عملوها الوحوش ( الجزء الرابع )

[عمرو عمارة]

السلام عليكم

تمت المقابلة بنجاح يوم الجمعة وحضر الجميع بإستثناء الأخ طارق لإنشغاله بالبحث عن الميجان....
المقابلة كانت كالعادة جميلة وأيضاً كالعادة أحمد علي كان بونبوناية اللقاء....طول القعدة وإحنا في ضحك متواصل من الحكاوي الي بيحكيهالنا أيام الشباب
رامي باشا العريس جالنا ومعاه طبق شيكولاتة لذيذ الي كان في النهاية من نصيب مومو باشا لحبه للشيكولاتة

معلش أنا أخدت صور قليلة عشان الدنيا كانت بالليل

[عمرو عمارة]

والله يا جماعة أنا قولت في نهاية اللقاء إن إحنا عايزين نشد رجالة اللوجان عشان يحضروا المقابلات خصوصاً إن عددهم بيزيد وبرده فرصة نتعرف على ناس طيبة ونتبادل المعلومات عن هذه السيارة الجديدة

إيه رأيكم يا رجالة اللوجان!؟؟

[Ahmed Aly]

ربنا يخليك يا عمور بزمتك كل الوزن ده وبنبوناية ياراجل اول كونتينر بنبوني
ده بس انت اللي عشان شخصية محترمة وخلوقة بتشوف الناس بعيون حلوة ربنا يديك الصحة ويبارك فيك

ايه رايكو نفطر مرة مع بعض انا ممكن اجيبلكو خصومات كتير في مطاعم و فنادق بخصم كويس

[Ahmed Selim]

تسلم أيديك يا فنان

أنا شغال فى موضوع الفطار ده بس يا ريت يبقى فى النص التانى من رمضان

أيه رأيكم نبقى بالعائلات كمان.......................... من غير ضرب لو سمحتو

أنا أصلى لازم أفطر بره مع المدام فقولت بالمرة أخلص من العزومة :)

[Sharky]

فعلا المقابلة كانت لذيذة بفضل كونينر البونبونى أحمد باشا

فى إنتظار رد ملاك اللوجان فى المقابلات القادمة

[عمرو عمارة]

ما شاء الله لا قوة إلا بالله .....إبنك ما شاء الله زي العسل....بالله عليك يا شاركي بلاش تحط صورته في التوقيع كدة

[M.Moustafa]

بقى يا عمرو الكل حضر باستثناء طارق وانا خلاص بقيت ميت في نظرك؟ متشكر يا عمرو.

الا قولولي مين اللي جنب احمد عبد المقصود انا اول مرة اشوفه

[عمرو عمارة]

بقى يا عمرو الكل حضر باستثناء طارق وانا خلاص بقيت ميت في نظرك؟ متشكر يا عمرو.

الا قولولي مين اللي جنب احمد عبد المقصود انا اول مرة اشوفه

لألألألأ.....إنت زعلت ولا إيه يا برنس؟....دة إنت فوق راسي والله....أنا بس ماذكرتكش عشان إنت كنت قولت خلاص مش جي

بقولك إيه مافيناش من حركات الأمص دي

[M.Moustafa]

ماشي يا عمرو عموما لما اشوفك وهسامحك بس عشان انت حبيبي والله وكل عام وانت بخير بس برضه ما قولتليش مين اللي جنب احمد عبد المقصود

[Ahmed Selim]

فى الصورة الأولى :) ؟

اللى جنبى فى الصورة الأولى أيمن مومو طبعاً
واللى فى الصورة التالتة ( اللى طالع بضهره شوية ) ده صديق ليا من من مدينة الرحاب الباسلة كلمته يجيى يقعد معايا عشان أنا رحت قبل الميعاد بساعة كاملة

تغيير الوقت عملى مشكلة :) :)

[M.Moustafa]

انا قولت وحش من وحوش رينو انا معرفوش شكلا فقلت نتعرف عليه

[Sharky]

ما شاء الله لا قوة إلا بالله .....إبنك ما شاء الله زي العسل....بالله عليك يا شاركي بلاش تحط صورته في التوقيع كدة

ربنا يبارك لك يا عمرو و أنما كده كده ناوى النهاردة إن شاء الله أغير التوقيع و أحط واحد جيد لرمضان بقى

[Ramy_Tantawi]

جزاكم الله كل خير يا عمرو باشا على التقرير والصور وربنا يجمعنا على الخير دائما ان شاء الله وكل عام وانتم بخير يا اسرتي العزيزه

ورمضااااااااااااااااااااااااااااان كرييييييييييييييييييييييييييييييييييييييييييييييم

[momo10000]

كل سنة وانتوا طيبين يا وحووووووووووووش


وإن شاء الله الجزء الخامس قريب ... ويكون الوحش محمد مصطفي حاضر ومنور