استلمت الفلوينس الهاى لاين و مش مبسوط!!

[Dr.a.osman]

السلام عليكم
استلمت النهاردة الفلوينس الهاي لاين بس في حاجات مضيقانى. أولا ساعات لما بقى بالعربية بلاقى ال rpm واقف على 1 وده طبعا مش طبيعى إطلاقا خصوصا أن العربية بتبقى متسخنة مش باردة !!!! لما أدى اطفيها و اشغلها تانى ألقى ال rpm رجع طبيعى و صوت الموتور هادى! !! مع العلم أن العربية مش مدية أي error. ايه السبب في رأيكم؟؟ تانى حاجة، فتحة السقف لما باجى اقفلها بتروح تفتح تانى لوحدها و لما سألت الموزع قال السبب خاصية ال anti pinch بتشتغل اتوماتيك لأن الماكينة بتحس بمقاومة صدادة الهواء فبترجع تانى تفتح و قاللي أن حد حصل معاه الكلام ده قبل كده و حط شوية شحم علي المجراه و اشتغلت بدون مشاكل. المثير في الموضوع انى اكتشفت أن فتحة السقف مافيها الخاصية دى أساسا وحاولت أحد ايدى وكانت الفتحة هتقفل عليها!!!!! تالت نقطة، العربية زواياها مش مضبوطة! !!!! الدرسوني لازم يكون مايل ناحية الشمال شوية علشان العربية تمشى عدل!!!!! المشكلة أن أول و تانى نقطة ماكانش ينفع اكتشفهم قبل الاستلام ﻷنهم مابانوش غير مع المشى!!!! رأى حضراتكم ايه؟؟ على فكرة الاستلام كان من التوكيل! ! شكرا

[omaranes77]

طب حضرتك كلم التوكيل او انشاء اللة في صيانة الجاية يحلوها

[jep2050]

السلام عليكم
استلمت النهاردة الفلوينس الهاي لاين بس في حاجات مضيقانى. أولا ساعات لما بقى بالعربية بلاقى ال rpm واقف على 1 وده طبعا مش طبيعى إطلاقا خصوصا أن العربية بتبقى متسخنة مش باردة !!!! لما أدى اطفيها و اشغلها تانى ألقى ال rpm رجع طبيعى و صوت الموتور هادى! !! مع العلم أن العربية مش مدية أي error. ايه السبب في رأيكم؟؟ تانى حاجة، فتحة السقف لما باجى اقفلها بتروح تفتح تانى لوحدها و لما سألت الموزع قال السبب خاصية ال anti pinch بتشتغل اتوماتيك لأن الماكينة بتحس بمقاومة صدادة الهواء فبترجع تانى تفتح و قاللي أن حد حصل معاه الكلام ده قبل كده و حط شوية شحم علي المجراه و اشتغلت بدون مشاكل. المثير في الموضوع انى اكتشفت أن فتحة السقف مافيها الخاصية دى أساسا وحاولت أحد ايدى وكانت الفتحة هتقفل عليها!!!!! تالت نقطة، العربية زواياها مش مضبوطة! !!!! الدرسوني لازم يكون مايل ناحية الشمال شوية علشان العربية تمشى عدل!!!!! المشكلة أن أول و تانى نقطة ماكانش ينفع اكتشفهم قبل الاستلام ﻷنهم مابانوش غير مع المشى!!!! رأى حضراتكم ايه؟؟ على فكرة الاستلام كان من التوكيل! ! شكرا

انا معايا اول فئه علي شان كده مش حعرف ارد عليك في موضوع فتحه السقف
بس فعلا موضوع ال rpm دا بيعلي اول ما اقف في اشاره ومش عارف السبب وبيرجع بعد نص دقيقه تاني طبيعي

[noapology]

اولا مبروك لحضرتك ثانيا بالنسبه لاول حاجه هي المفروض العربيه و هي بارده او ما تدور بتعلي الار بي ام علي 1.2 مثلا و بتنزل بالتدريج لكن حضرتك بتقول العربيه سخنه هل الموضوع ده بيحصل علي طول ولا في حالات معينه وجرب كده بدل ما تبطل انك تزود بنزين وانت علي ال n وشوف هيرجع طبيعي ولا لا بالنسبه لتاني حاجه مقدرش افيدك اوي بس هل بتفتح تاني علي طول ولا وانت ماشي بس تالت حاجه بقي دي لازم تروحلوهم بس هي حاجه بسيطه ومستنيين انطباع حضرتك عن العربيه بشكل عام بغض النظر عن الحاجات دي

