الزجاج متنقر

[MohammedAladel]

السلام عليكم كل سنة وإنتم طيبين
بابا راح بالعربية الشغل وبعدين سابها قدام البنك ورجع بيها أنا أخدت الكارت وبصيت ع الزجاج وكانت المفاجأة الزجاج كله متنقر زى ما يكون واحد جاب مسمار وقعد ينحت فيه الزجاج كله بالحال دا والعربية من ع الجمب خدش بطول العربية كله ربنا يقطع إيده بركة الأيام المباركة اللى عمل كدا ويعوضنى خير المهم دلوقتى أعمل إيه مع الزجاج أنا نفسى أعرف إيه الغرض من اللى عمل كدا ؟؟؟

[byada10]

تلاقيك ركنت مكانه, اكتر حاجه مستفزه السايس اللى بيطلع من تحت الارض بعد ما تكون ركنت و حوار الخوازيق او العواميد فى الشوارع

[MohammedAladel]

طيب والحل ؟ ولا عادى أسيبه كدا

[Ahmed Selim]

لو هى مكان حكات مسمار يبقى ملهاش حل فى الإزاز غير التغيير.

و اللى فى جنب العربية ممكن يتلقط بقلم بوية.

ربنا يعوض عليكم.

[MohammedAladel]

هى مش حكات بالظبط اللى ماسك المسمار أكيد كان بيخبط بيه بشكل عامودى على الزجاج وسن المسمار رفيع هيبقى العزم عالى عند السن وبالتالى الزجاج بيتنقر مكان المسمار بحفرة صغيرة لجوا ع العموم أديه شغال معايا لحد ما يجيب آخره وربنا يعوض

[Ahmed Selim]

هى مش حكات بالظبط اللى ماسك المسمار أكيد كان بيخبط بيه بشكل عامودى على الزجاج وسن المسمار رفيع هيبقى العزم عالى عند السن وبالتالى الزجاج بيتنقر مكان المسمار بحفرة صغيرة لجوا ع العموم أديه شغال معايا لحد ما يجيب آخره وربنا يعوض

لو نازل القاهرة قريب فيه محلات مشهورة بتصلح شروخ الأزاز بس للأسف مش فاكر أسمها.

و لو عندك من المحلات دى جرب.........ممكن يكون لها صرفة علشان متتحولش لشرخ.