واخيرا جبت الجميلة الفرنسية وبقيت فلوينساوى

[hanyyacot]

الحمد لله اخيرا استلمت الفلوانس 2014 اللون الفيرانى الفاتح, بعد معاناة اسبوع , طبعا بفضل ربنا والاستخارة وبعدهم كلام حضراتكوا وتشجيعكوا , انا دخلت قريت كل تعليقاتكم وخبراتكم وده خلانى احسم الامر واتوكل على الله , لانى كنت ناوى فى الاول على شارك , بس من ساعة ما عينى وقعت عليها وهى فى المعرض ماقدرتش اقاوم سحرها , فقلت ارجع للرجالة هنا واشوف تقييمهم ليها , وفضلت اتفرج فى صمت لمدة كام يوم كده على كل التعليقات عليها لحد ما الحمدلله استلمتها يوم الاثنين اللى فات , ولسه مارخصتش . العربية بسم الله ماشاء الله تحفة وانيقة , انا مامشيتش بيها غير لما روحت استلمتها من مدينة نصر للهرم , اول انطباع انى طبعا مش متعود على ابعادها ف لسه حاسس انها اكبر من الابعاد اللى متعود عليها ( كان معايا لانسر بومة ), وفعلا كنت ماشى بيها طول الطريق براحة و مش بادخل فى مواجهات مباشرة مع الاخرين , العربية واسعه اوى من جوة , وشيك , وناعمة وسلسة , بس طبعا لقيت العيب اللى الكل اتكلم عليه ( عيب بالنسبالى ) ان العربية طلعتها بطيئة او تقيلة نسبيا, بس اول ما تفتح او تعدى سرعة 50 هتلاقى وحش طاير , اداء موتور ممتاز لما بتفتح . عموما شكرا ليكوا اودعولى ربنا يدينى خيرها ويكفينى شرها , وانشاءالله اكون عضو مفيد معاكوا .
سؤال قصير كده ل ملاكها : اتعودتوا على ابعاد العربية بعد قد ايه وهل هى فعلا كبيرة ولا نفس ابعاد العربيات اللى فى فئاتها .
معلش طولت عليكم

[eng wael]

مبروك عليك ربنا يباركلك فيها ويحفظك

[Hany Saad]

الحمد لله اخيرا استلمت الفلوانس 2014 اللون الفيرانى الفاتح, بعد معاناة اسبوع , طبعا بفضل ربنا والاستخارة وبعدهم كلام حضراتكوا وتشجيعكوا , انا دخلت قريت كل تعليقاتكم وخبراتكم وده خلانى احسم الامر واتوكل على الله , لانى كنت ناوى فى الاول على شارك , بس من ساعة ما عينى وقعت عليها وهى فى المعرض ماقدرتش اقاوم سحرها , فقلت ارجع للرجالة هنا واشوف تقييمهم ليها , وفضلت اتفرج فى صمت لمدة كام يوم كده على كل التعليقات عليها لحد ما الحمدلله استلمتها يوم الاثنين اللى فات , ولسه مارخصتش . العربية بسم الله ماشاء الله تحفة وانيقة , انا مامشيتش بيها غير لما روحت استلمتها من مدينة نصر للهرم , اول انطباع انى طبعا مش متعود على ابعادها ف لسه حاسس انها اكبر من الابعاد اللى متعود عليها ( كان معايا لانسر بومة ), وفعلا كنت ماشى بيها طول الطريق براحة و مش بادخل فى مواجهات مباشرة مع الاخرين , العربية واسعه اوى من جوة , وشيك , وناعمة وسلسة , بس طبعا لقيت العيب اللى الكل اتكلم عليه ( عيب بالنسبالى ) ان العربية طلعتها بطيئة او تقيلة نسبيا, بس اول ما تفتح او تعدى سرعة 50 هتلاقى وحش طاير , اداء موتور ممتاز لما بتفتح . عموما شكرا ليكوا اودعولى ربنا يدينى خيرها ويكفينى شرها , وانشاءالله اكون عضو مفيد معاكوا .
سؤال قصير كده ل ملاكها : اتعودتوا على ابعاد العربية بعد قد ايه وهل هى فعلا كبيرة ولا نفس ابعاد العربيات اللى فى فئاتها .
معلش طولت عليكم

ألف مبروك يا أستاذ هانى الفلوانس الجميلة...و كمان أختيار اللون الجميل....
العربية و الموتور هيفتحوا معاك جامد و الطلعة هتتحسن بعد 3000 كيلومتر...

