رابطة حائزى الفلوينس

[wawoo]

ال package زى الصور عبارة عن عتب يمين و شمال و جزء للاكصدام الامامى و الخلفى و سبويلر

الشكر لله
فعلا 6 كتير بس دة بسبب انهم بيستوردوها باليورو غير الضرايب و الجمارك و المستنقعات اللى بتتحسب عندنا بتخلى الحاجة عقبال ما تيجى سعرها الاصلى يبقى اضرب فى اتنين
بالنسبة للميجان iii بصراحة ما سألتش بكرة ان شاء الله اعرفلك

الله يخليك يا بوكلا . و المجموعة دى بتركب فوق اللى موجود و لا بتغير حاجة مثلا
و يترى تكلفة التركيب كام?

[hazem_oh]

السلام عليكم

الحقيقة دي أول مشاركة لية هنا وأنا إن شاء الله ناوي أشتري الفلوانس بس مستني لما أجهز وكمان فيه ناس بتقول أن الأسعار هتنزل على شهر 4 اللي جاي وكما الدفعة اللي هتنزل فيها تغييرات عن اللي موجودة فيا ريت لو حد عنده معلومة عن الموضوع ده يقول
تاريخ اليوم هو: 10/1/2011

وشكرا ليكم جميعاً

[bukla]

السلام عليكم

الحقيقة دي أول مشاركة لية هنا وأنا إن شاء الله ناوي أشتري الفلوانس بس مستني لما أجهز وكمان فيه ناس بتقول أن الأسعار هتنزل على شهر 4 اللي جاي وكما الدفعة اللي هتنزل فيها تغييرات عن اللي موجودة فيا ريت لو حد عنده معلومة عن الموضوع ده يقول
تاريخ اليوم هو: 10/1/2011

وشكرا ليكم جميعاً

للاجابة عن استفسارك راجع الرابط دة

http://www.nilemotors.net/Nile/190057-a-3.html

[bukla]

السلام عليكم و رحمة الله و بركاتة
كنت قمت بتجربة لتسارع العربية و ثباتها شاركت بيها فى موضوع لاحد الاخوة كان بيسأل عن نوع التعليق للفلوينس و حبيت انى اعيد نسخها هنا فى الرابطة علشان تبقى مرجع لأى حد عندة استفسار او محتاج توضيح للنقطتين دول (التسارع و الثبات)
تمنياتى بالتوفيق للجميع

السلام عليكم و رحمة الله و بركاتة
اولا انا حابب اقول انى مش حاضيف حاجة زيادة على اللى اتقال خصوصا كلام الاخوة WAWOO و Elsarrawy لأن كلامهم مظبوط و مطابق تماما للى كنت حقولة
المهم ان انا شايف ان فية ناس كتير فى المنتدى شاغلين بالهم بموضوع التعليق و نوعة مع انى شايف ان اللى يهمنى فى العربية ثباتها و امانها بغض النظر عن نوع التعليق او اذا كان طراز قديم او جديد و Elsarrawy كفى ووفى فى شرحة للنقطة دى
انا لما قريت الموضوع دة فى الشغل افتكرتة و انا راجع من الشغل على الدائرى فقررت انى اعمل حاجة مجنونة ارجع بيها لأيام الشقاوة ايام زمان لما كان سنى فى اوائل العشرينات
قرصت على العربية لغاية سرعة 150 او 160 مع ان الدائرى مكانش فاضى نسبيا لكن فضلت اجرى و اخد غرز بين العربيات و استنضف عربية و احاول استفز صاحبها علشان يشد معايا لغاية ما لقيت BMW 316 استجاب لى لما جيت وراة بالظبط و دخلت علية بسرعتى مع شوية ترعيش للنور العالى فى وشة ولما وسعلى و عديت منة لقيتة ابتدى يجرى ورايا و انا عمال اخد غرز على 120 او 130 و اول ما الطريق يفتح شوية اقرص و هوا ورايا مش عارف يجيبنى بسبب الغرز اللى باخدها على الضيق و بسرعتي وفى وسط دة كلة لقيت اوكتافيا ابتدى يجرى معانا و انا زى منا غرز و قرص وهما مش قادرين يجيبونى لغاية مادخلت تفريعة يمين فى الدائرى الحمد الله انهم ما دخلوش ورايا علشان الموضوع مايسخنش اكتر من كدة
المهم ان النتيجة من التجربة اللى انا بصراحة بالرغم من انها رفعت الادرينالين عندى و خلتنى حسيت بالحيوية بتاعة زمان الا انى فى اشد الندم انى عملتها لان لاقدر الله اي خطأ او واحد سواق نقل بمقطورة من اللى كنت بعدى من وسطهم زى الطلقة مال عليا كانت النتيجة حتبقى مريعة
العربية ما شاء الله ولا حول ولا قوة الا بالله فى منتهى منتهى الثبات لدرجة انها ماحسستنيش باى خطر سواء فى ملف واخدة على سرعة او غرزة ضيقة على 130 و لا الطريق يادوب يفتح سنة ابقى على 150 او 160 مع الوضع فى الاعتبار ان الدائرى مليان مطبات و فلنكات حديد بارزة لكن الحمد الله ثبات و استجابة للجرى ممتازة
لما وصلت البيت فكرت لية بقى الناس مهتمة قوى بنوع التعليق مش الاهم الثبات و قوة التحمل و الامان و دة موجود يبقى التعليق بقى مالتى لينك ولا تورشن بيم مش فارقة معايا
و بعدين اللى انا عملتة دة عين الجنون يعنى مش حاجة طبيعية ان الناس تعمل كدة فى بعضيها
استغفر الله و الحمد الله انى وصلت بالسلامة و اتمنى من كل قلبى ان ماحدش يعمل اللى انا عملتة دة تحت اي سبب من الاسباب لانك مش بتعرض نفسك فقط للخطر لكن بتعرض ناس ابرياء حواليك للأذى و علشان اية تثبت انك احسن سواق ولا عربيتك احسن عربية فى العالم لا حول ولا قوة الا بالله

