مشكله فى الميجان : العربيه بتبرجل

[human]

ازى الوحوش
عندى مشكله غريبه

- العربيه بتدور عادى و مافيش رجه او مشاكل
- لما بتكون العربيه ماشيه وهيه على التانى بحس جامد بنقله الاتوماتيك
- الاحساس ده مش موجود مع التالت للرابع
-لو شلت رجلى من على البنزين و انا على التالت و العربيه هتنزل التانى بحس ان العربيه بتترج خفيف زى مايكون برجله بسيطه

حد يعرف الموضوع ده من ايه؟

[Ahmed Selim]

موضوع غريب شوية.....يعنى مش معتاد

طيب الكلام ده بقاله كتير ولا يوم أو أتنين بس ؟
عربيتك كانت عاملة كام ألف كم ؟
ويا ترى صاحبها كان غيرلها زيت فتيس قبل كده ولا لأ؟

[عمرو عمارة]

ازى الوحوش
عندى مشكله غريبه

- العربيه بتدور عادى و مافيش رجه او مشاكل
- لما بتكون العربيه ماشيه وهيه على التانى بحس جامد بنقله الاتوماتيك
- الاحساس ده مش موجود مع التالت للرابع
-لو شلت رجلى من على البنزين و انا على التالت و العربيه هتنزل التانى بحس ان العربيه بتترج خفيف زى مايكون برجله بسيطه

حد يعرف الموضوع ده من ايه؟

أعتقد يا طارق باشا دي ممكن تكون يا إما زيت عايز يتغير أو Software

[human]

شكرا لاحمد و شكرا لعمرو
انا لسه عامل صيانه ال 10 تلاف من حوالى 2500 كيلو
و العربيه عامه عامله 42500
و الموضوع ده حصل من حوالى الف كيلو كده
بيظهر و يختفى

انا قلت لو رحت الوكيل هيجرب و مش هيلاقى حاجه فاستنى لما تبان اكتر

و اهى بانت اكتر فهعمل حسابى فى زياره بس قلت اخد رأيكوا

[Ahmed Selim]

هى غريبة شوية يا طارق بس طالما تقدر تروح التوكيل روح طبعاً وبسرعة.....و عاوزك تستغلهم بما أنك لسه فى الضمان :)

[محمد عز]

الموضوع ده بيحصل وانت بتشد بالعربيه يعنى بتحاوول تسرع وانت طالع بس
ولا بيحصل فى كل الاحاول سواء طالع بنعومة او طالع بتشد

[human]

ايوه لسه فى الضمان و ماخدتش منه حاجه لا انا ولا اللى قابلى :)

بص يا محمد لو انا بشد مش بتبرجل من التانى للتالت خفيف بس تبرجل من التالت للتانى لو انا ريحت رجلى من على البنزين خفيف او مره واحده

و كمان بتبان لما اكون هادى و الاتو بينقل من التانى للتالت

[محمد عز]

شكلها بسيط ان شاء الله
انا شايف انها ممكن تكون مشكله سوفت وير لحساس السرعه اللى فى الفتيس والله اعلم

[human]

ربنا يسهل يا محمد
انا إن شاء الله هروح فى اقرب وقت و اقولكم عملت ايه

شكرا لاحسن وحووووش و اصدقاءنا بقسم المازدا

[Sharky]

طارق باشا
إنت بتغير من نظام سواقتك كتير و إنت ماشى ؟

[human]

اهمممم
وضحلى يا شاركى
لما السكه ماشيه بجرى و لو واقفه بمشى بالراحه

[tamer_samy]

طارق باشا
انا مش هقدر افيدك بحاجه لاني حديث العهد بالميجان
بس هي ان شاء الله حاجه بسيطه و ابقي طمنا عليك بعد ما تروح التوكيل

[Sharky]

يعنى قصدى سواقتك مش واحدة يعنى بتجرى و تهدى كتير قبل ما النقلة تاخد حقها

على العموم دا 90% سوفت وير الفتيس

[farahat]

إحتمال فعلاً يكون سوفتوير فتيس ذي كلام الوحوش ،
عندي سؤال أخر .. هي بتعمل كدة و حضرتك وقف برضه ؟ يعني فيه رجة خفيفة في السلانسيه ؟ لو كدة يبقى في إحتمال يكون كويل ، و دة عادي مش بيبان في السرعات العالية للموتور لكن بيبان لما ال-rpm يقل شوية يعني لما العربية تهدي

إن شاء الله خير

[Ahmed Selim]

طمنا يا طارق....عملت أيه ؟ و لا لسه مفضتش؟