ايه حكاية فتيس الفلوانس ؟؟

[Mohab.Nabil]

ومتشكر جدا لتعب حضرتك معايا بجد انتو ناس فوق الوصف الواحد من غير المنتدى وخبرات الاعضاء كان زمانه مبيفهمش حاجة ف العربيات :)

العفو يا باشا على ايه ؟ الواحد استفاد من المنتدى هنا كتير برضه و اتعلم كتير منه و لسه بيتعملن و ان شاء الله ربنا يكرمك بالعربية و تعجبك و تفيد الاعضاء اللى عايزين يشتروها بعد كده بتجربتك معاها

[mo7elmy]

العربية دى ممتازة وموضوع النتشة دى حاجة بسيطة يعنى لو فيه كلمة اخف من نتشة كنا قلنا عليها الكلمة دى..... الحاجة التناية بخبرتى البسيطة فى العربية لانها معايا بقالها اسبوع .... هى فعلا حسب دوسة رجلك على البنزين لانى احيانا احس بيها فى نفس الشارع الى محستش بيها فيه .... والى يخلينى بحس بيها دلوقتى ان العربية طلعتها تقيلة عشان انا لسه فى 125 كيلو ودة الى عرفته ان العربية هتكون تقيلة فى اول 3000 كيلو زى ما الكتالوج بيقول....وعشان كدة انا بحاول ادوس حبة زيادة عشان اتغلب على التقل دة وهنا بحس بيها بس.... انما مجملا عربية محترمة جدا..... وش هتلاقى الفخامة دى والشياكة دى والامكانيات دى بالسعر دة..... بس لو لحقت التمن الى جبنا بيه يبقى مبروك مبروك

[ahmed_hanafi]

انا معايا العربية من حوالي اسبوعين وبصراحة بسم الله ما شاء الله عربية محترمة جدا
موضوع النتشة دة زي ما كل الاعضاء قالوا سعات تحس بيه وساعات لأ وهو اصلا موضوع لا يذكر وكتير اوي مش بحس بيه
وعموما معظم الاوروبي فيه النتشة دي بس بتختلف من عربية للتانية

[Ahmed Selim]

طب بالنسبة للطارق بتااع الكيا يتهيألى برضو موزع رينو تقريبا ممكن اعمل تست درايف عندو
مش عارف والله اشكرك ازاى على كلامك ده الواحد هنا كل يوم بيكتشف مدي احترام وتعاون الناس هنا
منا برضو كنت بقول ده بيثبت وده بيحدد بس كنت عاوز اتأكد بس :d

على ما أعرف أن الموزع مش هيكون عنده عربية تجارب

اللى هتلاقي فيه أكيد هو التوكيل و ممكن أحد معارضه...........بيبقى معرض بيحمل إسم و علامة رينو بس.............لكن الطارق و محمد ذكي و عربيات..........ما أعتقدش.

[Ahmed Amin]

مع أحترامي لرأيك و ده شئ يرجعلك طبعاً

بس أنا معايا عربيتين ميجان.......2005 فى مصر و 2007 فى الإمارات نفس الفتيس

اللى فى مصر كنت ماشي بيها 112 ألف كم قبل ما أسافر و اللى هنا ماشي بيها 122 ألف لحد دلوقتي...........مفيش مشاكل حصلت فى الأتنين خلت العربية متنقلش مثلاً أو متمشيش.....و لو عاوز الحق لو مش هنعتبر مشكلة النتشة بين الأول و التاني مشكلة يبقى الأتنين محصلش فيهم مشاكل خالص..............يبقى تاريخ أسود دى كلمة كبيرة شويتين.

معظم الأخوة اللى حصل معاهم مشاكل فى فتيس ميجان هنا كانو جايبين العربية مستعملة.....و معظمهم مش عارف تاريخها أيه بالظبط........يبقى مينفعش نحكم.

باقى الأعضاء اللى كانو شاريين من الزيرو مسمعتش حد منهم حصل معاه مشكلة فى الفتيس.

أستاذ أحمد واضح أن كلامك مفهوش أي نوع من الحيادية يعني معني كلامك بما أنك لو جايب العربية زيرو مش هيبقي فيها أي مشكلة, واللي جايب مستعمل بس هوا اللي عنده مشاكل.؟

وأنا مع أني مالك للعربية في يوم من الأيام بس بتكلم بحيادية.. عشان أفيد غيري بتجربتي قبل ما يشتري ودي فايدة المنتدي,

وحضرتك مكتوب أنك مشرف, يعني تعرف وقريت مواضيع أكتر مني عن المشاكل والأستفسارات, فإزاي يبقي ردك مش محايد كدا

العربية سواء كنت جايبها "جديدة" او "مستعملة بتاريخ غير معروف" فيها مشكلة في الفتيس واللي كان بيبعها وهيا كسر زيرو باعها عشان مشكلة الفتيس,,
والمشكلة معروفة عند كل الناس ولو قلت غير كدا تبقي غير محايد, ومش بسوء لسمعتها هيا مش محتاجة أني أتكلم عليها بحلو او وحش أنا بقول اللي أعرفه من واقع التجربة العملية وممكن تراجع مواضيع المنتدي عشان تتأكد أكتر.

وبالمناسبة انا ليا 3 أصحابي في الأمارات في دبي تحديدا وجابو ال 307 وهيا زيرو وجم باعوها في مصر عشان مشكلة الفتيس..
يعني مفيش فرق بين مصر والأمارات..