الباور الكهرباء حساس جدا و بيدى سلاسة و سهولة رهيبة و كمان بيديك تحكم كامل فى العربية اثناء المناورات
بالنسبة للمود اللى انا كنت ماشى علية حصل حاجة غريبة ما كنتش قاصدها بس اثبتتلى ذكاء واضع السوفتوير بتاع الفتيس
كنت ماشى على الاتوماتيك و لما ابتديت اقرص ال ار بي ام نقل عند 5.5 تقريبا للرابع و انا على سرعة 130 تقريبا لانى حسيت ان الموتور هدى و العزم قل نسبيا فقررت انقل الفتيس على المانيوال علشان اقرص اكتر شوية على التالت فاللى حصل ان اول ما نقلت للمانيوال و من غير ما ابص على الشاشة رجعت دراع الفتيس للخلف علشان ارجع للتالت فوجئت ان الشاشة مكتوب عليها التانى و عمال يعمل فلاش فهمت انى بمجرد ما غيرت للمانيوال الفتيس فهم انى عايز اقرص على الغيار علشان كدة قام راجع للغيار التالت لوحدة و لما انا ما اخدتش بالى من اللى حصل دة بسبب تركيزى على الطريق و رجعت الفتيس بايدى يعنى كأنى كنت عايز ارجع للتانى و انا ماشى على 130 العربية رفضت انها تغير للتانى علشان ما تأذيش الفتيس او الموتور و فضلت تدينى رقم 2 بيعمل فلاش علشان تنبهنى لغاية ما نقلت الدراع للتالت تانى و ابتدت تدينى العزم اللى انا عايزة
ربنا يسترها معانا كلنا ان شاء الله
اسف على الاطالة
تمنياتى بالتوفيق و الامان للجميع ان شاء الله

[M.Elwan]

fluence gps

دى صور الكاسيت الجديد للفلوينس من المعرض بال GPS
سعره 6000 جنية شامل التركيب
عجبنى شكله قوى فقلت اصوره لرابطة حائزى الفلوينس



Uploaded with ImageShack.us



Uploaded with ImageShack.us




Uploaded with ImageShack.us

[bukla]

الف شكر على الصور
افهم من كلامك ان سعرة ال 6000 جنية بالتركيب انة ممكن يركبوة فى التوكيل للعربيات الموديلات اللى مش راكب فيها
و ممكن كمان تقولنا اية الامكانيات الجديدة للشاشة دى
شكرا مقدما

[M.Elwan]

الف شكر على الصور
افهم من كلامك ان سعرة ال 6000 جنية بالتركيب انة ممكن يركبوة فى التوكيل للعربيات الموديلات اللى مش راكب فيها
و ممكن كمان تقولنا اية الامكانيات الجديدة للشاشة دى
شكرا مقدما

