بارك سينسور

[amr123]

اهلا بحضرتك طبعا و شكرا على المعلومة
و اشكركم جميعا على ردودكم

عندى بس استفسار لاستاذ رامي : هى الشاشة دي حجمها قد ايه و بتعرض ايه بالظبط و ممكن تركبيها فين
معلش اعذرني لجهلي :)

و شكرا مجددا لكم جميعا

[Ahmed Selim]

الشاشة دى فى منها أحجام مختلفة

ده حتى دلوقتى فى باركنج سنسورز بيبقى فيها كاميرا وشاشة LCD عشان تشوف فى أيه ورا العربية

أنا اللى عندى زى دى وممكن تتحط فوق التابلوه بس أنا عن نفسى حاططها فوق مراية الصالون





فى كمان نوع بيبقى عبارة عن مراية صالون وعلى الجانبين ال ليدات زى اللى فى الصورة و فى نوع تانى بيبقى فيه بلوتوث كمان معاهم :)

[amr123]

شكرا استاذ احمد ....ربنا يكرمك

[Ramy_Tantawi]

اهلا بحضرتك طبعا و شكرا على المعلومة
و اشكركم جميعا على ردودكم

عندى بس استفسار لاستاذ رامي : هى الشاشة دي حجمها قد ايه و بتعرض ايه بالظبط و ممكن تركبيها فين
معلش اعذرني لجهلي :)

و شكرا مجددا لكم جميعا

أنا آسف جدا يا باشمهندس عمرو على التأخير في الرد.

شوف يا سيدي الشاشه شكلها وحجمها زي اللي في الصوره اللي احمد جزاه الله خير ارفقها في الرد بتاعه الاختلاف بس انها 3 الوان مش احمر بس زي اللي الصوره.

بالنسبه للبيانات اللي الشاشه بتعرضها ...
1-الرقم اللي في النص ده بيكون المسافه بين عربية حضرتك وأقرب جسم خلف العربيه .
2-في مؤشر على اليمين وعلى الشمال المؤشر ده زي ما هو موضح في الصوره تصاعدي كل ما المسافه تكون بعيده كل ما الشرط تكون قليله وطبعاً اليمين معناه ان اقرب جسم على يمين السياره والعكس صحيح.....اما عن الثلاث الوان في الشاشه فا أزرق لما بتكون المسافه بعيده حوالي متر او اكتر وبيكون صوت الصفاره بيقطع وبطيء في رتمه يعني كل 3 ثواني رنه مثلاً لما تقرب اكتر هيزيد المؤشر ولونه يبقى اخضر والصفاره تزيد في سرعتها وتقطيعها يعني كل ثانيه مثلاً وفي النهايه المؤشر بيحمر والصفاره بتزيد وتفضل مستمره لدرجة الصداع وده مع التعود بقى يخلليني اعرف اركن صح قبل ما اسمع صوت الصفاره الكبيره دي في النهايه .

يا رب اكون وضحت الفكره يا باشمهندس عمرو وانا تحت امرك في اي استفسار تاني ان شاء الله

تقبل تحياتي أخي الكريم.

[amr123]

اشكرك بشدة استاذ رامي ...كتر خيرك ...و بعدين مفيش اي داعي للاعتذار يا فندم ..اكيد حضرتك مش فاضي للنت 24 ساعة يعني


شكراااااا

[ozzwana]

على فكره انا ركبتو من الضمان من شهر ونا بشتري العربيه راي ان توكيل افضل في تركيبو بس مش فكره تكلفتو كام لانو كان مع تمن العربيه بس التوكيل بيركبو فعلا

[amr123]

شكرا يا فندم على المعلومة ...بس حضرتك اشتريته من الوكيل و لا من بره و الوكيل ركبه ؟

[ozzwana]

انا التوكيل ركبهولي في العربيه وطبعا كان من عندهم

[amr123]

شكرا جزيلا