فانت ممكن تكون واحد من المحظوظين اللي عنده عربية مفهاش مشاكل, وهناك وهنا كمان

بالمناسبة النتشة الشهيرة مش موجودة فى ميجان و بيجو بس........كانت موجودة فى استرا الجيل اللى فات و مش فاكر فى أيه تاني.

و فكرة أنك بتحس بهبدة لو هديت قبل ما تنقل علشان تعدى مطب.......هى ممكن متكونش ظريفة بالنسبة لناس كتير........بس خليني أسألك على حاجة تانية....أمشي بسرعة و خليك كابس على دواسة البنزين و بعد كده شيل رجلك فجأء و شوف اللى هيحصل.

مش ظريفة لكل الناس.. مش لناس كتير بس,
أنك تلاقي عربية ساعات تدب أو تهبد وساعات لأ دي حاجة مش حلوة بس أدينا بنتعايش معاها,

وطبعاً في فرق كبير ما بين أنك تقارن اللي بيحصل لما تكون ماشي علي غيار وتقرص عليه بعدين تشيل رجلك مرة واحدة والعربية تكن لورا او تكلبش ودا طبيعي جدا طبعاً قبل ما تنقل,,
وفرق ما بين ان العربية تنقل غيار في وقت النقلة تهبد او ترزع رزعة تحت رجليك.
أنت بتقارن حاجتين بعاد عن بعض.

هتلاقي العربية كلبشت معاك جامد كأنك دوست على الفرامل دوسة خفيفة.......و ده علشان العربية بتحاول تنقل نقلة أقل لأنها بتعتبر أن الحالة دي حالة طارئة و ممكن تكون محتاج تفرمل جامد......و هى كده بتعمل engine brake علشان تساعد فى الفرامل.

والكلبشة دي بتكون قبل النقلة الأقل بالمناسبة, فمش بتعتبر Engine Brake
حاجة غير النتشة والرزعة.

لو هتبص على الموضوع ده من ناحية الراحة هتلاقيه مش حلو.........و لو بصيت من ناحية الأمان هتلاقيها حاجة هايلة

طبعاً أحنا مش بنتكلم عال راحة دلوقتي, بنتكلم عن نتشة الفتيس وروح العربية
بس انا معاك ومؤيد للرأي دا, انا لما حد بيسألني عن العربية بقولو حلوة ومريحة وأمان بس الفتيس مش حلو ودا هيقرفك..

أخر حاجة.........الموضوع اللى أنت حطيته.......أنزل لأخر الموضوع و شوف ردود الناس على العضو أيه.

العضو دخل عمل الموضوع بعضوية doda426 و الناس ردت عليه عادي
و بعد كده دخل هو رد تاني بعضوية تانية sameh123t و بيرد على نصايح و أسألة الأعضاء اللى كانت موجهة للعضوية الأولى

و بعد كده سألته هو هو صاحب العربية ولا لأ..........مردش

و بعد كده عضو تاني مشكوراً لقى موضوع للعضوية الأولى فى قسم فولكس بنفس الصيغة بالظبط..........كلمة كلمة حرف حرف......ما عدا الكيلومتر و العربية باقلها أد أيه معاه.

مشكله في فتيس الفلوانس
مشكله في فتيس ال جيتا 2007

نفس المشكلة فى عربيتين مختلفتين تماماً و مفيش أى علاقة بينهم و بين بعض و عند نفس الشخص ؟؟؟!!!!

و لما الأعضاء سألوه برضه مفيش من رد لحد دلوقتي.

بصراحة دي حاجة غربية, بس دا ميمنعش أنو ممكن يكون عنده مشكلة فعلاً ومروش
أو زي ما أنتم مفكرين دلوقتي أنو بيحاول يسوء لسمعة العربية
والموضوع دا انا لما قريته حبيت أشارك بيه واحد لسه بياخد قرارة,
يعني لا أعرف صاحب الموضوع ولا ليا مصلحة في أنه يشتري فلوانس ولا ميشتريش.
فانا اكيد يعني مش هفتش ورا صاحب كل موضوع في مشاركاته أشوف هوا أصلي ولا بيسوء.

أنا كان ردي في الأساس اني أوصل لصاحب الموضوع ان الفتيس فيه نتشة قبل ما يشتري عشان يبقي علي نور وكلكم أجمعتو عليها في مشاركات تانية في الموضوع دا..
وكل واحد بأيدة الأختيار.

وأنا مش من الناس اللي بتحب تخلي سمعة عربية حلوة ولا وحشة, أنا لما حد بيسألني أيه رأيك في بيجو أو رينو بقوله حلوة ومريحة وأمان بس فتيس مقرف..

بيبدأ بنتشة ودا اللي بيحصل.. وبينتهي بطقم سيلونيد فالف وساعات شنابر.
غير كدا العربية ممتازة.

بيجو بالمناسبة عدلت الفتيس في موديلاتها الأخيرة ال 508 وال 3008 لفتيس 6غيار اوتوماتيك عادي مش سيستم بورش زي اللي عندي اللي فيه مشاكل,
مش عارف رينو ليه معتدمتوش في الفلوانس الجديدة بما أنهم كانو منزلين نفس الفنيس مع بعض في الموديلات القديمة.

بالتوفيق

[Ahmed Amin]

حضرتك بتتكلم عن الفلوانس؟؟ معلش حضرتك مش موضح نوع العربية اللى بيحصل فيها الرزعة إن كانت رينو ام بيجو
وبعدين ياريت حضرتك تراجع الموضوع اللى حضرتك بتدلل به على كلامك فى اخر ردك

أه بتكلم عن الفلوانس..
وانا وضحت ان الرزعة دي موجودة في بيجو ورينو
أكتر موديلين كان فيهم المشكلة دي بيجو 307 والرينو ميجان
والفتيس في البيجو الكود بتاع al4 وفي الميجان dp0
الأتنين تيبيكال نفس الفتيس سيستم بورش ونفس الأجزاء الميكانيكية والهيدروليكية, الفرق بس في الكود التعريفي.

