مساعدة في تقييم ميجان بانوراما 2006

[heema78]

السلام عليكم
انا عارف ان الموضوع ده بقي شبه مكرر كل شوية بس معلش اكيد الاستشارة فيها فايدة للجميع
انا معروض علي عربية ميجان 2006 عاملة 65 الف كم بانوراما كل الكماليات بما فيها مثبت سرعة وصاحبها باين عليه محافظ عليها وحالتها كويسة بس انا قلقان من حاجتين
1) انها خرجت من الضمان وخايف بعد لما اشتريها تطلعلي اي مفاجاة غير سارة
2) انها عاملة 65 الف كم انا مش عارف ده كتير ولا لا بس انا كان نفسي في عربية عداد خفيفي يعني بالكتير 20 او 30 الف بس بصراحة زهقت ومستعجل لان مشوار شغلي طويل ومتعب اوي فبفكر اخلص وخلاص طالما الحالة كويسة
فكنت عاوز رايكم ياتري 65 الف كم يعتبر كتير ولا بالنسبة لعربية حديثة يعتبر ولا حاجة ؟؟؟
ثانيا ايه تقيمكم للسعر بتاعها وكده واخد بالي من ايه وانا بكشف عليها في التوكيل
شكرا

[fahd_628]

هوة كان بيعمل الصيانة بتاعتها فى التوكيل ؟

لو كدة يبقى تكشف عليها فى التوكيل و هوة حيقولك العربية فيها اية كل صغيرة و كبيرة

و لو تمام يبقى توكل على الله

[Amr_Moh]

السلام عليكم
انا كان نفسي في عربية عداد خفيفي يعني بالكتير 20 او 30 الف بس
شكرا

إنت كدة بتدور في -٢٠٠٧- ٢٠٠٨ -

ميزة عربية عملة ٦٥ انها عملت صيانة ال-٦٠ وده لوحدها بحوالي ٣٠٠٠

[Sharky]

السلام عليكم
انا عارف ان الموضوع ده بقي شبه مكرر كل شوية بس معلش اكيد الاستشارة فيها فايدة للجميع
انا معروض علي عربية ميجان 2006 عاملة 65 الف كم بانوراما كل الكماليات بما فيها مثبت سرعة وصاحبها باين عليه محافظ عليها وحالتها كويسة بس انا قلقان من حاجتين
1) انها خرجت من الضمان وخايف بعد لما اشتريها تطلعلي اي مفاجاة غير سارة

لو العربية مواظبة على الصيانة الدورية فى التوكيل و إنت ناوى تستمر كده يبقى إن شاء الله لن تظهر أى مفأجات غير سارة

2) انها عاملة 65 الف كم انا مش عارف ده كتير ولا لا بس انا كان نفسي في عربية عداد خفيفي يعني بالكتير 20 او 30 الف بس بصراحة زهقت ومستعجل لان مشوار شغلي طويل ومتعب اوي فبفكر اخلص وخلاص طالما الحالة كويسة
فكنت عاوز رايكم ياتري 65 الف كم يعتبر كتير ولا بالنسبة لعربية حديثة يعتبر ولا حاجة ؟؟؟

65 الف فى 3 سنوات يعتبر معدل طبيعى يعنى العربية تعتبر ماشية فى حدود 22 الف فى السنة

لكن لو بدور على عربية فى حدود 20 او 30 الف يبقى خليك فى موديل 2007 أو 2008

ثانيا ايه تقيمكم للسعر بتاعها وكده واخد بالي من ايه وانا بكشف عليها في التوكيل
شكرا

على ما أظن إن سعرها حيبقى فى التمانينات و يفرق حسب الحالة
تأكد من إن السيارة قامت بالصيانات الستة (10 الاف حتى 60 الف ) فى التوكيل فى مواعيدها

[heema78]

65 الف فى 3 سنوات يعتبر معدل طبيعى يعنى العربية تعتبر ماشية فى حدود 22 الف فى السنة