[miceg]

مبروك العربية ومتخليش الحاجات الصغيره ده تعكنن مزاجك
الاستلام مالهوش علاقة انك اكتشفتهم ولا لا لان مش هتكشف حاجة الا بعد إلاستخدام الفعلي
موضوع عدم القفل مع وجود العائق برضه عندي وبحط دراعي ولا كإنه موجود
ممكن يكون سيتيج الله أعلم
عندي برضه الزوايا مش مظبوطة وفي حدفه فالدركسيون
كلمت التوكيل النهارده حدد معايا معاد يوم ألاحد القادم فرع العبور
وانا لسه مرخصتش قولتلهم هكلمكو لما أرخص
لا تقلق كل ده هيخلص في أول زيارة إن شاء الله
ومتبصعش على نص الكوباية فاضي
والف مبروك

[Hany Saad]

السلام عليكم
استلمت النهاردة الفلوينس الهاي لاين بس في حاجات مضيقانى. أولا ساعات لما بقى بالعربية بلاقى ال rpm واقف على 1 وده طبعا مش طبيعى إطلاقا خصوصا أن العربية بتبقى متسخنة مش باردة !!!! لما أدى اطفيها و اشغلها تانى ألقى ال rpm رجع طبيعى و صوت الموتور هادى! !! مع العلم أن العربية مش مدية أي error. ايه السبب في رأيكم؟؟ تانى حاجة، فتحة السقف لما باجى اقفلها بتروح تفتح تانى لوحدها و لما سألت الموزع قال السبب خاصية ال anti pinch بتشتغل اتوماتيك لأن الماكينة بتحس بمقاومة صدادة الهواء فبترجع تانى تفتح و قاللي أن حد حصل معاه الكلام ده قبل كده و حط شوية شحم علي المجراه و اشتغلت بدون مشاكل. المثير في الموضوع انى اكتشفت أن فتحة السقف مافيها الخاصية دى أساسا وحاولت أحد ايدى وكانت الفتحة هتقفل عليها!!!!! تالت نقطة، العربية زواياها مش مضبوطة! !!!! الدرسوني لازم يكون مايل ناحية الشمال شوية علشان العربية تمشى عدل!!!!! المشكلة أن أول و تانى نقطة ماكانش ينفع اكتشفهم قبل الاستلام ﻷنهم مابانوش غير مع المشى!!!! رأى حضراتكم ايه؟؟ على فكرة الاستلام كان من التوكيل! ! شكرا

اولا الف مبروك لحضرتك على الفلوانس و ربنا يباركلك فيها و يكفيك شرها
بالنسبة للنقطة الأولى انا مش فاهمها كويس...حضرتك تقصد و العربية دايرة و مش بتتحرك بيكون ال rpm على 1000 مش على 750 ؟ اللى هو عدد اللفات المفروض تكون عليه و هى سخنه...برحاء توضيح اكتر للنقطة دى

فتحة السقف بتعمل بضغطة واحدة فى الفتح و الإمالة...يعنى هنفرض انها مقفولة خالص...ضغطة واحدة طويلة للزر للأمام هتميل من الخلف للتهوية.....ضغطة تانية طويلة للزر للخلف هتقفل هذا الميل......ضغطة اخرى طويلة للخلف هتفتح بالكامل و لو حضرتك لمست الزر لمسة قصيرة و هى بتفتح هتقف عن موضع اللمسة ثم ضغطة طويلة اخرى للزر للأمام للغلق...

خاصية ال anti pinch ملهاش دعوة بالهوا و اللى قال عليه المندوب ده حماده بالجنزبيل....ممكن يكون فيه حاجة فى المجرى حايشة الفتحة و علشان كده بترجع تانى لوحدها....و ده بيأكد ان خاصية ال anti pinch شغالة على فكرة
حضرتك بص عليها و هى بتقفل و اللحظة اللى بتفتح فيها تانى و شوف بتخبط فى حاجة ساعتها و لا لأ؟
للتأكد من عمل الخاصية....حضرتك ضع اى عائق و بلاش ايدك للتأكد من عملها....لاحظ ان الخاصية لا تعمل عن طريق الاستشعار و لكن تعمل ميكانيكياً و هو انه فى حالة الاصطدام بعائق يقوم موتور فتحة السقف بعكس حركته للاتجاه المعاكس....يعنى لازم تكون فيه خبطة خفيفة علشان يرد للخلف

بالنسبة لنقطة الدريكسيون اللى بيحدف شمال: انا كان عندى نفس الموضوع فى الميجان لما استلمتها سنة ٢٠٠٦ و طلع عيب كاوتش الاستوك....و حله بيكون عن طريق الترصيص عند واحد بتاع كاوتش كويس و تبديل العجلة السىيئة و وضعها فى الخلف اذا لزم الامر....