والمشكلة بتبدأ بنتشة والعربية لسه جديدة ما بين الأول والتاني, بيليها تأكل في قواعد الفتيس الكاوتش نتيجة النتشة الغير مظبوطة, وتلف في السلونيد فالف مع الوقت بسبب النتشات دي.

الموضوع اللي انا دللت بيه انا معرفش صاحبة ودا ميمنعش أنو ممكن يكون عنده مشكلة
أو فعلاً ممكن يكون بيسوء من سمعة العربية وأنا ضد دا.
فأنا راجعت الموضوع دلوقتي ومتهيألي أنو مش مش مظبوط,

بس انت كفاية ان كلامك أأكد تاني أن الفتيس به مشكلة

وأحب أقول للأخ صاحب الموضوع من واقع تجربتى القصيرة جداً وتجارب ناس معاها العربية من سنين إن كل الموضوع هو نتشه بسيطة تحدث أو تشعر بها بين الأول والثانى احياناً

فأنت كدا كلامك أكد كلام العضو اللي كان عنده مشكلة,
وانا مش بسوء أو بقلل من قدر العربية, بس بكلم واحد بحيادية قبل ما يشتري عشان يبقي عارف اللي ليها واللي عليها.

ولصاحب الموضوع الأختيار والتوفيق بعد ما يسمع رأي الناس

[Ahmed Amin]

يا باشا مع احترامى لحضرتك برضو انا مجرب الفلوينس و عندنا فى البيت مش بقول كلام فى الهو يعنى و عارف العربية فيها مشكلة ولا لا و مليش اى مصلحة ان العضو يجيب فلوينس او ميجيبش و اكيد مش هعمل بمبدأ انى لبست العربية الوحشة فعايز البس الناس معايا ! .. فتيس الـ 307 و الـ c4 معروف انه فى الاجيال القديمة فيه مشكلة و اى حد من الاعضاء بيسألنى فى قسم ستروين بقوله الموضوع ده مع انى مش مجربه فعلا لأن الـ c4 بتاعتى مانيوال بس بقوله من باب الاحتياط و من المعلومات اللى اعرفها و على فكرة الـ c4 الـ facelift و الـ 308 مشفتش حد بيشتكى من نفس مشاكل اللى كانت بتحصل فى الـ 307 و الـ c4 زى ما حاصل مع الميجان و الفلوينس كده .. ناس كتير جدا اشتكت من فتيس الميجان بس تقريبا محدش اشتكى من فتيس الفلوينس الا موضوع وحيد

دا كلام مية مية وبكل حيادية من الأخر..
أحييك وأحترمك عليه.

عندي تعليق صغير عال حتة دي

و اكيد مش هعمل بمبدأ انى لبست العربية الوحشة فعايز البس الناس معايا !

في ناس ممكن يبقي تفكيرها كدا بس دول مش كتير والله أعلم,
بس الأكتر ان اللي بيبقي عنده عربية بيحب يشكر فيها أنها أحسن عربية حتي لو فيها عيب بيداري عليه,

ولما يجي حد عشان يسأله قبل ما يدفع تحويشة عمرة فعربية عشان يعرف اللي ليها واللي عليها, يداري عال عيبها ويفضل يقوله علي كل مزاياها من غير ما يذكر أي عيب فيها.

تحياتي لك.

[Ahmed Amin]

فيه سؤال مهم برضو عايز اسألو هل فعلا فتيس الميجان 2 هو هو فتيس الـ 307 ؟

اللى انا اعرفه ان بيجو و ستروين شركاء و العربيات تقريبا واحدة يعنى الـ c4 نسخة من الـ 307 و معظم قطع الغيار بتركب فى العربيتين واحدة

بس هل رينو فعلا فيه اجزاء مشتركة بينها و بين بيجو ؟

أه الفتيس هوا هوا اللي في البيجو الكود بتاع AL4وفي الميجان DP0
الأتنين تيبيكال نفس الفتيس سيستم بورش ونفس الأجزاء الميكانيكية والهيدروليكية, الفرق بس في الكود التعريفي.

عشان كدا تلاقي الرزعة دي أو المشكلة دي موجودة في الموديلين دول.
أكتر موديلين كان فيهم المشكلة دي بيجو 307 والرينو ميجان.

والمشكلة بتبدأ بنتشة والعربية لسه جديدة ما بين الأول والتاني, بيليها تأكل في قواعد الفتيس الكاوتش نتيجة النتشة الغير مظبوطة, وتلف في السلونيد فالف مع الوقت بسبب النتشات دي.

مش عارف في أجزاء أيه ميكانيكة أو كهربائية مشتركة ولا لأ, لأن كل مشكلتي في الفتيس بس عشان كدا بدخل في قسم الرينو أشوف لو حد حلها ولو حلها بشوف أزاي لأن اللي عنده بيمشي عندي.

