عااجل الرد

[amr_salah]

انا عضو جديد في لوجان وياريت حد يفيدنى عن فطع غيارها اتوماتيك 2013 متوفره ورخيصه وخصوصا الاوتوماتيك ولا زي معظم الناس بيقولو هي اوروبية وقطع غيارها مش منتشره زي الكوري واليابانى والصيني مع العلم انا حجزت المقدم بتاعها في التوكيل فياريت تجوبونى بسرررعه قبل مادبس وانا مش عايز اشترى بروتون ساجا المعغنه والواطية على الارض


ياريت الرد بسرعه افيدونى

[khalid_adel]

متابع
بس راي انك مكنتش تشتم في عربيه ماحدش جاب سيرتها دلوقتي انت اسأل علي اللي انت عايزه بدون اشاره او شتيمه في غيرها

[S O P H O S]

متابع
بس راي انك مكنتش تشتم في عربيه ماحدش جاب سيرتها دلوقتي انت اسأل علي اللي انت عايزه بدون اشاره او شتيمه في غيرها

+111111111
خصوصا ان في ملاك للعربية دي ..

[amr_salah]

معلش غلطه مطبعيه معلش بس حد يرد عليا يا جماعه ارجو الرد عااجل

[amr_salah]

مفيش جديد يا جماعة بجد انا عايز اعرف من اصحاب اللوجان

[MohammedAladel]

من ناحية متوفرة فهى متوفرة اللوجان اساسا عربية شعبية ومنتشرة جامد مانيوال وأوتو

لو على قطع الغيار اطمن جدا وأسعارها كويسة كمان

بس أنا بعتبر فليوانس و ميجان بس عربيات رينو الاوربية فى مصر

أما لوجان فهى داتشيا


وللعلم الكورى قطع غياره مش رخيصة ولا حاجة

دا واحد فى قسم هيونداى سأل على طنابير الفيرنا الأصليين ب 1000 معرفش بالضريبة ولا من غير

ناهيك عن التوكيل اللى ما شفتش حد شكر فيه غبور أوتو

[MohammedAladel]

وبالنسبة للساجا فهى موتورها أًصغر من اللوجان الأوتو وقرأت فى قسم بروتون عن إن استهلاكها عالى شوية بالنسبة لمحرك 1300 بس بصراحة عربيات بروتون شكلها محترم وعصرى وهى فخر الصناعة الإسلامية فى السيارات

[amr_salah]

متشكر جدا على الرد بس انا غلط في ساجا بس فعلا عربيه ضيقه وي واطيه وقطع غيرها زي لوجان كده بس انا اقتنعنت باللوجان افضل من بروتون ساجا وللاسف انا غلط وبعتذر

[MohammedAladel]

ههههه تعتذر عشان غلطت فى العربية ؟؟؟؟؟ كل واحد حر فى رأيه فى اى عربية بس العيب هو الغلط نفسه

أنا لما علقت على العربية مش قصدى أنى أقول إن حضرتك غلطت لا والله أنا فعلا شايف إن بروتون ماركة كويسة فى العربيات لا أكتر ولا أقل

ولك حرية الرأى تقول لوجان وحشة لوجان مرجيحة ميجان مش عربية كل عادى دى وجهات نظر فى سلع أحنا بنشتريها

يعنى أنا شخصيا اللوجان والساجا عربيتين لا أعير لهم ألتفاتا

[amr_salah]

انا شايف ان العربيه بجميع الكماليات والسعر دا تحفففه دا كفاية فيها نظام امبوليزر عشان الامان مش موجوده في االفيرنا والساجا فيما اعتقد

[khalid_adel]

انا ارشحلك اللوجان اوتو الجديده
بس قلقي الوحيد منها هو استهلاك البنزين اخباره ايه خاصه اننا داخلين علي رفع دعم وقرف وانا مثلا مشواري في اليوم حوالي 100كم والبنزين يفرق معايا اوي

[MohammedAladel]

الموتور هيبقى متوسط الاستهلاك هو تقريبا نفس موتورز الميجان !! والفليوانس !!! والله أعلم بس جسم العربية صغير شوية

فورميلاتور ( عضو مخضرم فى السيارات هنا ) قال إنه ركب سانديرو أوتو وهى نفس محرك وفتيس لوجان اوتو لكن حس بإن سحبها أٌفل وعزمها فى التسارع أ قل من ميجان 2