لو سمحتوا يا جماعة محتار بين رينو سكالا ورينو لوجان اية الافضل في وجهة نظركو؟؟

[xman7461]

لو سمحتوا يا جماعة محتار بين رينو سكالا ورينو لوجان اية الافضل في وجهة نظركو؟؟ انا عارف ان الاسكالا المانيوال اغلي حوالي 11 الف بس في رأيكو كأمكانيات وشكل اية الافضل؟؟؟

[elgohary]

والله هى مسألة أزواق يعنى انا شوفت رينو سكالا فى توكيل رينو العبور لم أعجب بها حسيت انها نيسان صنى بس مهجن مش اصلى اللى يلفت انتباهك الاوبشن اللى فيها لكن اللوجان تتفوق عليها فى حاجة تانية
1- شكل البودى بتاع اللوجان جميل وجذاب حتى لو العربية ماشية بعيد عنك بتفضل عينك معاها لحد ما تختفى

2-ركوبتها عالية بفضل الجنوط مقاس 15 وياسلام لو كانت فل اوبشن زى بتاعتى
بالنسبة لرينو سكالا يمكن الفرق فى الفلوس = الفرق فى الكماليات لكن كشكل اللوجان تكسب وكمان ارخص وعموما زى ماقلت لسيادتك مسألة اذواق

[devil_storm]

اسكالا طبعا افضل بس هل فرق السعر بينهم يستاهل ولا لا مش عارف

[تامر.محمد]

كأنك بتسأل الصني افضل ولا اللوجان مع تثبيت التوكيل
انتشار اللوجان افضل
لكن كعربية اظن ان السكالا هاتتفوق في كل حاجة ماعدا الاتساع الداخلي , اللوجان واسعة جدا
كذلك السكالا فيها اتوماتيك و اللوجان مافيهاش

[samehelsergany]

اولا مع كامل احترامي للعربيتين خلي بالك انك بتتكلم على عربيات في فئة سعرية فليلة يعني مش هاتاخد كل حاجة.
انا كنت في الحيرة دي لفترة خصوصا اني سقت عربية اخويا البيرسونا لفترة و حضرتك عارف البروتون و شكلها ، و شفت اللوجان و السيمبول و ركبتهم ورا و قدام و شفت الاسكالا و عايز اقولك اني لسا مستلمها من شهر و العربية انا فوجئت بيها في السواقة العربية ناعمة جدا و ثابتة و بالنسبة للوسع من جوة هي احسن من السيمبول و اللوجان من وجهة نظري
و زي ما قال الاستاذ الجوهري دي ازواق احسن حكم على الموضوع ده انت تتفرج عليهم و تقرر بنفسك . و لاتوفيق ان شاء الله

[OOOKA]

اولا مع كامل احترامي للعربيتين خلي بالك انك بتتكلم على عربيات في فئة سعرية فليلة يعني مش هاتاخد كل حاجة.
انا كنت في الحيرة دي لفترة خصوصا اني سقت عربية اخويا البيرسونا لفترة و حضرتك عارف البروتون و شكلها ، و شفت اللوجان و السيمبول و ركبتهم ورا و قدام و شفت الاسكالا و عايز اقولك اني لسا مستلمها من شهر و العربية انا فوجئت بيها في السواقة العربية ناعمة جدا و ثابتة و بالنسبة للوسع من جوة هي احسن من السيمبول و اللوجان من وجهة نظري
و زي ما قال الاستاذ الجوهري دي ازواق احسن حكم على الموضوع ده انت تتفرج عليهم و تقرر بنفسك . و لاتوفيق ان شاء الله

حضرتك ممكن تدينا فكره عن العربيه تقييم كده عالسريع من حيث العفشه والماتور والثبات وايه الفرق اللي حسيته لما سوقت العربيه ديه مقارنه بالبيرسونا