وفعلاً قطع غيار بيجو وستروين بتتعمل في مصنع واحد بس رينو مش معاهم في دي علي حد علمي مع أن في أجزاء ميكانيكة وكهربائية مشتركة بينها وبين البيجو
وبتلاقي قطع غيار بيجو الأصلية لما تشتريها عليها علامة البيجو وستريوين والمصنع أسمه PSA
PSA Peugeot Citroën - Wikipedia, the free encyclopedia

[Ahmed Amin]

صاحب الموضوع لا تتعب نفسك ولا تفعد تتخيل روح اعمل تست درايف في التوكيل او تجربها في العربيه اللي هتشتريها . الموضوع عباره عن هزه خفيفه بتحصل في الغيار الاول . جرب بنفسك وماتسيبش ناس مغرضه اهدافها مشبوهه تديك راي . الشخص اللي كاتب الرد الغريب بص في مواضيعه وردوده السابقه وانت تعرف انه مش بيكتب علشان ينصحك .
حاجه تانيه , في اكتر من عضو موديل عربياتهم 2010 وبسم الله ماشاء الله ربنا يحفظها لهم محدش اشتكى من ان موضوع الفتيس تطور والمشكله بقت اكبر وده يثبت الكلام اللي الاخوه قالوه .

ناس مغرضة وأهدافها مشبوهة..
فكرتني بأيام التحرير والطرف التالت.

بعدين بتقول...

الموضوع عباره عن هزه خفيفه بتحصل في الغيار الاول .
.

شكراً علي تأكيد المعلومة..

[Ahmed Amin]

وهل العربية فيها اي ملحوظة تانية ولا لا يعنى لو جبت المانيوال مش هلاقى حاجة تزعلنى ف العربية
ومنكلام بعد الاعضاء ان فى ناس بتحس بيها وناس قليل وكده مش ثابتة فكنت عايز اعرف يعنى العربية بتنتش جامد وبتضايق ولا لو واحد مركز معاها هياخد باله هو الموضوع فعلا عايز تجربة عشان تبان اوضح ومدام الموضوع متطورش لاى حاجة تانية يبقى احسن حاجة والدى يجربها لو لقى الموضوع ده مش هيأثر معاه ف حاجة يبقى كان بها مكانش يبقى خلينا على المانيوال والف شكر لكل اللى شاركو ف الموضوع لانى بجد وضحت الصورة قدامى

أخر نصيحة مني ليك لو هتجيبها العربية ممتازة بس لو هتجيبها مانيوال لو كان فيه منها مانيوال..
لكن لو هتجيبها أوتو أنت وحظك لو لاقيت النتشية فيها, وعلي تأكيد كلام ناس كتير في الموضوع دا هتلاقيها بنسبة كبيرة.. وهتبدأ معاك بنتشة ودا مش طبيبعي في أي فتيس أوتوماتك والنتشية دي بتحمل عال قواعد الكاوتش فبتتأكل وعلي صيانة ال 60 هتلاقي نفسك عايز تغير سولونيد فالفات أو طقم شنابر لأنها بتبدأ بنتشة وبتنتهي برزعة..
نفسي سيناريو الميجان بالظبط.
غير كدا العربية ممتازة وربنا يوفقك في الأختيار..

[Ahmed Selim]

أستاذ أحمد واضح أن كلامك مفهوش أي نوع من الحيادية يعني معني كلامك بما أنك لو جايب العربية زيرو مش هيبقي فيها أي مشكلة, واللي جايب مستعمل بس هوا اللي عنده مشاكل.؟

وأنا مع أني مالك للعربية في يوم من الأيام بس بتكلم بحيادية.. عشان أفيد غيري بتجربتي قبل ما يشتري ودي فايدة المنتدي,

وحضرتك مكتوب أنك مشرف, يعني تعرف وقريت مواضيع أكتر مني عن المشاكل والأستفسارات, فإزاي يبقي ردك مش محايد كدا

العربية سواء كنت جايبها "جديدة" او "مستعملة بتاريخ غير معروف" فيها مشكلة في الفتيس واللي كان بيبعها وهيا كسر زيرو باعها عشان مشكلة الفتيس,,
والمشكلة معروفة عند كل الناس ولو قلت غير كدا تبقي غير محايد, ومش بسوء لسمعتها هيا مش محتاجة أني أتكلم عليها بحلو او وحش أنا بقول اللي أعرفه من واقع التجربة العملية وممكن تراجع مواضيع المنتدي عشان تتأكد أكتر.

وبالمناسبة انا ليا 3 أصحابي في الأمارات في دبي تحديدا وجابو ال 307 وهيا زيرو وجم باعوها في مصر عشان مشكلة الفتيس..
يعني مفيش فرق بين مصر والأمارات..

فانت ممكن تكون واحد من المحظوظين اللي عنده عربية مفهاش مشاكل, وهناك وهنا كمان





مش ظريفة لكل الناس.. مش لناس كتير بس,
أنك تلاقي عربية ساعات تدب أو تهبد وساعات لأ دي حاجة مش حلوة بس أدينا بنتعايش معاها,

وطبعاً في فرق كبير ما بين أنك تقارن اللي بيحصل لما تكون ماشي علي غيار وتقرص عليه بعدين تشيل رجلك مرة واحدة والعربية تكن لورا او تكلبش ودا طبيعي جدا طبعاً قبل ما تنقل,,
وفرق ما بين ان العربية تنقل غيار في وقت النقلة تهبد او ترزع رزعة تحت رجليك.
أنت بتقارن حاجتين بعاد عن بعض.


والكلبشة دي بتكون قبل النقلة الأقل بالمناسبة, فمش بتعتبر engine brake
حاجة غير النتشة والرزعة.


طبعاً أحنا مش بنتكلم عال راحة دلوقتي, بنتكلم عن نتشة الفتيس وروح العربية
بس انا معاك ومؤيد للرأي دا, انا لما حد بيسألني عن العربية بقولو حلوة ومريحة وأمان بس الفتيس مش حلو ودا هيقرفك..




