع اكبر عدد
ممكن والكل يستفيد.....


وللحديث بقيه....

تحياتى test50

السلام عليكم
هو دا الى كنت عايز اقوله وكمان ممكن نخلى التمويل على حسب مقدرة كل واحد وتكون بنظام الاسهم

وممكن نكلم حد من كبار تجار رينو وناخد رأيهم فى موضوع الاستيراد من الصين

*فى حاجة كمان يا رجاله
عايزين نعرف قطع الغيار فى المغرب ورومانيا وروسيا اسعارها ايه
لان لو اسعارها قريبة من الصين هايكون التعامل اضمن واحسن فى الجوده والشحن ارخص
والله والموفق

[zkralla]

البداية بعمل شركة مساهمة و يتم تسجيلها
وتكون طبقا لقانون الشركات عشان متبقاش الحكاية لعب عيال يعنى مش بعد كام يوم تلاقى واحد جاى يقول انا عايز فلوسى
وطبعا اخر السنة يكون فى أرباح
وطبعا سيتم دفع ايجار المخزن
وهناك تكاليف أخرى

أنا اسف يا بشمهندش أن مداخل حضرتك عدت منى وأنا بعمل الاقتباش المتعدد

انا مش عارف موضوع شركه مساهمه ده أيه مدى سهولته او صعوبته
بس موضوع الربح ممكن يكون مطروح بتحويل الموضوع من مشروع لا يهدف الا لخدمه الاعضاء بمشروع يهدف لخدمه الاعضاء والربح فى نفس الوقت

[zkralla]

و احب احيي صاحب الفكرة بانه انسان محترم
وبيفكر كعادة المنتدي هنا في زملاؤة ف المنتدي
ربنا يوفقكم

يا باشا ربنا يكرمك

السلام عليكم
هو دا الى كنت عايز اقوله وكمان ممكن نخلى التمويل على حسب مقدرة كل واحد وتكون بنظام الاسهم

وممكن نكلم حد من كبار تجار رينو وناخد رأيهم فى موضوع الاستيراد من الصين

*فى حاجة كمان يا رجاله
عايزين نعرف قطع الغيار فى المغرب ورومانيا وروسيا اسعارها ايه
لان لو اسعارها قريبة من الصين هايكون التعامل اضمن واحسن فى الجوده والشحن ارخص
والله والموفق

احنا كنا بنقول الصين عشان سهوله الاستيراد منها حاليا بس طبعا لو رومانيا متاحه يبقى احسن بكتير

[Col. Eng. Khaled]

بصراحة الله ينور عليكم يا وحوش ، فكرة ممتازة عسى أن تكلل بالنجاح

و أشكر حضراتكم لثقتكم الغالية بالنسبة لدخولي بالمعاونة

الحقيقة من سنتين ربنا منْ عليا ب2 شركاء في عمل نشاط تجاري خاص بينا لكن مش قادر أصرح بيه هنا

محتاج أرتب ميعاد مع أحدهم و الوحوش لبحث اللازم لنجاح المعاونة في الفكرة المطروحة .

مع الأخذ في الإعتبار ضرورة وجود منتج مطابق تماما للأصلي ، بمعنى مثلا الفانوس يركب على طول بدون تعديلات زي الفوانيس التايواني و كذلك الرفرف .... إلخ

[photographer]

بجد فكره ممتازه وتستحق التحيه ولو ممكن اشارك برأى ان سمحتم ان الوضع القانونى للموضوع ده يكون جمعيه تعاونيه مش شركه مساهمه للأسباب الأتيه ان الجمعيات الاهليه التعاونيه هى مؤسسات غير هادفه للربح ولا يمكن استرداد رأس مالها من قبل الاعضاء وثانيا وده الاهم ان الجمعيه تخضع لجهات الرقابيه مثل الجهاز المركزى للمحاسبات ويعتبر رأس مالها مال عام يعنى لو لقدر الله حدث أنحراف مالى فيها بتكشفه الاجهزه الرقابيه ويطبق على المسؤل قانون أهدار المال العام وده عشان كل واحد يدفع فلوس يكون مطمئن ثالثا ممكن الحصول على تمويل غير تبرعات الاعضاء وده ممكن بس بيحتاج مجهود من بعض الجهات المانحه انا مش عارف ازاى بس في جمعيات كتير لها انشطه مختلفه وبتحصل على منح رابعا ممكن عن طريق هامش الربح الى م من حق حد يخده هو تقديم خدمات للأعضاء سواء أستشاريه او حل مشكله له قانونيه مع التوكيل او شركات التأمين وبكده يكون للجمعيه أنشطه كثيره أو زى ميشوف الاعضاء ممكن يكون لها نشاط واحد ومجلس أدارتها هيكون بالانتخاب لاكن الشركه المساهمه هيكون مجلس الاداره طبقا لنسبه رأس المال

[إبراهيم.صادق]

مؤيد ومتابع للفكرة استعداداً للوجان اللي لسة ماجبتهاش :)

الفكرة ممتازة طبعاً، وأؤيد انها تكون في شكل شركة وتحقق ربح، ليه لأ؟ الموضوع هايبقى نشاط تجاري مش جمعية خيرية

وفي انتظار نتيجة مناقشات سيادة العقيد خالد مع شركائه

[zkralla]

بصراحة الله ينور عليكم يا وحوش ، فكرة ممتازة عسى أن تكلل بالنجاح

و أشكر حضراتكم لثقتكم الغالية بالنسبة لدخولي بالمعاونة

الحقيقة من سنتين ربنا منْ عليا ب2 شركاء في عمل نشاط تجاري خاص بينا لكن مش قادر أصرح بيه هنا

محتاج أرتب ميعاد مع أحدهم و الوحوش لبحث اللازم لنجاح المعاونة في الفكرة المطروحة .

مع الأخذ في الإعتبار ضرورة وجود منتج مطابق تماما للأصلي ، بمعنى مثلا الفانوس يركب على طول بدون تعديلات زي الفوانيس التايواني و كذلك الرفرف .... إلخ

رأيك يا جنرال كان مهم جدا حتى بدون مشاركه حضرتك
بس مشاركتك بقى اهم بكتير
يعنى نعتبر ديه موافقه مبدئيه على أن لو كان فيه امكانيه لتنفيذ الموضوع أنك هتقوم بالاشراف عليه عشان لو كده يبقى الناس هتشتبشر خير جدا بامكانيه التنفيذ والنجاح أن شاء الله

[hishammb]

موضوع جامد جدا و كنت بافكر فيه من فتره من ساعت ما الناس ابتدت تتكلم علي قطع غيار اللوجان بس كنت بفكر في تركيا و كوريا و رومانيا
الصين صعب شويه علشان الناس هنا بتخاف من اي حاجه جايه من الصين

انا عارف طبعا ان الصين دارجات بس مفيش حد في مصر حيقولك دي درجه عاليه من الصين الا اذا اديت ضمان لمده سنه مع كل حاجه
بس علي فكره انت محتاج علي الاقل ٥٠٠ الف لو بتفكر في مكسب
لكن لو بتفكر انك تيجيب حاجه علشان اعضاء المنتدي يبقي اي مبلغ عادي
و مش حتحتاج اصلا مكان تحزن فيه علشان كل واحد حيشيل بضعته

[AbO_FaRaH]

دلوقتى يا هانى ياريت تعمل تصويت على الموضوع دخل المنتدى
عشان نعرف كم واحد مستعد يشارك.....

عشان ندخل فى عمليه الدارسه الفعليه...