اه فعلا بيتركب فى التوكيل فى العبور بس من اول الموديل الثانى فى الاوتوماتيك
والامكانيات
GPS والخرائط كاملة للقاهرة
Rear camera
USB port
ومتوافق مع multifunction فى الدريكسيون

[abouetta]

هو الفئة التانية في الاتوماتيك سعرها ١٤٠ و لا ١٣٥؟ و هل بتختلف من الموزعين للوكيل و لا كله زي بعضه؟

و بخصوص الحجز و التسليم هل كله بيتأخر زي الوكيل و لا في موزعين عندهم جاهز للتسليم؟

مشكورين يا وحوش

[bukla]

هو الفئة التانية في الاتوماتيك سعرها ١٤٠ و لا ١٣٥؟ و هل بتختلف من الموزعين للوكيل و لا كله زي بعضه؟

و بخصوص الحجز و التسليم هل كله بيتأخر زي الوكيل و لا في موزعين عندهم جاهز للتسليم؟

مشكورين يا وحوش

الفئة الثانية اتوماتيك سعرها 140 و السعر دة ثابت عند الموزعين او الوكلاء ممكن يزيد عند بعض الموزعين للتسليم الفورى اما التوكيل فالتسليم فى خلال شهر من الحجز
بالتوفيق ان شاء الله

[abouetta]

الفئة الثانية اتوماتيك سعرها 140 و السعر دة ثابت عند الموزعين او الوكلاء ممكن يزيد عند بعض الموزعين للتسليم الفورى اما التوكيل فالتسليم فى خلال شهر من الحجز
بالتوفيق ان شاء الله

الف الف شكر يا كبير الفلوينس

[mah_khourshid]

الله عليكي يافلونس

[asaber]

هو الفئة التانية في الاتوماتيك سعرها ١٤٠ و لا ١٣٥؟ و هل بتختلف من الموزعين للوكيل و لا كله زي بعضه؟

و بخصوص الحجز و التسليم هل كله بيتأخر زي الوكيل و لا في موزعين عندهم جاهز للتسليم؟

مشكورين يا وحوش

معرض عربيات قالي هيحسبها علي 137
اسال هناك انت اولي بال 3000 دول و بالتوفيق ان شاء الله

[abouetta]

معرض عربيات قالي هيحسبها علي 137
اسال هناك انت اولي بال 3000 دول و بالتوفيق ان شاء الله

و الله كلام زي الفل، الله يكرمك يا باشا علي المعلومة

[waelatef]

مساء الخير عليكم جميعا
شكرا جزيلا على الموضوع القيم بس ارجو المساعدة منكم انا عندى النترا خليجى 2006 بصراحة ممتازة جدا جدا من يوم ما جبتها وكابوتها لم يفتح عند ميكانيكى وحبيت انى اغيرها لفئة اعلى مع انها ممتازة لايوجد بيها خدشة وعاملة 60000 الف كيلو وشفت الفلونس بصراحة عجبتنى جدا جدا وفعلا كنت بقارن بينها وبين السيراتو والكارينز طلعت هى الرابحة وذهبت لمعرض الاهرام من كام يوم بصراحة عجبتنى جدا بس مسؤول رينو فى المعرض خوفنى شوية من اعادة البيع خاصة ان كمان خمس سنوات الجمارك على الاوروبى هاتنزل ل50% ولية واحد صاحبى شغال فى المصرية قالى ابعد عن الرينو خالص عاوز تشتر ى يبقى باسات او كورولا الجديدة علشان اعادة البيع وقطع الغيار بس مش عارف الكورولا شكلها مش عاجبنى ولها استايل خاص وأنا بادور على عربية ستايل وامكانيات واعادة البيع تكون ماسكة نفسها وبعدين عرفت ان فى عربية جديدة نازلة مصر كمان 6 شهور Nissan Qashqai
شكلها حلو وخاصة انها تقفيل England
بس هى مانوال والاوتوماتك هاتنزل على اخر السنة وفى عربية كمان (هيونداى افنتى واحتمال تنزل فى معرض اوتوماك الجاى فلو احد منكم يتكرم علية ويقولى ايه احسن عربية فيهم بما انكم ركبتم الفلونس وجربتوها وشكرا جزيلا لكم

[bukla]

معرض عربيات قالي هيحسبها علي 137
اسال هناك انت اولي بال 3000 دول و بالتوفيق ان شاء الله

و الله كلام زي الفل، الله يكرمك يا باشا علي المعلومة

خد بالك لا يكون بيقولك على اول فئة اتوماتيك اللى ب 130 عند التوكيل و عايز يبيعها ب 137