بصراحة دي حاجة غربية, بس دا ميمنعش أنو ممكن يكون عنده مشكلة فعلاً ومروش
أو زي ما أنتم مفكرين دلوقتي أنو بيحاول يسوء لسمعة العربية
والموضوع دا انا لما قريته حبيت أشارك بيه واحد لسه بياخد قرارة,
يعني لا أعرف صاحب الموضوع ولا ليا مصلحة في أنه يشتري فلوانس ولا ميشتريش.
فانا اكيد يعني مش هفتش ورا صاحب كل موضوع في مشاركاته أشوف هوا أصلي ولا بيسوء.

أنا كان ردي في الأساس اني أوصل لصاحب الموضوع ان الفتيس فيه نتشة قبل ما يشتري عشان يبقي علي نور وكلكم أجمعتو عليها في مشاركات تانية في الموضوع دا..
وكل واحد بأيدة الأختيار.

وأنا مش من الناس اللي بتحب تخلي سمعة عربية حلوة ولا وحشة, أنا لما حد بيسألني أيه رأيك في بيجو أو رينو بقوله حلوة ومريحة وأمان بس فتيس مقرف..

بيبدأ بنتشة ودا اللي بيحصل.. وبينتهي بطقم سيلونيد فالف وساعات شنابر.
غير كدا العربية ممتازة.

بيجو بالمناسبة عدلت الفتيس في موديلاتها الأخيرة ال 508 وال 3008 لفتيس 6غيار اوتوماتيك عادي مش سيستم بورش زي اللي عندي اللي فيه مشاكل,
مش عارف رينو ليه معتدمتوش في الفلوانس الجديدة بما أنهم كانو منزلين نفس الفنيس مع بعض في الموديلات القديمة.

بالتوفيق

أولا أتهامك لي بعدم الحيادية غير مقبول على الإطلاق......أن مش هخدع ناس علشان يشترو العربية لأن الموضوع ده مش هيفيدني بأي أفادة من أى ناحية.

ثانياً أنا مش مشرف أنا لقبي إستشاري رينو......يعني تقدر تقول كده أن الإدارة شايفاني من أكتر الناس اللى بتفهم في رينو و بتفيد الناس فى المنتدى..........جايز يكونو صح و جايز يكونو غلط............بس الواحد بيحاول.

ثالثاً لو فهمت الكلام اللى أنا كتبته صح مكنتش قولت كده....

أنا قولت بالحرف "معظم الأخوة اللى حصل معاهم مشاكل فى فتيس ميجان هنا كانو جايبين العربية مستعملة.....و معظمهم مش عارف تاريخها أيه بالظبط........يبقى مينفعش نحكم."

ده مش معناه أن مفيش ولا واحد جاب العربية زيرو محصلش معاه مشكلة فتيس
و مش معناه أن كل اللى جاب مستعمل حصل معاه.

أنا بتكلم على عينة من الناس موجودة فى المنتدى.

رابعاً...........لما تقول على النتشة دى هبدة يبقى فيه حاجة غلط..........اللى أنا بتكلم عليها نتشة مش هبدة..............هبدة دى يعني رزعة فى الفتيس مع صوت عالي بيصاحبها......دى مشكلة.
النتشة اللى موجودة و اللى أنا بقول عليها بتبقى بين الأول و التاني بس.........و بتفرق حسب دوسة البنزين......و بعض الأعضاء اللى معاهم فليونس أكدوا على كلامي فى الموضوع ده.

خامساً كون أن 3 من أصحابك حصل معاهم مشكلة فى 307 جايبنها من الإمارات و نزلو بيها مصر دى حاجة مؤسفة طبعاً...............مع العلم أن أنا ليا واحد صاحبي نزل فى 2011 من الإمارات بعربيته ال 307 موديل 2006 على ما أذكر و العربية لسه معاه لحد دلوقتي و مش بيشتكي من الفتيس....................غير العربيتين الميجان اللى معايا اللى جايب ال 2005 زيرو و جايب ال 2007 مستعملة ماشية 86 ألف كيلو...... دى عربية المدام مش عربيتي.......يعني لو كان فيها مشاكل مكنتش جبتها علشان وجع الدماغ..............غلا بقى لو أنا غاوي مصاريف.

بالمناسبة قبل سفري للإمارات رفعت عربيتي فى جراج فى مصر و ما زلت محتفظ بيها............تفتكر لو العربية تعباني كنت هحتفظ بيها ولا كنت خلصت منها ؟

سادساً المحظوظين أمثالي اللى محصلش معاهم مشاكل فى الفتيس كتير فى المنتدى على فكرة

سابعاً أنا سوقت بدون مبالغة حوالي 65 موديل مختلف من العربيات.....يعني ميجان 2005 و 2007 مش معتبرهم موديلين مختلفين.........لأ موديل واحد.
و فيه عربيات منهم بأضعاف سعر الميجان.....و أمتلكت بعضهم بأضعاف سعر الميجان و الفليونس فى الأمارات.....و تقدر تراجع قسم تجارب القيادة علشان تاخد فكرة عنهم.
غير كده أنا و الحمد لله تم إختياري لعمل إختبار قيادة (مدفوع الأجر مش رايح أعمله ببلاش) لصالح موقع سيارات عربي معروف و تم نشره فى موقعهم على الأنترنت و كان لبعض سيارات فولكس موديلات 2013.........و ممكن أبعت الموقع على الخاص للي يحب.
عربيتي الحالية ياباني 6 سلندر.

مش بقول كده علشان أشكر فى نفسي ولا أتفاخر لا سمح الله.............لأ بقول كده علشان الناس تعرف أن الميجان بالنسبة لى مش أختراع و تعرف أن فيه جهات معينة بتثق فى تقييمي للعربيات......و بتديني فلوس على كده.

