تاكل وش السلندر

[ramy_gamal]

من اسبوعين غيرت كوعه الميه عشان كانت بتجيب ميه المهم قلت خلاص ميه القربه مش هتقل ... ببص تالت يوم لاقيت الميه بردة ناقصه بس اقل من الاول بقيت ازودها شويه وابص على الموتور والردياتير مالقيش اى تسريب المهم كانت بتاخد نص القربه فى الاسبوع تقريبا او اكتر شويه
النهاردة وانا خارج من الشغل دورت ونزلت اشوف حاجه ببص بالصدفه على الجكمان لقيته جايب ميه بس مش كتير ولا قليل بعد ماروحت وركنت ببص على الجكمان لقيته جايب ميه وبعد المشوار يعنى العربيه سخنت ومش باردة زى الصبح قلقت مش عارف ليه
كلمت الميكانيكى وحكتله قالى ساعات وش السلندر بيحصل له تاكل من الميه وبيحتاج يروح ل الخراط ... طبعا انا اتصدمت وقلتله العربيه ماشيه 80 الف بس ازاى يحصل كدة قالى عادى من الاحتكاك والميه وهى بتحتاج نص عمرة قالى امشى بيها لغايه ماتلاقيها بتقطع معاك وانت بتسخن الصبح وبعدين نحل ونشوف هى فعلا ساعات الصبح تقطع وانا بسخن واول ما امشى تروح التقطيعه كنت بفتكر من البوجيهات او فلتر البنزين انا محتاج اللى عندة خلفيه عن الموضوع دة يفيدنى برايه وهل فعلا فى علاقه بين ميه القربه وميه الجكمان قبل ما افتح وش السلندر انا اول مرة يعدى على الموضوع دة

[medohai510]

السلام عليكم،،،
أيوة في علاقة أكيدة يا باشا، وحصلت معايا في العربية الريتمو من أكثر من 10 سنوات لكن كان الشكمان بيفرغ المية بسرعة جداً وعملتها فجأة معايا، وش السلندر به فتحات العادم و البنزين والزيت والمية ومن الممكن أن أيً منهم يختلط ببعضه في حالة تأكل المجاري بتاعته.
أنصحك أنك تتأكد تماما أن لا يوجد أسباب أخري لنقص المية من القربة وبعد كدة ممكن تعمل نص عمرة لكن عند حد من ميكانيكيه الرينو علشان لا تخسر الكثير وأن شاء الله خيراً وطمني علي الوضع

[ramy_gamal]

السلام عليكم،،،
أيوة في علاقة أكيدة يا باشا، وحصلت معايا في العربية الريتمو من أكثر من 10 سنوات لكن كان الشكمان بيفرغ المية بسرعة جداً وعملتها فجأة معايا، وش السلندر به فتحات العادم و البنزين والزيت والمية ومن الممكن أن أيً منهم يختلط ببعضه في حالة تأكل المجاري بتاعته.
أنصحك أنك تتأكد تماما أن لا يوجد أسباب أخري لنقص المية من القربة وبعد كدة ممكن تعمل نص عمرة لكن عند حد من ميكانيكيه الرينو علشان لا تخسر الكثير وأن شاء الله خيراً وطمني علي الوضع

شكرا على ردك
بس ايه اللى ممكن يحصل بعد كدة غير نقص الميه بمعنى هل فى تاثير فى ادء العربيه ومفيش حل تانى غير فتح الموتور ومعلش سؤال تانى التاكل دة ممكن يحصل فى عربيه ماشيه 80 الف بس

[medohai510]

لا السبب ممكن يكون جوان وش السلندر فقط أن شاء الله وليس تأكل في جسم وش السلندر والسبب ممكن يكون زيادة السخونة.
وعلي فكرة لو الوش بيهرب مية علي العادم هتلاقي البوجيهات عليها مية أو مرطبة وتقطع كتير وربنا معاك

[windofchange]

العربية بتقطع معاك ازاي ؟ يعني وانت ماشي ودايس بنزين متقبلش زيادة البنزين والrpm يقع وبعد لحظة ثانيتين يعلي تاني ؟ولا ايه ؟ (في حاجة مشابهة في عربيتي ومقلق) جزاك الله خير ويسر لك تصليح العيب ده

[osha_ahmed]

