جاز على زيت الموتور

[ramy_gamal]

امبارح كنت عديت على الميكانيكى عشان فلتر الزيت كان جايب زيت المهم فكه وغيرنا الحشو وغير الجوان وركب وزودنا شويه زيت بسيط .....قولته عايز غسله حلوة للموتور المهم غسل بالجاز واتوصى بيا اوى....النهاردة من الصبح وانا حاسس ان صوت الموتور عالى بيسط قولت تهيئات وانا راجع من الشغل نفس الاحساس....طبعا شكيت فى الجكمان المهم لما ركنت قولت ابص على الموتور يمكن الاقى حاجه اول مافتحت الكابوت لقيت الافندى نسى يقفل غطا الزيت والباشا كان متوصى بالجاز اوى... اكيد طبعا دخل جاز على الموتور مش عارف قد ايه!!!! هل انزل الزيت دة احسن ولا ايه وهل لو نزلته المشكله كدة اتحلت؟
يا ريت تفيدونى اول مرة اقع فى المطب دة وطبعا خايف على المكنه

[walidtony]

بص يا باشا لو كده كده لازم تغير الزيت ضروري عشان المكنه متتبهدلش في اسرع وقت. ولو حاسس ان الزيت اللي نازل فيه جاز كتير اغسل ببزيت رخيص

[solly1979]

فى مادة مخصوصة لغسيل الماتور مع الزيت القديم الأول
ويعدين تحط زيت رخيص ٥ دقائق كمان وبعدين تشيله وتحط الزيت الى انت ماشى عليه على طول

[ramy_gamal]

يعنى كدة كد لازم ينزل الزيت ؟؟؟ حتى لو كان الجاز قليل او رزاز بمعنى اصح

[dedo_ryo]

لا لو رزاز بيتهيقلي مش هيبقي له تاثير بس اللي حضرتك بتقوله ده مش فعل رزاز خالص
و الحكم في الموضوع ده انك كل شويه تبص علي الزيت من المقاس و تشوف لزوجته لو قلت يبقي اتاثر جامد
و لو لا تبقي عديها و القرار الاخير ليك

[luckyman]

انت غير الزيت اضمن لك ان شاء الله

[albasha]

هل باقي علي تغيير الزيت كيلومترات كتير يعني مثلاً إنت حاطط زيت 5000 وباقي علي تغييره 4000 كيلو مثلاً ولا باقي فتره بسيطه وتغيره إن كان كده توكل علي الله وغيره وريح بالك بس بلاش الفلاش بتاع الموتور لإنه بيأذيه وإكتفي فقط بالتغيير

[mado83]

ماتقلقش المهم شوف مقاس الزيت لان اكيد كده الزيت نقص كتير

[Amr_Moh]

هو غطاء الزيت كان مفتوح وانت بتغسل؟؟؟

[ramy_gamal]

هل باقي علي تغيير الزيت كيلومترات كتير يعني مثلاً إنت حاطط زيت 5000 وباقي علي تغييره 4000 كيلو مثلاً ولا باقي فتره بسيطه وتغيره إن كان كده توكل علي الله وغيره وريح بالك بس بلاش الفلاش بتاع الموتور لإنه بيأذيه وإكتفي فقط بالتغيير

هو فعلا لسه عليه 3800 كيلو!!!!!!!!!!!!!
النهاردة بسيط على المقاس لقيته مظبوط ولزوجه الزيت كويسه

[ramy_gamal]

ماتقلقش المهم شوف مقاس الزيت لان اكيد كده الزيت نقص كتير

مظبووووووووووط

[ramy_gamal]

هو غطاء الزيت كان مفتوح وانت بتغسل؟؟؟

انا مش متاكد من ترتيب الاحداث
احنا ركبنا الفلتر وبعدين مش متاكد غسل الاول وبعدين زود ولا العكس ....انا لما روحت بفتح لقيت غطا الزيت مسنود على ماسورة التكييف......

[ahmedfouad]

اعتقد ان الموضوع مالهوش علاقة بالزيت خالص .. اكيد بعد ما غسل انت عارف فى الكليو مكان البوجيهات بيبقى فى الموتور كل بوجيه داخل زى ماسورة طويلة كدة ..ممكن المواسير بتاعت البوجيهات دى تكون اتملت جاز وطبعاً مياه .. طب هل هو نظف بالهواء وشال الاسلاك دى ؟ ممكن لاء .. على العموم ارجعله وخليه يفك اسلاك البوجيهات من مكانها ويضرب فيها وفى البوجيهات هواء جامد وكتير لحد ما تنشف وعلشان تتاكد من ان الزيت عليه جاز ولا لاء اشحب عينة بالمقاس غلى منديل وشمها وشوف فيها ريحة جاز ولا لاء .. واعتقد انه مش اهبل ولا عبيط علشان يشوف الغطاء بتاع الزيت مفتوح ويضرب فيه جاز ... اصبر قبل ما تغير زيت واعمل كدة الاول وطمنا :)

[ramy_gamal]

اعتقد ان الموضوع مالهوش علاقة بالزيت خالص .. اكيد بعد ما غسل انت عارف فى الكليو مكان البوجيهات بيبقى فى الموتور كل بوجيه داخل زى ماسورة طويلة كدة ..ممكن المواسير بتاعت البوجيهات دى تكون اتملت جاز وطبعاً مياه .. طب هل هو نظف بالهواء وشال الاسلاك دى ؟ ممكن لاء .. على العموم ارجعله وخليه يفك اسلاك البوجيهات من مكانها ويضرب فيها وفى البوجيهات هواء جامد وكتير لحد ما تنشف وعلشان تتاكد من ان الزيت عليه جاز ولا لاء اشحب عينة بالمقاس غلى منديل وشمها وشوف فيها ريحة جاز ولا لاء .. واعتقد انه مش اهبل ولا عبيط علشان يشوف الغطاء بتاع الزيت مفتوح ويضرب فيه جاز ... اصبر قبل ما تغير زيت واعمل كدة الاول وطمنا :)

البوجيهات عليها الغطا البلاستيك ف مفيش مشكله من ناحيتها اللى قالقنى انى لقيت الغطاء مفتوح
وفعلا شميت الزيت من المقاس محستش ان فيه جاز

[albasha]

أعتقد لو رذاذ جاز هتبقي نسبه ضعيفه جداً ومفيش داعي تغير الزيت طالما باقي فتره كبيره علي تغييره