[Dr.a.osman]

انا معايا اول فئه علي شان كده مش حعرف ارد عليك في موضوع فتحه السقف
بس فعلا موضوع ال rpm دا بيعلي اول ما اقف في اشاره ومش عارف السبب وبيرجع بعد نص دقيقه تاني طبيعي

يعنى بأعلى لحد 1 rpm ياباشا؟ أعتقد ده برضه مش طبيعى! شكرا على رد حضرتك.

[Dr.a.osman]

اولا الف مبروك لحضرتك على الفلوانس و ربنا يباركلك فيها و يكفيك شرها
بالنسبة للنقطة الأولى انا مش فاهمها كويس...حضرتك تقصد و العربية دايرة و مش بتتحرك بيكون ال rpm على 1000 مش على 750 ؟ اللى هو عدد اللفات المفروض تكون عليه و هى سخنه...برحاء توضيح اكتر للنقطة دى

فتحة السقف بتعمل بضغطة واحدة فى الفتح و الإمالة...يعنى هنفرض انها مقفولة خالص...ضغطة واحدة طويلة للزر للأمام هتميل من الخلف للتهوية.....ضغطة تانية طويلة للزر للخلف هتقفل هذا الميل......ضغطة اخرى طويلة للخلف هتفتح بالكامل و لو حضرتك لمست الزر لمسة قصيرة و هى بتفتح هتقف عن موضع اللمسة ثم ضغطة طويلة اخرى للزر للأمام للغلق...

خاصية ال anti pinch ملهاش دعوة بالهوا و اللى قال عليه المندوب ده حماده بالجنزبيل....ممكن يكون فيه حاجة فى المجرى حايشة الفتحة و علشان كده بترجع تانى لوحدها....و ده بيأكد ان خاصية ال anti pinch شغالة على فكرة
حضرتك بص عليها و هى بتقفل و اللحظة اللى بتفتح فيها تانى و شوف بتخبط فى حاجة ساعتها و لا لأ؟
للتأكد من عمل الخاصية....حضرتك ضع اى عائق و بلاش ايدك للتأكد من عملها....لاحظ ان الخاصية لا تعمل عن طريق الاستشعار و لكن تعمل ميكانيكياً و هو انه فى حالة الاصطدام بعائق يقوم موتور فتحة السقف بعكس حركته للاتجاه المعاكس....يعنى لازم تكون فيه خبطة خفيفة علشان يرد للخلف

بالنسبة لنقطة الدريكسيون اللى بيحدف شمال: انا كان عندى نفس الموضوع فى الميجان لما استلمتها سنة ٢٠٠٦ و طلع عيب كاوتش الاستوك....و حله بيكون عن طريق الترصيص عند واحد بتاع كاوتش كويس و تبديل العجلة السىيئة و وضعها فى الخلف اذا لزم الامر....

الله يبارك فيك ياباشا. بالنسبه لموضوع ال rpm العربية بتبقى واقفة و متسخنة كويس و ال rpm بيبقى علي 1000 مش على 750 ذى أى عربية. ساعات بزود بنزين يمكن ينزل بعد ما أرفع رجلى لكن بفضل يهدى تدريجي لحد 1000 و يثبت!!! أطفى و اشغلها تانى يربط و ساعات يروح يرفع تانى لوحدها! !! مش فاهم ايه السبب! بالنسبة لنقطة الزوايا معتقدش أن الكاوتش هو السبب لأن الدركسيون نفسه فى ميل وده معناه أن ال total toe أو ال thrust angle بتاع العربية مش مضبوطة. اناخايف ده يكون بسبب أن العربية تكون لا قدر الله اتهبدت منهم مثلا و هما بيدها المعرض و بالتالي العفشة نفسها يكون فيها حاجة!! موضوع فتحة السقف ده مش مضايقنى أوى لأن حله سهل ان شاء الله. شكرا

[Dr.a.osman]

