استفسار بسيط

[engtmk]

حجزت ميعاد لصيانه عربيتي بكره إن شاء الله في المقطم وكنت حابب اعرف مكانه فين بالضبط عشان اللف والدوخه.

فياريت اكون شاكر ليكم لو حد قالي اروح ازاي او حط لينك عل خرايط جوجل مع العلم اني من سكان المعادي

جزاكم الله خيرا

[iaibrahim]

اذا كنت تقصد توكيل رينو الللى فى مطلع المقطم المكان سهل خالص وانت جاى فى الاوتستراد من كوبرى سوق الجمعه وعند القلعه وقبل مطلع المقطم مباشرة على اليمين حتلاقى منزل لتحت ومبنى كبير تحت الانشاء تنزل تلاقى مدخل التوكيل مباشره وبالتوفيق ان شاء الله

[engtmk]

اذا كنت تقصد توكيل رينو الللى فى مطلع المقطم المكان سهل خالص وانت جاى فى الاوتستراد من كوبرى سوق الجمعه وعند القلعه وقبل مطلع المقطم مباشرة على اليمين حتلاقى منزل لتحت ومبنى كبير تحت الانشاء تنزل تلاقى مدخل التوكيل مباشره وبالتوفيق ان شاء الله

شكرا جدا ليك

وانا لقيت توضيح بالخريطه للمكان يعني لو حد عاوز يروحه لاول مره زي

http://wikimapia.org/13829201/Renault

[engtmk]

حاليا انا في توكيل المقطم المكان سهل الوصول ليها شكرا للأستاذ ابراهيم زي ما وصف بالضبط

ملاحظاتي الاوليه عل المكان

يعيبه عدم وجود يافطه علي مدخله من الاوتوستراد توضح مكانه يعني انا بقالي سنين بعدي من المكان ده ومعرفش انه فيه مركز صيانه.
المكان ضيق شويه فده عام زحمه جايز عشان السبت نص يوم ز ما بيقول بتاع الاستقبال ( مع ان الناس مفروض انها اكتر يوم السبت)

اسلوب التعامل محترم ومنظم ومفيش شغل خد الولاعه والاريال في ايدك عشان السرقه زي عمو غبور

بلغتهم بضعف التكييف واديني قاعد مستني لما استلم العربيه ان شاء.الله اشوف ايه الاخبار واقولكم

[engtmk]

الحمد لله خلصت :)

لقيت التكييف زي ما تكون دبت فيه الحياه قلت اسال اعرف ايه اللي كان فيه

الفني قالي ان فلتر الهواء كان مسدود

المهم بسال ليه الجزء الخارج من التابلوه متعلمش قالي لان النهارده السبت والجزء الخاص بصيانه البودي (جسم العربيه) أجازه

وان يوم السبت مخصص للصيانات الخفيفه بس 5,10,20

بس صيانه 60 مثلا لأ مفيش يوم السبت

الاجمالي هما ناس كويسين ومحترمين. و تجاوبوا مع استفساراتي بشكل مقبول وصدر رحب.

العيب: ان السبت عندهم اجازه !!!!!

انا قلت اشارك معاكم تجربه صيانه ال 5 لعربيتي ربما تفيد حد باي حاجه