طبعاً أبعاد العربية كبيرة و هتاخد شوية على ما تتوعد عليها و خصوصا لو كنت نازل من حجم أصغر....خليك حريص شوية فى الأول فى المناورات و خد دايما ملفاتك على الواسع حتى لو على مرتين لغاية لما تحفظ أبعاد العربية كويس....
ألف مبروك مرة أخرى و ربنا يديك خيرها و يكفيك شرها و منورنا هنا فى قسم الرينو......

[meemoo2104]

ألف مبروك يا هاني باشا وربنا يطعمك خيرها ويكفيك شرها أمين يارب

[hossam_osman1]

الف مبروووووك يا باشا
علي فكره انا لسه شاريها من 20 يوم ونفس اللون بالضبط والفئه e3
وهي فعلا عربيه ممتازه مقابل سعرها
ربنا يباركلك فيها ويكفيك شرها

[saddam]

صديقي المواطن
قولا واحدا نحب نقول لك مبروك وبالتوفيق وإختيار صحيح وموفق وجيد وشارك إيه اللي كنت بتقارنها فيها وأدامها الله خيمة فوق رأسك
بالنسبة للأبعاد فده إحساس زائف ﻷنه من روعة تصميمها بتديك إحساس إنها طويلة وعريضة ولكن هي فرق بسيط عن باقي العربيات مش فرق جبار يعني ولكن التصميم المنفخ في كل جوانب العربية يديك إحساس الفخامة ولكن بالنسبة للتعود على العربية فدي محدش يفيدك بيها ﻷنها دي خبرة سواق يعني أنا مثلا عمري في حياتي من يوم ما إتولدت ماعنيتش من المشكلة دي بتزل من شبح لبيتلز أي كلام لنص نقل ﻷوتوبيس لميكروباص مفيش أي فرق ولا إحساس بالغربة ولا خوف من القيادة وإنت حتظبط مقاساتها وأبعادها خلال 3 أيام قيادة مش أكثر وفيه سواقين يظبط أبعادها ويتغر وبعد شهر شهرين يحكها ويقوللك محسبتهاش صح والخلاصة القدر ميعرفش سواق من مبتديء
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[hanyyacot]

متشكر يا فندم , وعلى فكرة انا كنت بحب اقرأ تعليقاتك دايما قبل ما اشترى , بالنسبة للشارك انا كنت عايز اجيبها لسببين , الاول انى باحترم شركة ميتسوبيشى اوى وكمان كان معايا البومة وكان اداؤها مرضى جدا ليا , السبب التانى هو طبعا العامل المادى لان الشارك كانت اول فئة ب 137 الف وده كان السقف بتاعى , بس لما لاقيتها اول فئة من غير فرامل abs , ونظرا لنوعية سواقتى , ففضلت انى اجيب الفئة اللى فيها ABS , واللى كانت ب 147000 , وطبعا لقيت نفسى داخل على الفلوانس وخصوصا ان الفرق مش كبير فى الفلوس , بالنسبة لابعاد العربية انا بس ماسقتهاش غير مرة واحدة وبالليل عشان كده الانطباع لسه جوايا , ربنا يسهل ارخص على طول واتعود بقى

[hanyyacot]

الف مبروووووك يا باشا
علي فكره انا لسه شاريها من 20 يوم ونفس اللون بالضبط والفئه e3
وهي فعلا عربيه ممتازه مقابل سعرها
ربنا يباركلك فيها ويكفيك شرها

الله يبارك فيك يا باشا , اللون تحفة , وقاومت اغراءات المعارض المختلفة انى اخد الفضى او الاسود او النبيتى بس الحمدلله ماستسلمتش , بس انا جايب الفئة e2 , اكيد هانتقابل فى الشارع وهانعرف بعض , ربنا يخليك ويكرمك

[hanyyacot]

ألف مبروك يا هاني باشا وربنا يطعمك خيرها ويكفيك شرها أمين يارب

الله يبارك فيك يا فندم ويباركلك فى عربيتك ومتشكر جدا

[hanyyacot]

ألف مبروك يا أستاذ هانى الفلوانس الجميلة...و كمان أختيار اللون الجميل....
العربية و الموتور هيفتحوا معاك جامد و الطلعة هتتحسن بعد 3000 كيلومتر...