مبروك العربية ومتخليش الحاجات الصغيره ده تعكنن مزاجك
الاستلام مالهوش علاقة انك اكتشفتهم ولا لا لان مش هتكشف حاجة الا بعد إلاستخدام الفعلي
موضوع عدم القفل مع وجود العائق برضه عندي وبحط دراعي ولا كإنه موجود
ممكن يكون سيتيج الله أعلم
عندي برضه الزوايا مش مظبوطة وفي حدفه فالدركسيون
كلمت التوكيل النهارده حدد معايا معاد يوم ألاحد القادم فرع العبور
وانا لسه مرخصتش قولتلهم هكلمكو لما أرخص
لا تقلق كل ده هيخلص في أول زيارة إن شاء الله
ومتبصعش على نص الكوباية فاضي
والف مبروك

الله يبارك فيك ياباشا
انا بس اللى مضايقنى أن العربية لسة جديدة وفيها كل ده. طب ازاى؟! نصيب طبعا! كمان أنا خايف يكون مشكلة الزوايا دى بسبب حاجة حصلت فى العفشة نتيجة النقل أو خلال عملية توصيل العربية للمعرض خصوصا كان عند حد من صحابى عربية سيراتو مستلمها من التوكيل فيها torsion beam معوجة نتيجة خبطة جامده و طبعا اضطر يدفع 5000 جنيه عشان يغيرها لأن الوكيل ما بيعترفش بمشاكل العفشه فيما يتعلق بالضمان.ربنا يستر!

[Mohamed Elnagar]

هو حضرتك استلمتها ازاي بالمشاكل دي

ازاي متجربش واحده تانيه. طبعا مش سواقه لكن تشوف تشابه المشكله

[hossam_elwani]

التوكيل هو الحل مع المتابعه واﻻصرار والله المستعان

[Dr.a.osman]

هو حضرتك استلمتها ازاي بالمشاكل دي

ازاي متجربش واحده تانيه. طبعا مش سواقه لكن تشوف تشابه المشكله

والله حضرتك العربية معملتش موضوع ال rpm ده وقت الاستلام. الموضوع حصل معايا بعد ما اخدت العربية منهم ب 4_5 ساعات تقريبا. موضوع الزوايا برضه كان مستحيل يظهر غير مع المشى. يمكن أنا غلطان انى استلمتها و فيها مشكلة فتحة السقف و صدقت البائع أن الموضوع ده هيروح مع الاستخدام.

[miceg]

موضوع العفشه انا مستبعده نهائي
وباكد لا يمكن يحدث
انا متأكد ان الحل في الترصيص او الزوايا
ولو انت عاوز تطمن روح أي فرع بريدجيستون وهيظبطوها
ولو انت من أسيوط
جرب علاء اللي فالسادات هاتلاقيه على الطريق الدائري لو انت جاي من المحطه هتدخل على الدائري بعد كده اول ملف شمال
هتلاقيه على يمينك بعد اول يوتيرن الخلفي
او اللي مش فاكر إسمه فتقسيم البترول فأوله بيعمل ترصيص وزوايا كويس
وخليه يطلع يجرب معاك
وربنا يطمنك وإن شاء الله هتكون حاجة بسيطة

[mostafa magdy]

الف مليون مبروك يا دكتور ..
بيحز في نفسي جدا لما واحد يكون مش راضي عن الفلوينس .. خصوصا عربيه جديده .. و هاي لاين مش دفع فيها تمن قليل خالص .. ربنا يبارك لك فيها ..
أخواني الأعزاء ردوا علي حضرتك رد وافي ..
أنا عايزك تطمن لسبب .. اللي أقدر أكده لك .. و اللي حصل معايا شخصيا في موضوع تافه جدا .. إني أخدت العربيه ناقصه زيت .. أخدت حقي تالت و متلت من التوكيل .. و بدون أي عناء و بدون أي جهد .. هتكلم التوكيل أي وقت أو تروح مباشره .. و تدخل لمدير الورش في أي فرع .. و كلمه عن الموضوع ..
العربيه جديده .. و تبقي كارثه كبيره لهم .. لو أي عميل أشتكي .. فبيحاولوا يعملوا معاك أي حاجه ..
و بالتوفيق .. أرجو تبلغنا عملت أيه .. لمجرد الإطمئنان و المساعده ..

[miceg]

احمد باشا انا جربت عربيتي الصبح ولقيتها برضه بتثبت على ار بي ام 1 حتى بعد ماتسخن
ياريت الاخوة الافاضل يجربو هما كمان