القول الفاصل فى شريط الإير باج

[MohammedAladel]

يعنى نقدر نقول إن العربية بتدور بتعمل فحص للشريط يمشى فيه التيار بعدين يروح منه ل الشريط مقطوع بتجبلنا الرسالة الحلوة
بعدين طول ما احنا ماشيين مفيش أى حمل غير على السلكتين بتوع مثبت السرعة لو كنت مشغله فقط

يعنى تقريبا مفيش أحمال عالية ولذلك هما حاطين سلك أى أى كلام

[jooadv]

مشكور على الموضوع الرائع
عندى نفس المشكلة ياريت حد يرشحلى حد يصلحهولى

[MohammedAladel]

لو كنت قريب منك كنت صلحته أنا وإنت

راجع الردود هتلاقى عضو أسمه sherif mohamed تواصل معاه ممكن يصلحهولك

[MohammedAladel]

ولو قرأت الموضوع بتركيز هتلاقيه بسيط بس لو ملكش فى الفك والتركيب ومعندكش طول بال بلااااااااااااااااااااااااش أحسن

[eng_ahmadkamal]

ياريت المساعدة

السلام عليكم أخ Shiref_mohamed
حقيقي مشكور على المجهود إللي حضرتك بتعمله, أنا عندي عربية ميجان 2006 وبعاني من نفس مشكلة شريط الإيرباج, بس أنا معنديش أي خبرة عشان أصلحه بنفسي, ياريت لو عندك أي فكره أصلحه فين لأن شريط الإيرباج ده فعلا مهم جدا.

مشكور مقدما وآسف على الإطالة

Ahmed Kamal
+201098899308
eng_ahmadkamal@hotmail.com

[MohammedAladel]

شوف يا باش مهندس ...... من الواضح إن حضرتك ما عندكش أستعداد تقرأ الموضوع .......كنت عرفت على الأٌقل إيه اللى بيحصل .........المهم دلوقتى غالبا مش هتلاقى حد برا هيصلحه بيغيروا باستيراد على طول أو جديد من التوكيل........... الأستاذ شريف محمد كان عارض إنه يصلحه ببلاش تواصل معاه على الخاص هو اللى عامل الموضوع دا

http://www.nilemotors.net/Nile/293085-a-2.html

[ecybrarian]

موضوع رائع كالعادة من موضوعاتك
لمن يسأل ممكن يشتري الفلاته Flat cable دي من اين...ممكن تلاقيها هنا
Search Results : RAM Electronics

[MohammedAladel]

شكرا يا هندسة يا كبير هو الشريط دا بيبقى موجود زيه فى الطابعات خصوصا طابعات إبسون


بس إنت مين اللى قال لك على الموقع التحفة دا بجد ربنا يخليك يا هندسة يا كبيييييييييييييير

[ecybrarian]

دا اهم واحد باشتري منه حاجات الاختراعات الفكسانة بتاعتي :-)

[MohammedAladel]

دا كمان عندهم كونكتور للشريط العادى اللى ب 5 سلوك Bridge Rectifiers : RAM Electronics

[MohammedAladel]

دا اهم واحد باشتري منه حاجات الاختراعات الفكسانة بتاعتي :-)

يا هندسة دا إنت سرك باتع قوى ههههههههههه معرفش حضرتك دارس كهرباء ولا كمبيوتر ولا اتصالات ولا ميكانيكا سيارات

[ecybrarian]

لا دي ولا دي..دي هواية من زماااااان ودراسة منزلية للإلكترونيات

[safi_seef]

الله ينور عليك

[AhmedSadek8]

السلاام عليكم ورحمة الله

أولا احب اشكر الاستاذ محمد على الموضوع
انا بجد مكنتش اعرف ان في ناس كتير بتفكر تعمل حاجتها بنفسها، بجد فرحتوني لان أنا أصلاً غاوي من زمان وملقيتش حد من اصحابي كده.
المهم أنا حصل معايا الموضوع ده بعد ما اشتريت العربية بشهرين وبعدين صلحته بنفسي وبقاله حوالي سنة دلوقتي الحمد لله تمام
أنا قرأت الموضوع كاملا ولي بعض التعليقات أود مشاركتها معكم :
أولاً: سبب انقطاع الشريط (من وجهة نظري) ليس جودة الشريط ولا الاتربة، لكن تآكل العلبة البلاستيك التي تحتوي على الشريط.
لو رجعنا للصور اللي حطها الاستاذ محمد هتلاقو ان العلبة دي عبارة عن قطعتين واحدة ثابتة في عمود الدريكسيون والتانية بتلف جواها وطالع منها الفيش. وفي وسطهم قطعة بلاستيك بيضاء مستديرة اللي بيلف الشريط عليها (برضو موجودة في الصور)
معلش هقتبس الصورة باتعت الاستاذ محمد اذا سمحلي