ثامناً الأسترا كان فيها نفس المشكلة بتاعة النتشة و الفورد الفييستا الجديدة فيها مشكلة مشابهة..........دول اللى فاكرهم دلوقتي
و مش معنى كده أنهم وحشين.............لأ طبيعة عمل الفتيس كده...........و فيه ناس مش قادرة تتأقلم معاه كده.

أخيراً......أنا هعمل تقرير مشاركة سيئة على مشاركتك لأني لا أقبل بهذا الأسلوب و لا بالتشكيك فى مصداقية كلامي و أتهامي بالتحيز.

[Ahmed Amin]

أولا أتهامك لي بعدم الحيادية غير مقبول على الإطلاق......أن مش هخدع ناس علشان يشترو العربية لأن الموضوع ده مش هيفيدني بأي أفادة من أى ناحية.

ثانياً أنا مش مشرف أنا لقبي إستشاري رينو......يعني تقدر تقول كده أن الإدارة شايفاني من أكتر الناس اللى بتفهم في رينو و بتفيد الناس فى المنتدى..........جايز يكونو صح و جايز يكونو غلط............بس الواحد بيحاول.

ثالثاً لو فهمت الكلام اللى أنا كتبته صح مكنتش قولت كده....

أنا قولت بالحرف "معظم الأخوة اللى حصل معاهم مشاكل فى فتيس ميجان هنا كانو جايبين العربية مستعملة.....و معظمهم مش عارف تاريخها أيه بالظبط........يبقى مينفعش نحكم."

ده مش معناه أن مفيش ولا واحد جاب العربية زيرو محصلش معاه مشكلة فتيس
و مش معناه أن كل اللى جاب مستعمل حصل معاه.

أنا بتكلم على عينة من الناس موجودة فى المنتدى.

رابعاً...........لما تقول على النتشة دى هبدة يبقى فيه حاجة غلط..........اللى أنا بتكلم عليها نتشة مش هبدة..............هبدة دى يعني رزعة فى الفتيس مع صوت عالي بيصاحبها......دى مشكلة.
النتشة اللى موجودة و اللى أنا بقول عليها بتبقى بين الأول و التاني بس.........و بتفرق حسب دوسة البنزين......و بعض الأعضاء اللى معاهم فليونس أكدوا على كلامي فى الموضوع ده.

خامساً كون أن 3 من أصحابك حصل معاهم مشكلة فى 307 جايبنها من الإمارات و نزلو بيها مصر دى حاجة مؤسفة طبعاً...............مع العلم أن أنا ليا واحد صاحبي نزل فى 2011 من الإمارات بعربيته ال 307 موديل 2006 على ما أذكر و العربية لسه معاه لحد دلوقتي و مش بيشتكي من الفتيس....................غير العربيتين الميجان اللى معايا اللى جايب ال 2005 زيرو و جايب ال 2007 مستعملة ماشية 86 ألف كيلو...... دى عربية المدام مش عربيتي.......يعني لو كان فيها مشاكل مكنتش جبتها علشان وجع الدماغ..............غلا بقى لو أنا غاوي مصاريف.

بالمناسبة قبل سفري للإمارات رفعت عربيتي فى جراج فى مصر و ما زلت محتفظ بيها............تفتكر لو العربية تعباني كنت هحتفظ بيها ولا كنت خلصت منها ؟

سادساً المحظوظين أمثالي اللى محصلش معاهم مشاكل فى الفتيس كتير فى المنتدى على فكرة

سابعاً أنا سوقت بدون مبالغة حوالي 65 موديل مختلف من العربيات.....يعني ميجان 2005 و 2007 مش معتبرهم موديلين مختلفين.........لأ موديل واحد.
و فيه عربيات منهم بأضعاف سعر الميجان.....و أمتلكت بعضهم بأضعاف سعر الميجان و الفليونس فى الأمارات.....و تقدر تراجع قسم تجارب القيادة علشان تاخد فكرة عنهم.
غير كده أنا و الحمد لله تم إختياري لعمل إختبار قيادة (مدفوع الأجر مش رايح أعمله ببلاش) لصالح موقع سيارات عربي معروف و تم نشره فى موقعهم على الأنترنت و كان لبعض سيارات فولكس موديلات 2013.........و ممكن أبعت الموقع على الخاص للي يحب.
عربيتي الحالية ياباني 6 سلندر.

مش بقول كده علشان أشكر فى نفسي ولا أتفاخر لا سمح الله.............لأ بقول كده علشان الناس تعرف أن الميجان بالنسبة لى مش أختراع و تعرف أن فيه جهات معينة بتثق فى تقييمي للعربيات......و بتديني فلوس على كده.

ثامناً الأسترا كان فيها نفس المشكلة بتاعة النتشة و الفورد الفييستا الجديدة فيها مشكلة مشابهة..........دول اللى فاكرهم دلوقتي
و مش معنى كده أنهم وحشين.............لأ طبيعة عمل الفتيس كده...........و فيه ناس مش قادرة تتأقلم معاه كده.

أخيراً......أنا هعمل تقرير مشاركة سيئة على مشاركتك لأني لا أقبل بهذا الأسلوب و لا بالتشكيك فى مصداقية كلامي و أتهامي بالتحيز.

صباح الخير الأول.

أنا مكنتش حابب أرد بس واجب أني أوضح نقطة.
أنا متهتمش حد, مش معني أني أقول ان كلامك مفهوش حيادية وتحيز لنوع عربية بما أنك من ملاكها يبقي انا كدا أتهمتك..!

