اللى يخاف من الكوبلن يطلعلو ويقلووو عووووو

[AHMED1718]

انا مشكلتى انى دلوقتى ف مرسى علم بعربيتى والاسبوع اللى فات وانا ف الطريق كنت سمعت طقطقة كده ..فقلت جايز يكون جلب مقص ولا حاجة

بس الطقطقة زادت شوية فقلت مبدهاش بقا رفعت العربية وحليت العجل اللى قدام يمين

لقيت فيه خلوص او بوش ف الكوبلن من الجهة الداخلية مش اللى نحية العجل

فدلوقتى انا مقلق من انه يفصل منى وانا مسافر ولا حاجة
وللعلم الكوبلن مش بيطقطق الطقطقة المشهورة دى بتاعة الملفات

دى طقطقة كده زى ميكون مثلا التيل بيخبط مش عارف اوصل صوتها ليكو الزاى


ياريت تطمنونى هل ده هيمشينى لغايط موصل القاهرة ولا انا وحظى ؟


فيه ميكانيكى قصدى عجلاتى وشغال ميكانيكى بيقولى احلهولك واعملك وردة واكبسلك مشواره ..... وقعد يرسم كده فهل ده هبل ولا ايه ؟

وهل الخلوص اللى ف الكوبلن ده بيتصلح ولا بيقا عك بردو واريح دماغى بكوبن استيراد ولا جديد؟

[أحمد كمال]

1- بلاش تكبس الكوبلن

2- بلاش استيراد في الاجزاء الحركية اللي ممكن في لحظة تعمل كارثة لا قدر الله (يفرط و انت ماشي بسرعة ..... او يعطل في حتة مقطوعة) و ساعتها هتصرف اكتر من الفرق بين تمن الكوبلن الاستيراد و الجديد

[AHMED1718]

طب دلوقتى هيمشينى لغايط كايرو ولا ايه الناظم انا لسه قدامى مش اقل من اسبوعين هنا والمشوار حوالى 800 كم

[أحمد كمال]

طيب اقول لك فكرة

لو فيه ميكانيكي نضيف في مرسى علم او قريب منها احنا ممكن نشتريلك الكوبلن من الوكيل و نبعتهولك بشركة شحن اسمها ميدل ايست هييجي لك تاني يوم مرسى علم و مش هيكلف اكتر من 10 جند شحن ...... و انت تركبه هناك قبل ما تيجي ........

[AHMED1718]

هوا حضرتك شغال ف التوكيل
؟
اصل انا كمان شغال ف توكيل رينو وكيا

المشكلة دلوقتى ان عربيتى اللى معايا هنا هيا رينو رينبو 97

فصعب الاقيلها حاجة ف الشركة

تانى حاجة هيبقا سعر وهمى اكيد
وحتا لو جبته حوار تركيبه ده حوار كبير وانا مش معايا الامكانيات ولا فيه حد هنا ممكن يبقا معاه

[AHMED1718]

ياريت لو شركة الشحن دى تجيبلي ليها اى تليفونات ؟ لانى بحتاج ابعت حجات يومي تقريبا وزهقت من فيدكس

[أحمد كمال]

هوا حضرتك شغال ف التوكيل
؟
اصل انا كمان شغال ف توكيل رينو وكيا

المشكلة دلوقتى ان عربيتى اللى معايا هنا هيا رينو رينبو 97

فصعب الاقيلها حاجة ف الشركة

تانى حاجة هيبقا سعر وهمى اكيد
وحتا لو جبته حوار تركيبه ده حوار كبير وانا مش معايا الامكانيات ولا فيه حد هنا ممكن يبقا معاه

لا و الله انا مش شغال في التوكيل :)

ياريت لو شركة الشحن دى تجيبلي ليها اى تليفونات ؟ لانى بحتاج ابعت حجات يومي تقريبا وزهقت من فيدكس

0222413033

ده مكتب القاهرة و ليهم مكاتب كتير في محافظات كتير و خدمتهم رخيصة و نضيفة و سريعة جدا

غير انه ممكن تبعت الحاجة على حساب المرسل اليه و تحصل منه كمان يعني مثلا انا كنت هاشتريلك الكوبلن مثلا سعره 500 جنيه ..... ابعتهولك على حسابك ..... يعني اديهولهم ..... تاني يوم يجيبوهولك و يحاسبوك على 500 + الشحن .... تالت يوم يرجعولي الفلوس مقابل 5 جنيه تحصيل

شركة محترمة اخر حاجة الصراحة

[AHMED1718]

متشكرين لاهتمامك ياباشا

[A.Saad]

ما تشوف مركز خدمة معتمد فى الغردقة طيب ولو عايز اى قطع غيار ممكن نبعتها لك

[AHMED1718]

والله مشكلتى انى بينى وبين الغردقة 300 كم تقريبا

انا خايف وانا ماشى يحصل حاجة ولا يفصل منى ومش هلاقى كلب يعبرنى هبقا زى الراقص مع الذئاب او العفاريت علشان الطريق مليان فمش طالبا ليلة ف حضن العفاريت كفايا هيبقا كوبلن وعفريت كمان

[أحمد كمال]

والله مشكلتى انى بينى وبين الغردقة 300 كم تقريبا

انا خايف وانا ماشى يحصل حاجة ولا يفصل منى ومش هلاقى كلب يعبرنى هبقا زى الراقص مع الذئاب او العفاريت علشان الطريق مليان فمش طالبا ليلة ف حضن العفاريت كفايا هيبقا كوبلن وعفريت كمان

خد معاك واحد صاحبك بعربيته و هات كابل قطر و اتحركوا سوا عالغردقة

و اتحرك عالفجر

لو حصل اي حاجة يقطرك بقية الطريق

[mostafabakry]

خد معاك واحد صاحبك بعربيته و هات كابل قطر و اتحركوا سوا عالغردقة

و اتحرك عالفجر

لو حصل اي حاجة يقطرك بقية الطريق

+1


انا مع الحل دا خصوصا ان انت مقدامكش غيره علي ما اظن
بس انت تمشي براحتك عالآخر و خد الملفات علي قل سرعة ممكنة و ان شاء ما يجراش حاجة

و في الغردقة فيه فرع للمصرية العالمية للسيارات ( مبيعات) ت: 0653552190
و كمان فيه مركز خدمة معتمد اسمه الجميل ت : 0653554010

و في اسوأ الظروف لا قدر الله انت ممكن تتأجر ونش ياخد العربية للغردقة

و ربنا ييسر لك الحال و توصل بالسلامة

[AHMED1718]

متشكرين ياجماعا جداا لسرعة الردود

[د.محمود صلاح]

ربنا يوصلك بالسلامة بدون مفاجآت في الطريق

[kayson]

اكيد هتلاقى مكانيكى كويس فى مرسى علم حاول يزبطهولك لغاية ماتوص الغردقة و بعدين متهولش الموضوع على نفسك الكوبلن لسه فى الاول