القطعة البيضاء دي فيها سنون ترس من ناحية وهناك أيضاً سنون ترس في القطعة الثابتة، وبين الاسنان دي والاسنان دي هتلاقو ترس صغير.
المفروض القطعتين الثابتة والدوارة بينهم خلوص يسمح بالدوران وفي نفس الوقت يفضل محافظ على الترس الصغير انه ما يطلعش من مكانه
مع الاستخدام يتآكل البلاستيك ويتحرر الترس الصغير وهنا يتوقف القلب البلاستيك الأبيض عن الدوران ولا يقوم بلم الشريط فبتحصل الكعبلة ثم القطع
اللي مخليني باقول كده ان انا لحمته مرة وركبته ورجع كعبل بعدها بيوم فقلت لازم اعرف سبب الكعبلة.
وبعد الفحص وصلت للي بقول عليه. لو مسكت العلبة بتاع الشريط، المفروض الجزء الدوار ينفع يلف يمين أو شمال لكن مش المفروض انه يتحرك لو حاولت تشده للخارج أو تدفعه للداخل
يعني لو مسكت العلبة بايدك الشمال والقطعة الدوارة بايدك اليمين وحاولت تشدهم من بعض المفروض انهم ما يبعدوش عن بعض ولو لمللي واحد
علشان كده أنا جبت اسطوانة بتاع كمبيوتر CD وصغرتها بالمقص ولزقتها بالامير داخل العلبة لتعوض التآكل اللي حصل للعلبة، تقريباً في الارضية بتاع القطعة الدوارة اللي فيها الفيش على ما أتذكر.
وعلى فكرة البلاستيك بتاع اسطوانة الكمبيوتر ناعم جداً فاحتكاكه ناعم جداً
وبعدين لحمت الشريط تاني، أنا بألحم بنفسي على فكرة، وقفلت العلبة والحمد لله من يومها للنهاردة تمام

ثانياً: جودة الشريط أنا شايف انها ممتازة، لو فضل الميكانزم اللي بيلف الشريط ويلمه شغال، الشريط ده هيفضل يلف ويتفرد عشرات السنين. مش هيتقطع

أما موضوع انه يستحمل ولا لأ، فبما اني مهندس الكترونيات أحب اقول انه فعلاً زي ما قال أحد الاعضاء الكرام أن العبرة بالتيار اللي بيمشي في السلك هو اللي بيحدد المساحة العرضية له Cross-section area بس اللي أحب أضيفه أن السلك ممكن يستحمل يمشي تيار اكثر من الطبيعي بس لفترة زمنية قصيرة، والمثال الشهير على كده، هو مانع الصواعق فوق المباني حيث يجتذب البرق ،وهو عبارة عن جهد عالي جداً استطاع أن يمر في الهواء، ثم يمرره من خلال اسلاك الى الارض.في الوضع الطبيعي، هذه الاسلاك لا تتحمل كمية التيار التي تمرره الى الارض.
ولذلك الاسلاك في الشريط أكثر من كافية لنقل التيار الى الايرباج في حالة الحادثة لا قدر الله
ومثبت السرعة لن يتعدى استهلاكه كام مللي امبير معدود ولو لاحظتم، الكلاكس مش بيستخدم الشريط خالص.

وفي النهاية أحب أشكر كل اللي ساهموا في الموضوع ده وأولهم صاحب المجهود الكبير الاستاذ محمد
تحياتي

[MohammedAladel]

بص حضرتك

أنا لما فكيت الشريط الترس الصغير الأبيض متثبت كويس فى مكانه .... فلنفرض إنه طلع من مكانه .. أعتقد إن الترس دا هيتكسر أو على ا لأقل سنونه هتبوظ

الترس محاط بشحم ولما فكيت كان حالة الشحم عليه كويسة وكان بيلف زى الحلاوة فى مكانه

هو بالفعل التراب مش هو السبب الجذرى لأنقطاع الشريط


أنا بقول برضه إن لسان الشريط الأسود البلاستيك لما بيتقطع بيكعبل الشريط وبيقطعه ودا سبب جذرى وواقعى جدا

بدليل إن لما بنفك بنلاقيه مكسور

فلنفرض إن السلك بيتشد بسبب كعبلة الترس اللى حضرتك تقصده ..... احتمال ممكن برضه بس على الأقل المفروض اللسان ميتكسرش

وأنا اللى لاحظته فى أكتر من شريط إن اللسان بيطلع مكسور ...... على العموم أنا مش فاكر قوى ميكانيزم الشريط لأنى عملت الموضوع دا من زمان شوية

أنا هفكه من جديد قريب وهشوف ......

السلك خامته عادية جدا وبعد ما بيتقطع مش بيستحمل التنيات وبيتقطع من جوا .... لكن هو العيب مش منه كسلك أو شريط

أنا بس كنت بقول على بدائل ليه زى شريط الطابعة أبسون وطبعا دلوقتى بقى فيه شريط شبيه ليه بيتباع بسعر زهيد برضه بس مش زى الاصلى سمكه أعلى شوية ومقاومتة للدوران هتبقى عالية شوية بس هيؤدى الغرض
من ضمن البدائل دى هو شريط من طابعة إبسون وذكرت الشريط اللى بيبقى فى السى دى

الناس قالت مش هينفع ومش هيستحمل .... قلتلهم لو على الأمبير والفولت ودرجة الحرارة فهو هيستحمل وهيبقى أحسن من الشريط اللى عندنا لكن أنا مقلتش إن الشريط اللى عندنا وحش كجودة توصيل مثلا
خصوصا إنه لو خد مكوة كويسة هيتبطط شوية ويقل سمكه

بس عايز حضرتك تفيدنى فى موضوع اللحام دا لأنى ميح فيه بصراحة لحمته أزاى يا باشا