كلامك كان فيه تحيز واضح للعربية وأنت عارف أن فيها مشاكل,
ودي مش مشكلة كبيرة عشان تزعل منها كدا أنا قولت رأيي وبدون تحيز مع أني متضرر من مشكلة الفتيس دي عشان اللي بيشتري يبقي علي نور,,
وإلا أحنا أيه فايدتنا لما يجي حد يسيتفسر ويبقي ردنا كله أن العربية زي الفل والدنيا بمبي وبعد ما يشتري ب 10 الأف يلاقي نتشة المجيان ظهرت وعلي ال 60 الف يبقي عنده صيانة أو عمرة فتيس فالفات وشنابر وقواعد..

حضرتك لما علقت قلت إن كل الرينو اللي كل ركبتهم والأتنين اللي عندك وأي رينو جديدة مفهاش أي مشكلة فالفتيس.!

"باقى الأعضاء اللى كانو شاريين من الزيرو مسمعتش حد منهم حصل معاه مشكلة فى الفتيس"

وإن ممكن اللي يظهر نتشة بسيطة مفيش منها مشاكل,, مع أن النتشة دي بداية تدهور حالة الفتيس والقواعد والفالفات..

فا دا كلام غير حيادي, ودي صفة أو أسلوب حوا مش أتهام.. عشان فيه فرق.

سابعاً أنا سوقت بدون مبالغة حوالي 65 موديل مختلف من العربيات.....يعني ميجان 2005 و 2007 مش معتبرهم موديلين مختلفين.........لأ موديل واحد.
و فيه عربيات منهم بأضعاف سعر الميجان.....و أمتلكت بعضهم بأضعاف سعر الميجان و الفليونس فى الأمارات.....و تقدر تراجع قسم تجارب القيادة علشان تاخد فكرة عنهم.
غير كده أنا و الحمد لله تم إختياري لعمل إختبار قيادة (مدفوع الأجر مش رايح أعمله ببلاش) لصالح موقع سيارات عربي معروف و تم نشره فى موقعهم على الأنترنت و كان لبعض سيارات فولكس موديلات 2013.........و ممكن أبعت الموقع على الخاص للي يحب.

ما شاء الله عليك, ياريت تبقي تبعت لي الموقع أحب أخد فكرة.

حضرتك لو حابب تعمل تقرير فا دي حاجة ترجع لك,
بس متقولش أني بشكك في مصداقية كلامك عشان حضرتك مكنتش صريح في الكلام وانت سايق 65 نوع مختلف من العربيات, ودا رأي وليس أتهام..

يعني انا علي قدي سوقت 7 أو 8 موديلات بس لما شوفت مشكلة ظاهرة وكمان معروفة قولت عاللي أعرفه واللي كل الناس عارفاه عن الرينو ميجان والبيجو برضه, وللأسف نفس المشكلة ظهرت تاني في الفلوانس بس أتصلحت في موديلات البيجو الجديدة ولصاحب الموضوع الحرية في الأختيار بعد ما يسمع الأراء عن العربية.

تحياتي لك.

[aly_elhawary]

أه بتكلم عن الفلوانس..
وانا وضحت ان الرزعة دي موجودة في بيجو ورينو
أكتر موديلين كان فيهم المشكلة دي بيجو 307 والرينو ميجان
والفتيس في البيجو الكود بتاع al4 وفي الميجان dp0
الأتنين تيبيكال نفس الفتيس سيستم بورش ونفس الأجزاء الميكانيكية والهيدروليكية, الفرق بس في الكود التعريفي.

والمشكلة بتبدأ بنتشة والعربية لسه جديدة ما بين الأول والتاني, بيليها تأكل في قواعد الفتيس الكاوتش نتيجة النتشة الغير مظبوطة, وتلف في السلونيد فالف مع الوقت بسبب النتشات دي.

الموضوع اللي انا دللت بيه انا معرفش صاحبة ودا ميمنعش أنو ممكن يكون عنده مشكلة
أو فعلاً ممكن يكون بيسوء من سمعة العربية وأنا ضد دا.
فأنا راجعت الموضوع دلوقتي ومتهيألي أنو مش مش مظبوط,

بس انت كفاية ان كلامك أأكد تاني أن الفتيس به مشكلة



فأنت كدا كلامك أكد كلام العضو اللي كان عنده مشكلة,
وانا مش بسوء أو بقلل من قدر العربية, بس بكلم واحد بحيادية قبل ما يشتري عشان يبقي عارف اللي ليها واللي عليها.

ولصاحب الموضوع الأختيار والتوفيق بعد ما يسمع رأي الناس

يا أخى الفاضل أحنا بنقول "نتشة" و" أحياناً" وغير ملحوظة وغير مؤثرة وحضرتك مصر تقول "رزعة" و"هبدة" و"بيجو" و"ستروين" وواضح أنك لم تقابل هذا الموضوع مع الفلوانس اللى صاحب الموضوع بيسأل عنها

[Ahmed Amin]

يا أخى الفاضل أحنا بنقول "نتشة" و" أحياناً" وغير ملحوظة وغير مؤثرة وحضرتك مصر تقول "رزعة" و"هبدة" و"بيجو" و"ستروين" وواضح أنك لم تقابل هذا الموضوع مع الفلوانس اللى صاحب الموضوع بيسأل عنها

أنا قلت

والمشكلة بتبدأ بنتشة والعربية لسه جديدة ما بين الأول والتاني, بيليها تأكل في قواعد الفتيس الكاوتش نتيجة النتشة الغير مظبوطة, وتلف في السلونيد فالف مع الوقت بسبب النتشات دي.

