كونتاكت فلوانس 2015

[abdallasoliman]

الحمدالله.. اشتريت فلوانس كسر زيرو الفئة e3s.اللون موكا...ارجوا افادتي..لما بدوس ستارت لفتح كونتاكت العربية...بفتح بس زاراير الزجاج للرفع والنزول مابتشتغلشى.. الا لازم ادور العربية..غير الميدان.

[Hany Saad]

دخل الكارت فى الفتحة بتعته دون الضغط على زر الأستارت هتلاقى الكونتاكت فتح لوحده، و هتلاقى الزجاج و كل حاجة شغالة معاك تمام
جرب و قولى

تحياتى

[abdallasoliman]

الف شكر م.هانى على الاهتمام..جربت تمام
ارجوا ان لا اكون بزعجك.. كيفية تشغيل مثبت السرعة.ومحدد السرعة. لان اول مرة اركب سيارة بها الاوبشن دة..واكون شاكر لك

[Hany Saad]

تحت أمرك...مفيش إزعاج

النظام ده محدد او مثبت السرعة مكون من جزئين أساسيين
١- زر التفعيل جنب فرامل اليد: لأسفل محدد و لأعلى مثبت
٢- مجموعة الكنترول و ديه موجوده فى طارة الدريكسيون:
+ لزيادة السرعة بمقدار ٢كم/ساعة لكل ضغطه
- لتنقيص السرعة بمقدار ٢ كم/ساعة لكل ضغطة
0 لفصل النظام
R او recall لأعادة ضبط السرعة على أخر سرعة مخزنة قبل فصلها بزر 0
و طبعاً نظام متكامل للمعلومات فى الشاشة بتعرف منه انه نظام شغال و السرعة كام و كمان إشارة ضوئية واضحة توضحلك لو تعديت السرعة المخزنة او لا

طبعاً النظامين مش بيشتغلوا الا لو سرعة العربية تعدت ٣٠ كم/ ساعة

المحدد فايدته للرادارات انك بتفعله من الزر الأساسي و بعدين بتسوق عادى لغاية اقصى سرعة مسموحة للرادار و ليكن ١٢٠ كم/ساعة مثلاً و لما بتوصلها بتدوس على زر + فبتلاقى السرعة دى اتثبتت و ظهرت فى الشاشة و مهما دوست على دواسة البنزين فلن تتخطى السرعة المثبتة الا فى حالة الطوارىء و مع الضغط الشديد على بدال البنزين لاسفل سوف يفصل النظام علشان بيفهم ان فيه موقف طارىء....لفصل النظام طبيعياً ممكن عن طريق الضغط على زر 0 او زر التفعيل الأساسى

المثبت بالمثل تماماً و لكن فايدته انك تريح رجلك من على دواسة البنزين فى السفر و الطرق الواسعة و بتتحكم فى بدال البنزين من ازرار ال + و ال -
الضعط على زر 0 بيفصل النظام و الضغط على زر ال R بيستدعى اخر سرعة كانت مخزنة قبل الفصل

تحياتى