ايهما افضل و احسن

[magdysaif]

السلام عليكم
انا اعمل بابوظبي و اريد شراء سياره مابين ثلاث موديلات و لا اعلم عن مدي رواجهم في السوق المصري و هم اوكتافيا رقم 3 و هي تسمي فناتازيا في مصر ا و سيراتو رقم 1 هاي لاين و رينو فلونس رقم 1 . اريد من خبراء المنتدي الرد بالتفصيل بخصوص قطع الغيار و اعادة البيع و قوة التوكيل في مصر من صيانه و الخ ... و شكرا لكم جمعيا

[shawkylotfy]

خليك فى السيراتو تكيفها اجمد وهينفعك هناك فى الحر

[hugan]

سيراتو انتشار اعاده بيع اسعار قطع غيار
الاوكتافيا
امن ومتانه
شياكه

لكن لو مكانك
اوكتافيا كل تاكيد بلا منافس

[magdysaif]

شكرا للرد السريع

اولا شكرا جزيلا لردك السريع بس هو انا عايز اجيبها لمصر - بمعني انها تفضل شويه معايا هنا و انزلها لمصر

[abdo_2812]

أعتقد الترتيب الصحيح هايكون كده بلا شك !
1- فانتازيا
2- فليوانس
3- سيراتو

وإن كان الترتيب الأقرب لقلبي هو الفليوانس أولا ...
وربنا يوفقك للأحسن إن شاء الله :)

[ecybrarian]

الفلوينس في الخليج غير إللي في مصر على فكرة والتوكيل مايعرفش عنها حاجة

[Hmatchy]

سيراتو انتشار اعاده بيع اسعار قطع غيار
الاوكتافيا
امن ومتانه
شياكه

لكن لو مكانك
اوكتافيا كل تاكيد بلا منافس

فعلان الاوكتافيا افضل اختيار فى مصر

[Ahmed Selim]

التلاتة كويسين من حيث قطع الغيار و التوكيل فى مصر

من حيث إعادة البيع.....الأكثر فالأقل
1- أوكتافيا
2- سيراتو
3- فليونس

بس حط فى إعتبارك حاجة تانية و هى التوكيل فى الإمارات.......و توافر قطع الغيار و سعر إعادة البيع لو لا قدر الله اضطررت لكده
هتلاقى الترتيب أتعكس..........سكودا توكيلها فى الإمارات ميت( أو على الأقل فى دبى و الإمارات الشمالية)...........و متوقعش سعر إعادة البيع يكون كويس على الإطلاق.

توكيل رينو فى مصر والإمارات ممتاز بمعنى الكلمة و عن تجربة.
توكيل كيا معرفش عنه حاجة فى الإمارات و كويس فى مصر.

كل ده غير أنك بتقول الأوكتافيا هتكون رقم 3 و الفليونس و السراتو رقم واحد...........يعنى جميع الكماليات.

[Ahmed Selim]

الفلوينس في الخليج غير إللي في مصر على فكرة والتوكيل مايعرفش عنها حاجة

ليه يا باشا ؟

[Mohab.Nabil]

ليه يا باشا ؟

اظن فعلا ان الفلوينس بتنزل فى الخليج بموتور و فتيس مختلف و حتة شكل الشبكة و الاكصدام الامامى مختلف سنة عن اللى فى مصر

[magdysaif]

انا أشكركم جزيل الشكر و مش عارف اقولك ايه علي المعلومات العظيمه و جزاكم الله كل خير
انا برضه ميال للأوكتافيا برغم ان سعرها غالي شويه و أما بالنسبه للتوكيلات فاوكتافيا أصبحت مع شركة علي و اولاده و هو نفس توكيل بورش و اودي و فولكس و توكيل كيا هو جمعة الماجد و هو توكيل قوي و معاه هيونداي ايضا اما الفلوينس فوكيلها اسمه المسعود و معاه نيسان ايضا و الفلوينس فعلا هنا كوري التجميع و بتتصنع في مصنع شركة سامسونج و ايضا للمعلومه رينو اشترت 44 % من قيمة نيسان و بالتالي تلاقي كل حاجه في الموتور مكتوب عليها صنعت في اليابان و اكرر شكري و تقديري لكم جميعا و انا مازلت في انتظار باقي الاأراء

[gebreel]

يا احمد باشا الفلوانس في الخليج نازلة بموتور و فتيس و عفشة مختلفين تماما حتى الشكل الخارجي مختلف و التوكيل لما ناس ألوه على انهم ينزلوا العربية من الخليج قالهم كدة و قالهم رقم الماتور اللي بينزل في الخليج و اللي بينزل في مصر

الفتيس في الخليج 6 سرعات تقريبا و في مصر 4 بس و هكذا

[elmahdy]

الفتيس في الخليج cvt وده مختلف عن اللي هنا
والماتور نيسان ... بس في النهاية الماتورين تصميمهم قريب من بعض جدا

[Ahmed Selim]

معلومة جديدة بالنسبالى أن الفتيس مختلف............شكراً يا شباب.