طبعاً أبعاد العربية كبيرة و هتاخد شوية على ما تتوعد عليها و خصوصا لو كنت نازل من حجم أصغر....خليك حريص شوية فى الأول فى المناورات و خد دايما ملفاتك على الواسع حتى لو على مرتين لغاية لما تحفظ أبعاد العربية كويس....
ألف مبروك مرة أخرى و ربنا يديك خيرها و يكفيك شرها و منورنا هنا فى قسم الرينو......

الله يبارك فيك يا فندم ومتشكر جدا , الطلعة فعلا هاتتحسن بعد اول 3000 , يعنى هاحس بيها , هو لو فضلت كده انا ماعنديش مشكلة وهاتعود بس لو اتحسنت يبقى احسن بكتير لانى باضطر فى احيان اقرص واشد , سؤال كمان لو سمحت , هو المفروض اول 1000 كيلو ماعديش سرعة ال 100 والار بى ام يبقى مش عالى ولا مابقاش فى الكلام ده , معلش اصل دى اول عربية زيرو ليا , بالنسبة للابعاد انا بس ما مشيتش بيها غير مرة واحدة وهابقى حريص انشاءالله لحد ما اتعود , ومتشكر جدا مرة تانى

[kar!m]

ألف مبروك و ربنا يبارك لك فيها و يحفظهالك.

[ahmedelfeky]

الحمد لله اخيرا استلمت الفلوانس 2014 اللون الفيرانى الفاتح, بعد معاناة اسبوع , طبعا بفضل ربنا والاستخارة وبعدهم كلام حضراتكوا وتشجيعكوا , انا دخلت قريت كل تعليقاتكم وخبراتكم وده خلانى احسم الامر واتوكل على الله , لانى كنت ناوى فى الاول على شارك , بس من ساعة ما عينى وقعت عليها وهى فى المعرض ماقدرتش اقاوم سحرها , فقلت ارجع للرجالة هنا واشوف تقييمهم ليها , وفضلت اتفرج فى صمت لمدة كام يوم كده على كل التعليقات عليها لحد ما الحمدلله استلمتها يوم الاثنين اللى فات , ولسه مارخصتش . العربية بسم الله ماشاء الله تحفة وانيقة , انا مامشيتش بيها غير لما روحت استلمتها من مدينة نصر للهرم , اول انطباع انى طبعا مش متعود على ابعادها ف لسه حاسس انها اكبر من الابعاد اللى متعود عليها ( كان معايا لانسر بومة ), وفعلا كنت ماشى بيها طول الطريق براحة و مش بادخل فى مواجهات مباشرة مع الاخرين , العربية واسعه اوى من جوة , وشيك , وناعمة وسلسة , بس طبعا لقيت العيب اللى الكل اتكلم عليه ( عيب بالنسبالى ) ان العربية طلعتها بطيئة او تقيلة نسبيا, بس اول ما تفتح او تعدى سرعة 50 هتلاقى وحش طاير , اداء موتور ممتاز لما بتفتح . عموما شكرا ليكوا اودعولى ربنا يدينى خيرها ويكفينى شرها , وانشاءالله اكون عضو مفيد معاكوا .
سؤال قصير كده ل ملاكها : اتعودتوا على ابعاد العربية بعد قد ايه وهل هى فعلا كبيرة ولا نفس ابعاد العربيات اللى فى فئاتها .
معلش طولت عليكم

