سؤال لرجالة الداستر

[الصيداح]

سلام الله عليكم

رجالة الداستر واللي جربوها
كنت عايز أسأل عن حاجة معينة في العربية وهي العفشة
طبعا كلنا بنتغنى بعفشة الداستر وقوة تحملها ووو....إلخ
لكني أسأل عن مدى نعومتها ومدى الإحساس بالطريق والمطبات

أنا من مدة بسيطة ركبت تويوتا كورولا2007 وبعدها ركبت نوبيرا
وكان فرق السما والأرض في العفشة بصراحة في الكورولا مفيش الهوا لا مطبات ولا نقر ولا هبد
وتحس كأنك ماشي على حرير فبصراحة كانت حاجة جميلة طبعا على عكس النوبيرا اللي كان الهبد والإحساس بالطريق واضح جدا بالمقارنة بالكورولا

فإيه موقف نعومة عفشة الداستر من الموضوع ده؟
هل من الممكن أن نقارنها بنعومة الكورولا ولا مش للدرجة دي؟

وجزاكم الله كل الخير

[الصيداح]

شباااااااب....

[gogo2012]

سلام الله عليكم

رجالة الداستر واللي جربوها
كنت عايز أسأل عن حاجة معينة في العربية وهي العفشة
طبعا كلنا بنتغنى بعفشة الداستر وقوة تحملها ووو....إلخ
لكني أسأل عن مدى نعومتها ومدى الإحساس بالطريق والمطبات

أنا من مدة بسيطة ركبت تويوتا كورولا2007 وبعدها ركبت نوبيرا
وكان فرق السما والأرض في العفشة بصراحة في الكورولا مفيش الهوا لا مطبات ولا نقر ولا هبد
وتحس كأنك ماشي على حرير فبصراحة كانت حاجة جميلة طبعا على عكس النوبيرا اللي كان الهبد والإحساس بالطريق واضح جدا بالمقارنة بالكورولا

فإيه موقف نعومة عفشة الداستر من الموضوع ده؟
هل من الممكن أن نقارنها بنعومة الكورولا ولا مش للدرجة دي؟

وجزاكم الله كل الخير

انا ممكن اقارنهالك بالبولو او الجولف لانى جربت بالنسبه لنعومه العفشه الداستر انعم والعربيه كلما ارتفعت عن الارض قل الاحساس باهتزازات الطريق الناتجه من اى نتؤ بالارض

[stonecoldmido5]

ولا الهواء صعب تتقارن باي عربية تانية معلهش كأن حضرتك راكب جيب ليمتيد 2006 لاني جربتها كانت مع صاحبي و ده من اهم المزايا في العربية فحضرتك من الناحية دي اطمن و اللة انا ما ببالغ في النقطة دي

[الصيداح]

بسم الله ما شاء الله
تمام تمام ألف شكر لـgogo و stonecold شكرا لكم جزيلا
أصل بصراحة شعور جميل إنك تبقى ماشي في طرق مكسرة ومطبات وإنت مش حاسس بأي حاجة

[beeronasr]

عقبال ما نسألك انت كمان عليها يا استاذ الصيداح

[atefadel]

مفيش اي معلومات عن وقت نزول الشكل الداخلي الجديد من للداستر
واخبار التكيف اة مع السحب
واستهلاك البنزين كام في الصفيحة
وشكرا

[tamerosman]

نفس عفشة النيسان اكستريل

[الصيداح]

عقبال ما نسألك انت كمان عليها يا استاذ الصيداح

إن شاء الله مع السنة الجديدة
بقوللك يا غالي إنت ناوي عليها صحيح ولا ايه؟

[الصيداح]

مفيش اي معلومات عن وقت نزول الشكل الداخلي الجديد من للداستر
واخبار التكيف اة مع السحب
واستهلاك البنزين كام في الصفيحة
وشكرا

بالنسبة للشكل الجديد
رسميا مفيش أخبار
لكن أعتقد إنه هيكون مع بداية السنة الجديدة
لأن داتشيا نفسها أقصد المصنع الروماني سيعتمد هذه التعديلات على حسب كلام بعض المواقع الأجنبية مع بداية السنة الجديدة

[stonecoldmido5]

بسم الله ما شاء الله
تمام تمام ألف شكر لـgogo و stonecold شكرا لكم جزيلا
أصل بصراحة شعور جميل إنك تبقى ماشي في طرق مكسرة ومطبات وإنت مش حاسس بأي حاجة

الف شكر ليك يا استاذ الصيداح فعلا احساس ميتوصفش و خصوصا و انت داخل في بركة مية بقلب جامد و عقبال سيادتك

[stonecoldmido5]

مفيش اي معلومات عن وقت نزول الشكل الداخلي الجديد من للداستر
واخبار التكيف اة مع السحب
واستهلاك البنزين كام في الصفيحة
وشكرا

انا سألت التوكيل وقالولي لسه مش هينزل دلوقتي
التكيف ملهوش اي تأثير نهائي علي السحب حتي لو حضرتك محمل العربية كلها
استهلاك البنزين علي وضع 2wd جوه البلد حوالي 11 لتر في 100 كيلومتر
لو طريق طوالي حوالي 10 لتر في 100 كيلو متر
لو علي الوضع 4wd بيوصل لحوالي 13 لتر في 100 كيلو متر وده وفق تجربتي الشخصية و ليس من خلال الكتالوج .

[Land_Cruiser]

انا سألت التوكيل وقالولي لسه مش هينزل دلوقتي
التكيف ملهوش اي تأثير نهائي علي السحب حتي لو حضرتك محمل العربية كلها
استهلاك البنزين علي وضع 2wd جوه البلد حوالي 11 لتر في 100 كيلومتر
لو طريق طوالي حوالي 10 لتر في 100 كيلو متر
لو علي الوضع 4wd بيوصل لحوالي 13 لتر في 100 كيلو متر وده وفق تجربتي الشخصية و ليس من خلال الكتالوج .

هو حضرتك متأكد من الارقام دى و لا ده خطأ مطبعى؟ الطبيعى ان اللتر يعمل كيلومتر اكتر فى الطوالى عن جوه البلد و انا شايف حضرتك كاتب العكس

[stonecoldmido5]

هو حضرتك متأكد من الارقام دى و لا ده خطأ مطبعى؟ الطبيعى ان اللتر يعمل كيلومتر اكتر فى الطوالى عن جوه البلد و انا شايف حضرتك كاتب العكس

طيب سيادتك احنا بنتكلم في نفس الاتجاه طبيعي انها تستهلك لترات اكتر جوه البلد علشان النقلات اما في الطوالي حرقها بتبقي اقل علشان حضرتك بتعلق فترات طويلة
ع غيار واحد

[Land_Cruiser]

طيب سيادتك احنا بنتكلم في نفس الاتجاه طبيعي انها تستهلك لترات اكتر جوه البلد علشان النقلات اما في الطوالي حرقها بتبقي اقل علشان حضرتك بتعلق فترات طويلة
ع غيار واحد

انا اسف، يظهر ان اختلاف التعبير لخبطتنى و كده تمام :) استهلاك البنزين ده معدله حلو ما شاء الله و يا ترى حضرتك جربت مع تشغيل التكييف؟