من اسبوعين غيرت كوعه الميه عشان كانت بتجيب ميه المهم قلت خلاص ميه القربه مش هتقل ... ببص تالت يوم لاقيت الميه بردة ناقصه بس اقل من الاول بقيت ازودها شويه وابص على الموتور والردياتير مالقيش اى تسريب المهم كانت بتاخد نص القربه فى الاسبوع تقريبا او اكتر شويه
النهاردة وانا خارج من الشغل دورت ونزلت اشوف حاجه ببص بالصدفه على الجكمان لقيته جايب ميه بس مش كتير ولا قليل بعد ماروحت وركنت ببص على الجكمان لقيته جايب ميه وبعد المشوار يعنى العربيه سخنت ومش باردة زى الصبح قلقت مش عارف ليه
كلمت الميكانيكى وحكتله قالى ساعات وش السلندر بيحصل له تاكل من الميه وبيحتاج يروح ل الخراط ... طبعا انا اتصدمت وقلتله العربيه ماشيه 80 الف بس ازاى يحصل كدة قالى عادى من الاحتكاك والميه وهى بتحتاج نص عمرة قالى امشى بيها لغايه ماتلاقيها بتقطع معاك وانت بتسخن الصبح وبعدين نحل ونشوف هى فعلا ساعات الصبح تقطع وانا بسخن واول ما امشى تروح التقطيعه كنت بفتكر من البوجيهات او فلتر البنزين انا محتاج اللى عندة خلفيه عن الموضوع دة يفيدنى برايه وهل فعلا فى علاقه بين ميه القربه وميه الجكمان قبل ما افتح وش السلندر انا اول مرة يعدى على الموضوع دة

رامى باشا ..ازيك
لا تقلق ان شاء الله خير ...احتمال كبير يكون جوان وش السلندر ..والموضوع يتلم على خير

[ramy_gamal]

لا السبب ممكن يكون جوان وش السلندر فقط أن شاء الله وليس تأكل في جسم وش السلندر والسبب ممكن يكون زيادة السخونة.
وعلي فكرة لو الوش بيهرب مية علي العادم هتلاقي البوجيهات عليها مية أو مرطبة وتقطع كتير وربنا معاك

الف شكر على ردك انا هبتدى فعلا ابص على البوجيهات الاول

العربية بتقطع معاك ازاي ؟ يعني وانت ماشي ودايس بنزين متقبلش زيادة البنزين والrpm يقع وبعد لحظة ثانيتين يعلي تاني ؟ولا ايه ؟ (في حاجة مشابهة في عربيتي ومقلق) جزاك الله خير ويسر لك تصليح العيب ده

ساعات الصبح وانا بسخن الاقى الموتور بيقطع كان الكويل بايظ بس اول ما امشى كان مفيش حاجه

رامى باشا ..ازيك
لا تقلق ان شاء الله خير ...احتمال كبير يكون جوان وش السلندر ..والموضوع يتلم على خير

ازيك يا احمد وحشنى كتير ... يا رب تخلص على خير

[ramy_gamal]

يا ترى لو رحت ل التوكيل بالمشكله دى يحلها ازاى ؟؟ انا عارف ان التوكيل مش بيصلح بيشيل ويحط جديد يعنى مفيش مخرطه والكلام دة ... يصلحها ازاى ؟

[medohai510]

أنا رأي تروح الأول لميكانيكي ممن الناس ألي أحنا عرفينهم أنهم ثقة وفاهمين كويس جداً في الرينو وشوف الكلام بتاعهم علي أية قبل ما تدخل التوكيل (الصراحة هتدفع كتير في التوكيل)

[shawkylotfy]

يا ترى لو رحت ل التوكيل بالمشكله دى يحلها ازاى ؟؟ انا عارف ان التوكيل مش بيصلح بيشيل ويحط جديد يعنى مفيش مخرطه والكلام دة ... يصلحها ازاى ؟

لو انت من اسكندرية روح لورشة سامح الهوارى فى ميامى شارع 45 داخلة كريدى اجريكول واسال على احمد موسى هما بيقفلوا الجمعة هما شغالين رينو بس وممتازيين

[ramy_gamal]

لو انت من اسكندرية روح لورشة سامح الهوارى فى ميامى شارع 45 داخلة كريدى اجريكول واسال على احمد موسى هما بيقفلوا الجمعة هما شغالين رينو بس وممتازيين

كويس انك لحقتنى انا كنت ناوى اروح النهاردة .....اخليها بكرة انشاء الله وكمان اساله على السائل اللى بيتحط على ميه القربه وبيسد اى تاكل فى وش السلندر ... لو حد عندة فكرة عن السائل دة يا ريت يفدنى عنه