عاوز اشتري ميجان مانيوال وخايف

[ozozo]

ممكن الاخوة الاعضاء الكرام استشيرهم في قراري انا مقبل علي شراء ميجان ٢٠٠٧ اعلي فئة مانيوال لان كثير من الناس نصحتني ابعد عن الاوتوماتيك لان به مشاكل كتير فكنت محتاج اعرف منكم هل المانيوال هيكون عملي وسهل في سوقته مش هيكون زي الكوري و مشاكل اعربية وقطع غيارها موجودة ورخيصة والسعر في حدود كام

[Ahmed Koller]

المانيوال مافهوش مشاكل مع الاهتمام بالصيانه ..
والاتوماتيك مفهوش مشاكل لو اهتميت بالصيانه ..
قطع الغيار الاصلي غاليه زي اي عربيه نضيفه .. وهتلاقي قطع غيار اسعار مختلفه بخامات مختلفه وعلي قد الايد زي الكوري بالظبط ومعمره اكتر بكتيبييببببر من الكوري والياباني .

[تامر.محمد]

مبدئيا مافيش اعلى فئة مانيوال
المانيوال بتبقى اول فئة بس , زي كل العربيات الجديدة دلوقت

بالنسبة للعربية نفسها , لو كاشف عليها في التوكيل او مركز خدمة معتمد عشان تضمن ان حالتها كويسة , و لو بتعمل صياناتها في مواعيدها , و لو قريب منك فيه ليها مراكز خدمة و صنايعية بتوعها (قاهرة و جيزة بالذات) يبقى ان شاء الله ما تقلقش

[ozozo]

مبدئيا مافيش اعلى فئة مانيوال
المانيوال بتبقى اول فئة بس , زي كل العربيات الجديدة دلوقت

بالنسبة للعربية نفسها , لو كاشف عليها في التوكيل او مركز خدمة معتمد عشان تضمن ان حالتها كويسة , و لو بتعمل صياناتها في مواعيدها , و لو قريب منك فيه ليها مراكز خدمة و صنايعية بتوعها (قاهرة و جيزة بالذات) يبقى ان شاء الله ما تقلقش

استاذ تامر اشكرك علي الرد هي بدون فتحة سقف وجنوط تكيف عادي لكن باقي الكماليات موجودة وفي حاجه انا مستغربها ازي مانوال وفيها محدد ومثبت سرعة ولا انا فاهم غلط وهل المانوال فيها متعب ولا مريح

[تامر.محمد]

استاذ تامر اشكرك علي الرد هي بدون فتحة سقف وجنوط تكيف عادي لكن باقي الكماليات موجودة وفي حاجه انا مستغربها ازي مانوال وفيها محدد ومثبت سرعة ولا انا فاهم غلط وهل المانوال فيها متعب ولا مريح

بص هو موضوع الكماليات ما كانش ثابت بالكامل اوي
يعني انا عربيتي 2010 اول فئة و فيها مثبت سرعة برده
مثبت السرعة بالذات اوقات كنت تلاقيه نازل في كل الفئات و اوقات تلاقي فئات عالية مش فيها

بس عموما طالما من غير جنوط و تكييفها بكر يبقى دي اول فئة لأن دي كانت ابرز الاختلافات , و طبعا اعلى فئة ام فتحة سقف

انا الصراحة ما سقتهاش مانيوال قبل كده فمش عارف

[mfraig]

هي المفروض من اول 2007 وموديلات من 2006 كان مثبت السرعه في كل الفئات
والمانوال هو اول فئه زيه زي اول فئه اوتوماتك بينزل فول اوبشن من غير جنوط ولا فتحة سقف ولا نواكل وتكيف بكر

[ozozo]

طيب معلش لو استفسراتي كتير ازي مانوال فيها مثبت ومحدد سرعة وازاي استخدمه وامتي ولو حد عارض عليا واحدة ٢٠٠٧ فبريكا بس كم عالي ١٦٥ هل لو ٥٨ الف حلو عليها هي تقريبا محتاجه كوبلن داخلي

[mfraig]

طيب معلش لو استفسراتي كتير ازي مانوال فيها مثبت ومحدد سرعة وازاي استخدمه وامتي ولو حد عارض عليا واحدة ٢٠٠٧ فبريكا بس كم عالي ١٦٥ هل لو ٥٨ الف حلو عليها هي تقريبا محتاجه كوبلن داخلي

مثبت السرعه مالوش دعوه بالمانوال والاتوماتك
هو بيشتغل بعد سرعه 60 تقريبا وعلى حسب انت مثبت على سرعه كام هتكون جايب الغيار المناسب لسرعتك
السعر ده كويس اوي لو العربيه حالتها حلوه وطبعا الكوبلن البايظ ده كلام فاضي لو العفشه سليمه

[ozozo]

يعني انا لما بثبت السرعة اقدر اشيل رجلي من علي البنزين واتحكم من الطارة انا كده فاهم صح

[ozozo]

يا ناس انا محتار اجيب الميجان المانوال ولا قدامي هوندا سيتي اوتو ٢٠٠٤

[loklok]

انا شايف انك تجرب تسوق العربيه الاول
بما انك معاك هيونداي
الميجان المانبوال تسارعها ابطا وتكييفها اقل من الهيونداي
والعربيه حجمها كبير فممكن يضايق بعض الناس في السواقه

[Islam Hany]

هو من ناحية التسارع فا زي مالاستاذ loklok بيقول فا هي زي اي عربية اوروبي تقيلة شوية علي الاولاني والتاني لكن بعد كدة لما بتفتح بتاكل الطريق و ثباتها اعلي من الكوري علي السرعات والتكييف طبعا بالنسبة للكوري والياباني لا يوجد مقارنة اصلا اقل بكثيير لكنه مرضي و عمتا انا معايا المانوال و هي جميلة جدا ولو موضوع الاوتوماتك مش فارق معاك في السواقة يبقي هي المانوال علي طول و ربنا يوفقك إن شاء الله

[أسامه الحسيني]

راى تجيب الاوتوماتيك هتريحك وهتحس بفرق كبير وعلى فكره مشاكل الفتيس مش كتير ولا حاجة

[ozozo]

يعني انتو شايفين انها احلي من الهوندا سيتي اوتو وقطع غيارها رخيصة وعاوز افهم موضوع مثبت ومحدد السرعة في الميجان

[تامر.محمد]

قطع السيتي اغلى على فكرة