زي ما حضرتك أقتبست من كلامي,

وحضرتك جيت أكدت كلامي بأن النتشة فعلاً موجودة, زي أعضاء تانين..
ودا اللي حبيت أوصله لصاحب الموضوع اللي بيسأل.

وهيا بدأت في الميجان كدا برضه والبيجو لأنهم كان ليهم نفس الفتيس وكانت نفس الأعراض نتشة خفيفة لحد ما بتاكل القواعد وبتبقي رزعة,,

ولو حضرتك مالك للعربية حالياً أنا أتمني أنها متوصلش معاك للرزعة,
بس كدا كدا مادام النتشية موجودة هتاكل قواعد بشكل الفتيس أسرع, لأن المفروض الأوتوماتيك العادي مش بينتش في أي عربية ياباني أو كوري وبالتالي هتأثر علي السولونويد فالفز والشنابر اللي جوا مع تكرارها.

دا كلام عن تجربة وواقع في أكتر من عربية.
تحياتي لك أخي الكريم.

[Ahmed Selim]

صباح الخير الأول.

أنا مكنتش حابب أرد بس واجب أني أوضح نقطة.
أنا متهتمش حد, مش معني أني أقول ان كلامك مفهوش حيادية وتحيز لنوع عربية بما أنك من ملاكها يبقي انا كدا أتهمتك..!

كلامك كان فيه تحيز واضح للعربية وأنت عارف أن فيها مشاكل,
ودي مش مشكلة كبيرة عشان تزعل منها كدا أنا قولت رأيي وبدون تحيز مع أني متضرر من مشكلة الفتيس دي عشان اللي بيشتري يبقي علي نور,,
وإلا أحنا أيه فايدتنا لما يجي حد يسيتفسر ويبقي ردنا كله أن العربية زي الفل والدنيا بمبي وبعد ما يشتري ب 10 الأف يلاقي نتشة المجيان ظهرت وعلي ال 60 الف يبقي عنده صيانة أو عمرة فتيس فالفات وشنابر وقواعد..

أنت بتناقض نفسك......"أنا متهمتش حد" و بعد كده " كلامك كان فيه تحيز..."

حضرتك لما علقت قلت إن كل الرينو اللي كل ركبتهم والأتنين اللي عندك وأي رينو جديدة مفهاش أي مشكلة فالفتيس.!

أنا قولت بالنص فى المشاركة اللى قبل اللى فاتت

"معظم الأخوة اللى حصل معاهم مشاكل فى فتيس ميجان هنا كانو جايبين العربية مستعملة.....و معظمهم مش عارف تاريخها أيه بالظبط........يبقى مينفعش نحكم."

و في المشاركة اللى فاتت

"ده مش معناه أن مفيش ولا واحد جاب العربية زيرو محصلش معاه مشكلة فتيس
و مش معناه أن كل اللى جاب مستعمل حصل معاه.

أنا بتكلم على عينة من الناس موجودة فى المنتدى."

كونك مش عارف تفرق فى الكلام دي مش مشكلتي

وإن ممكن اللي يظهر نتشة بسيطة مفيش منها مشاكل,, مع أن النتشة دي بداية تدهور حالة الفتيس والقواعد والفالفات..

العربية من و هي زيرو فيها النتشة اللى أنا بتكلم عليها.......و معظم الأعضاء بيقولو عليها
عربيتي فى مصر 112 ألف كيلو موديل 2005 و ملمستش الفتيس اللهم إلا تغيير زيت الفتيس مرة واحدة أو مرتين..........تفتكر المشاكل فى القواعد و الفالفات تبتدي تظهر أمتى ؟

بلاش اللى فى مصر......اللى فى الأمارات 122 ألف كيلو......و قبل ما أجيبها كاشف عليها و عارف تاريخ صيانتها فى التوكيل و متعملش حاجة فى الفتيس لحد دلوقتي.

فا دا كلام غير حيادي, ودي صفة أو أسلوب حوا مش أتهام.. عشان فيه فرق.

فعلاً ده مش إتهام أطلاقاً

ما شاء الله عليك, ياريت تبقي تبعت لي الموقع أحب أخد فكرة.

رفعت سكرين شوت علشان تشوفها بنفسك..........يمكن أكون بضحك عليكم.



و مظلل على أى حاجة توضح أسم الموقع أحتراماً لقواعد المنتدى مش أكتر علشان ممنوع وضع لينكات أو مواقع منافسة.


و دي بعض الصور اللى هما حاطينها فى الموضوع قبل وضع العلامة المائية بتاعة الموقع عليها أو قبل ما يتعمل لها crop.........علشان فيه صور كانت بتتوزع على فلاش ميموري للناس اللى حضرت و فيه صور تانية أنا اللى مصورها.



الصور دي مش هتشوفها غير لو عرفت تفتح الموضوع على النت







مع أني مش مطالب بكل ده..........بس يمكن تقتنع.


حضرتك لو حابب تعمل تقرير فا دي حاجة ترجع لك,
بس متقولش أني بشكك في مصداقية كلامك عشان حضرتك مكنتش صريح في الكلام وانت سايق 65 نوع مختلف من العربيات, ودا رأي وليس أتهام..

طيب أنا هسيب الحكم للإعضاء فى النقطة دي

هل الناس شايفة أني قولت أن مفيش نتشة ؟
و لا قولت أن فيه نتشة و هي دي طبيعة الفتيس؟
و بالمرة بقى أزود حاجة كمان......ان دي مش بتأثر على الفتيس ولا بتبوظه