هو 65 الف في 3 سنين معقول بس انا كان قصدي 65 الف في عمر العربية عموما يعتبر كتير ولا يعتبر ولا حاجة؟؟

يعني انا بتهيالي اجمل فترة في عمر اي عربية هي بعد اول 10 الاف فتفتكروا في حاله الميجان الفترة الحلوة ديه بتستمر لغاية كام الف؟؟ 100؟؟ 200؟؟؟

ايه رايكم؟؟ يعني ياتري لو اشتريت عربية عاملة بالفعل 65 الف هلحق استمتع باحسن فترة في حياتها ولا لا؟؟ :)

[Ahmed Selim]

أى حاجة مش ألمانى أعتقد أخرها هيبقى 150 ألف بالكتير......بس لسه مجربتش حاجة مش ألمانى بعد الرقم ده

[ahmed1_com]

لا طبعا يا باشا حتقدر تستمتع بيها طبعا الفرنساوى معروف فى عمر ماتوره وخش وشوف مواضيع بجو فى عريات بيجو 405 عملت مليون كيلو ولسه معمرتش والكلام ده والله مبضحك عليك خشوشف فى بيجو وكمان عمر الماتور الفرنساوى اعلى من الالمانى بس ياترى حضرتك سعرها كام العربيه النت شايفها اصلى انا برده قدامى واحده وبفكر زيك اجيبها بس القدامى 2005 وبرده بفكر فيها

[heema78]

لا طبعا يا باشا حتقدر تستمتع بيها طبعا الفرنساوى معروف فى عمر ماتوره وخش وشوف مواضيع بجو فى عريات بيجو 405 عملت مليون كيلو ولسه معمرتش والكلام ده والله مبضحك عليك خشوشف فى بيجو وكمان عمر الماتور الفرنساوى اعلى من الالمانى بس ياترى حضرتك سعرها كام العربيه النت شايفها اصلى انا برده قدامى واحده وبفكر زيك اجيبها بس القدامى 2005 وبرده بفكر فيها

هو طالب فيها 85 الف مش عارف ده يبقي معقول ولا كتير شوية وبما ان انا اصلا مش بعرف افاصل يبقي ان شاء الله لو خلصت فيها مش هيبقي بعيد عن المبلغ ده

[hamata]

هو طالب فيها 85 الف مش عارف ده يبقي معقول ولا كتير شوية وبما ان انا اصلا مش بعرف افاصل يبقي ان شاء الله لو خلصت فيها مش هيبقي بعيد عن المبلغ ده

شوف يا باشا الاعلان ده على ميجان بانوراما 2007 من كونتاكت كارز
88000 جنيها
موديل 2007 | 16000 كم
بحالة الزيروووو 16 الف عداد اول يد من الزيرو لم تستعمل لون فضى سقف بانوراما تحت الضمان
الإسم: GreenOne
تليفون: 0186768989

[Ahmed Selim]

شوف يا باشا الاعلان ده على ميجان بانوراما 2007 من كونتاكت كارز
88000 جنيها
موديل 2007 | 16000 كم
بحالة الزيروووو 16 الف عداد اول يد من الزيرو لم تستعمل لون فضى سقف بانوراما تحت الضمان
الإسم: GreenOne
تليفون: 0186768989

أنا عن نفسى أقلق من موديل 2007 ماشية 16 ألف كم بس وبيبيع ب 88 .....أول الكلام

[Sharky]

65 الف فى 3 سنوات يعتبر معدل طبيعى يعنى العربية تعتبر ماشية فى حدود 22 الف فى السنة

هو 65 الف في 3 سنين معقول بس انا كان قصدي 65 الف في عمر العربية عموما يعتبر كتير ولا يعتبر ولا حاجة؟؟

يعني انا بتهيالي اجمل فترة في عمر اي عربية هي بعد اول 10 الاف فتفتكروا في حاله الميجان الفترة الحلوة ديه بتستمر لغاية كام الف؟؟ 100؟؟ 200؟؟؟

