ما هو حل الخرابيش؟

[hic]

اخوانى الاعزاء سلام عليكم
انا عندى الفليونس من الجراج فيها خرابيش ناتجه من الاحتكاكات فى عمدان الجراج و الخرابيش دى موجوده فوق العجل الخلفى و طبعا مطلعه البويه يعنى الابيض باين و كمان عندى الاكره الخلفيه للباب برضه متجرحه يعنى اللون السيلفر بتاعها راح و باين اللون الاسود فهل ممكن ارش الجزء المتجرح ده بس مع العلم انه جزء صغير لا يتجاوز 5سم×5سم و هل فى ناس متخصصه فى علاج الحاجات دى و كمان الاكره ازاى اعالجها علشان فعلا التجريحات ظاهره جدا و مخليه شكل العربيه وحش جدا واسف للاطاله و شكرا

[FAR!D]

انا من رأيي لا علاج غير الرش لانك البطانه الاصليه بانت

[islamnasser10]

انا جايب تمن كيلو لون العربية واي خربوش بلقطه علي طول ومش بيبان اوي غير لما تدقق فيه وماشي الحال لحد مالعربية تجيب اخرها خبط وخدش (اللهم احفظنا) وساعتها تترش كلها حتة واحده وتطلع جديده تاني

[hic]

الف شكر للجميع

[M_SaadElDin]

لو تعرف حد ممكن يجيبلك حاجة من انجلترا ، فى حل ممتاز جدا انا شخصيا جربته فى عربيتى القديمة (كان لونها نبيتى) وبيدى نتيجة ممتازة جدا (الموقع www.carpaintwizard.co.uk)
فى حل تانى (بس طبعا اقل كفاءة) وهو شراء قلم دوكو من اى مكتبة كبيرة وهو موجود منه عدة الوان بس مانصحش ان حضرتك تجربه الا لو العربية لونها اسود لأن غير الإسود صعب يكون اللون قريب من لون العربية.