زيادة سعر رينو سيمبول

[yaseen913]

كنت قد حجزت رينو سيمبول من حوالى اسبوعين من الميكانيكيون العرب بطريق المطار على السعر القديم ( 88000) وكلمت ادارة المبيعات بالامس لاستفسر على ميعاد التسليم فكان ما توقعته من اخباره لى بزيادة سعر السيارة من 88000 الى 93000 مع قسمه باغلظ الايمان بانه غير مستفيد من هذه البيعه الا زبون جديد .

مما تسبب لى فى حيرة كبيرة بين هذه السيارة وسيارة اخرى هى سوزوكى sx4 سيدان وسبب هذه الحيرة ان السعر متقارب حيث تباع sx4 سيدان 2009 بمعارض اتو ماجد بسعر 100000 يدفع 52000 كمقدم والباقى على سنة بدون فوائد ولكن بدون ضمان او بمعنى اخر ان المعرض هو الضامن وليس الوكيل .

وسوالى لحضراتكم هو طلب للنصيحة حيث اننى ليس لى خبرة اطلاقا فى السيارات وهذه هى اول سيارة لى فى مصر ولكنى اجيد القيادة .

[Amr_Moh]

بصراحة السيمبول حلوة بس متسويش ٩٣

[yaseen913]

الاخ الكريم عمرو :

اتفق معك فى ان سعرها فيه مبالغة ولكن ما هو البديل المناسب فى نفس الفئة مع الوضع فى الاعتبار ان كل اسعار السيارات قد زادت بالفعل وما رايك فى شراء sx4 بدون ضمان التوكيل

[M.Elwan]

مادام وصلت 93 يبقى قربت من الاسكالا


Scala 1.6 A/T 2010 97000


Symbol 1.4 F/O A/T 2011 93900

[yaseen913]

من خلال بحثى فى المنتدى اجتمعت الاراء على ان رينو سيمبول افضل من الاسكالا

[Amr_Moh]

الاخ الكريم عمرو :

اتفق معك فى ان سعرها فيه مبالغة ولكن ما هو البديل المناسب فى نفس الفئة مع الوضع فى الاعتبار ان كل اسعار السيارات قد زادت بالفعل وما رايك فى شراء sx4 بدون ضمان التوكيل

عربية جميلة من برى في رأي بس ملهاش وجود يذكر في الشارع = متتجبش بضمان ولا منغير

[mmffor]

لو انت حاجزها فعلا من اسبوعين مينفعش يزودوا عليك امال انت حاجز ليه! من رأيي اتصل بحماية المستهلك و قولهم اللي حصل و شوف رأيهم ايه! لأن حتى موضوع الزياده دي حاصله للعربيات اللي لسه يادوب حتدخل الميناء و ليس الموجوده في البلد حاليا قيد التوزيع و لو المعرض حتى لسه بيستوردها من بره يبقى هوا تعاقد معاك على سعر الحجز و خد عربون او قبل ان انت تحجز ده اسمه ربط كلام ملكش دعوه غليت و اللا رخصت! لو كان اليورو نزل 50% عمر امه ما كان نزل شلن من السعر المتفق عليه ! اتصل بحماية المستهلك زي مبقولك ! و ثانيا انصحك بالنيسان صني اوتوماتيك فل اوبشن بنفس السعر و ياباني و قطع غيار متوفره

[AHMEDmostafa79]

هي صحيح عربية حلوة بس كتير جدا 93 عليها شوف الاوبترا الاتوماتيك ب95 تقريبا اوالصني

[yaseen913]

هي صحيح عربية حلوة بس كتير جدا 93 عليها شوف الاوبترا الاتوماتيك ب95 تقريبا اوالصني

صحيح كتير 93000 بس الاوبترا عيوبها كثيرة مثل خفة الصاج وعدم الاعتمادية والصنى يعبها التجميع المصرى الردى ... بينما سيمبول لا يوجد بها هذه العيوب .

عربية جميلة من برى في رأي بس ملهاش وجود يذكر في الشارع = متتجبش بضمان ولا منغير

لم افهم يا اخ عمرو الجملة الاخيرة ... هل تقصد ان انتظر لفترة حتى تستقر الاسعار ام تقصد ان اتخلص من فكرة شراء السيارة بالكامل

لو انت حاجزها فعلا من اسبوعين مينفعش يزودوا عليك امال انت حاجز ليه! من رأيي اتصل بحماية المستهلك و قولهم اللي حصل و شوف رأيهم ايه! لأن حتى موضوع الزياده دي حاصله للعربيات اللي لسه يادوب حتدخل الميناء و ليس الموجوده في البلد حاليا قيد التوزيع و لو المعرض حتى لسه بيستوردها من بره يبقى هوا تعاقد معاك على سعر الحجز و خد عربون او قبل ان انت تحجز ده اسمه ربط كلام ملكش دعوه غليت و اللا رخصت! لو كان اليورو نزل 50% عمر امه ما كان نزل شلن من السعر المتفق عليه ! اتصل بحماية المستهلك زي مبقولك ! و ثانيا انصحك بالنيسان صني اوتوماتيك فل اوبشن بنفس السعر و ياباني و قطع غيار متوفره

المشكلة يا اخى ان ايصال الحجز يكتب فيه المقدم فقط وليس ثمن السيارة بالكامل بمعنى اخر لايوجد ما يثبت الثمن المتفق عليه وقت الحجز ...نصيحة لكل شخص مقبل على الشراء او الحجز ان يكتب ثمت السيارة بالكامل وقت الحجز.

[rafe3_dent]

هات Gen2 عربية روعة ووانتشارها بدأ يزيد

صحيح توكيلها مش زي رينو .. ولكن الـ Gen2 عربية ممتازة و عن تجربة