ايه رايكم؟؟ يعني ياتري لو اشتريت عربية عاملة بالفعل 65 الف هلحق استمتع باحسن فترة في حياتها ولا لا؟؟ :)

أنا أعرف واحد كان معايا فى شغلى القديم معاه رينو كليو موديل 2002 كانت عاملة لحد السنة إللى فاتت فوق 250 الف كم و كانت التها زى الفل

[heema78]

شوف يا باشا الاعلان ده على ميجان بانوراما 2007 من كونتاكت كارز
88000 جنيها
موديل 2007 | 16000 كم
بحالة الزيروووو 16 الف عداد اول يد من الزيرو لم تستعمل لون فضى سقف بانوراما تحت الضمان
الإسم: GreenOne
تليفون: 0186768989

سبحان الله انا كلمت الرجل بتاع الاعلان ده فعلا قبل ما اتفق اني اروح اكشف علي ال 2006 وطلع معرض وديه لوحدها سدت نفسي لان كان لي تجربة مع بتاع معرض قبل كده قال علي حاجة وبعض لما روحتله اخر الدنيا طلعت حاجه تانبة خالص! وبعدين قالي انها الشكل القديم مش عارف ازاي وهي 2007؟؟ وان فيها شرخ بسيط في الزجاج القدام وكسر في الفانوس الي ورا ومفيش مثبت سرعة فقلقت وانا اصلا مش عاوز اتعامل مع معارض

تقريبا والله اعلم دايما المعارض عندهم عربيات لقطه يعني عاملة 10-20 الف وسعرها اقل من المتوسط!! مش عارف ازاي !! ففي الغالب بيبقي فيها حاجة غلط

انا دلوقتي( زي احد الاعضاء هنا مكان كاتب )في فرع العبور ومستني الكشف الهلامي ده يارب استفيد منه بحاجة لان انا صبري للاسف قصير وقررت اني اخلص وخلاص بس المهم ميكنش فيه مشاكل كبيرة يا رب لان ديه اول تجربة شراء عربية لي وبصراحة قلقان موت

سلام

[Ahmed Selim]

أولاً ربنا معاك

ثانياً تابعنا أول بأول و قولنا أيه الأخبار..........و أصبر الموضوع هيطول شوية.

[heema78]

أولاً ربنا معاك

ثانياً تابعنا أول بأول و قولنا أيه الأخبار..........و أصبر الموضوع هيطول شوية.

اولا شكرا علي اهتمامك
ثانيا الحمد لله التقرير طلع كويس انا كان اهم حاجة عندي ان الموتور والكهرباء يطلعو تمام لكن كالعادة طبعا في العفشة بيطلعوا كل حاجة بايظة لدرجة انه كاتب (طقم جنوط +طقم كاوتش) مع ان شكل الكاوتش حالته كويسة والجنوط علي الاقل مش ظاهر فيها مشاكل وفي التقرير شوية حاجات تانية عاوز ابقي استشيركم فيها بالتفصيل

بس دلوقتي بما اني ان شاء الله ناوي اخلص كنت عاوز اسال عن ايه الحاجات المفروض استلمها مع او في العربية؟؟ خصوصا كارت التشغيل مش عارف كنت قريت فين ان المفروض معاه مفتاح عشان الباب في الطوارئ وكده يا تري ده صحيح؟؟؟ يا ريت حد يوضح ايه بالضبط الحاجات اللي اتاكد اني استلمها مع العربية

شكرا

[Ahmed Selim]

1- عدد 2 كارت تشغيل ( كل كارت هتلاقى فيه جزء بيتفك و يطلع منه المفتاح )
2- كتالوجات العربية والكاسيت وكتيب الصيانة
3- مفتاح العجل
4- مفك صليبة
5- أستبن
6- أريال السقف
7- طفاية سجاير
8- ولاعة سجاير