اولا الف مبروك الاستلام وربنا يباركلك فيها ان شاء الله بالنسبه لموضوع الطلعه والاداء ان شاء الله هيتحسن جدا بعد من 3000 ل 4000 كيلو بس عن تجربتي الشخصيه العربيه ادائها اتغير 180 درجه بس طبعا مش لدرجه انها تبقي زي البومه ف الطلعه بعد ماغيرت زيت علي 10 الاف كيلو انا اشتريت زيت كاسترول ايدج 5/40 وغيرت الزيت في التوكيل كانت تكلفه الصيانه حوالي 450 جنيه مارضتش احط زيت توتال بتاع التوكيل بس في حاجتين اتغيروا بعد الموضوع ده صوت العربيه بقي واطي جداا جدااا مقارنه بما سبق تغيير الزيت لدرجه والار بي ام علي 4 ماببقاش سامع سوت الموتور وبرضه وانا بسخن جوه الجراج تاني حاجه استجابه العربيه اتغيرت برضه بنسبه 10 ل 15 في الميه حاسس انها بقت سلسه اكتر استمتع بعربيتك وربنا يباركلك فيه ويكفيك شرها ولو في اي حاجه تحب نعرفها انا تحت امرك

[Hany Saad]

الله يبارك فيك يا فندم ومتشكر جدا , الطلعة فعلا هاتتحسن بعد اول 3000 , يعنى هاحس بيها , هو لو فضلت كده انا ماعنديش مشكلة وهاتعود بس لو اتحسنت يبقى احسن بكتير لانى باضطر فى احيان اقرص واشد , سؤال كمان لو سمحت , هو المفروض اول 1000 كيلو ماعديش سرعة ال 100 والار بى ام يبقى مش عالى ولا مابقاش فى الكلام ده , معلش اصل دى اول عربية زيرو ليا , بالنسبة للابعاد انا بس ما مشيتش بيها غير مرة واحدة وهابقى حريص انشاءالله لحد ما اتعود , ومتشكر جدا مرة تانى

أحسن أداء للعربية هتبتدى تاخده بعد ٣٠٠٠ كم و ده كلام صانع السيارة فأكيد هيكون كلام حقيقى و هتحس بيه....
هى بس تتعود على العربية و هتحس ان طلعتها مناسبة جداً و مفيهاش مشاكل...أنا معايا الميجان من ٧ سنين و المفروض انها نفس العربية و عمرى ما حسيت ان طلعتها تقيلة و بطة و الكلام ده كله...انا مش بسابق الناس لما الإشارة تفتح..غير كده العربية الميجان بالنسبة لى أدائها و تجميعها مرضى جداً و كمان بحسها جراية طبعا ده بالنسبة لى و اكيد بتحتاج تفتح العربية شوية بعد التليين....
موضوع التليين ده موجود لسه و هو انك متخليش عدد لفات الموتور تعدى ٣٠٠٠-٣٥٠٠ لفة لمدة اول ١٠٠٠ كيلو فقط....
تحت امرك فى اى استفسار اخر.....

[M I D O]

الف مبرووووووووك وربنا يحفظهالك ويديك خيرها ويكفيك شرها

[SoFiMaN]

الف مبروك يا باشا ربنا يديك خيرها و يكفيك شرها

موضوع التليين ده موجود لسه و هو انك متخليش عدد لفات الموتور تعدى ٣٠٠٠-٣٥٠٠ لفة لمدة اول ١٠٠٠ كيلو فقط....
تحت امرك فى اى استفسار اخر.....

فعلا؟! انا قلت اكيد ده كان زمان اصل بحكم اني على الطريق الدولي يوميا فغصب عني الاقي نفسي بقرص عشان اقدر اعدي الزفت النقل و بصراحة العربية -بالنسبة ليا- بحسها عايزة تجري جداااا و دايما بقعد افكر الناس اللي بتقول سحبها بطئ ده ممكن يبقى ازاي ! امال لو ساقوا القشقاي ممكن يحصل ايه :d
انا كان نفسي في البداية القشقاي بمجرد ما سقتها من صديقي اول طلعة افتكرت اني رافع الهاند بريك -والله بأمانة- !! اكيد طبعا كل شئ بالتعود برضه