اي حد عندة استفسار في ستروين انا في الخدمة

[Romeo26222]

مساء الخير
لو سمحت أنا إن شاء الله هشترى سيارة c4 2005 من أحد الأعضاء الأفاضل
وكنت أود أن أعرف سعر الكشف على السيارة فى التوكيل وفى أمير وجوزيف
وإن تم اختيار الكشف فى أمير وجوزيف هل يمكنني الحضور يوم الجمعة؟

بالنسبة للسيارة
المشاكل التي لاحظتها وأود الاستفسار عنها هي:
1- عند تدوير السيارة (بعد الركنة لفترة) وعند الضغط على دواسة البنزين يصدر صوت شبه التقطيعة البسيطة الناتجة عن عيب في البوجيهات رغم أن صاحب السيارة قد قام بتغيير البوجيهات منذ فترة قريبة.
2- عند ضغط دواسة البنزين ورفع قدمك من عليها تحدث رجة فى الموتور ويقول صاحب السيارة أنها بسبب قاعدة الموتور وأنه قام بتغييرها ولكن المشكلة لم تحل.
3- الريموت الخاص بمفتاح السيارة بجميع إمكانياته لا يعمل.

السيارة موديل 2005 أوتوماتيك قطعت 80 ألف كيلومتر

اسف علي التاخير في الرد
يمكنك طبعا الحضور يوم الجمعة للكشف علي السيارة

[Romeo26222]

السلام عليكم ورحمة الله وبركاته

معايا سيتروين ax 1400 موديل 1994 عندى صوت فى العفشة وكنت عاوز اعرف حد كويس يشتغل فيها

بشوف ان قطع الغيار بالنسبة 1400 قليلة فى الأستيراد 1100 متوفرة وكتيرة هل 1400 شغل مصرى فقط

أغلب اصوات العفشة في الستروين ax بيكون مصدرها علبة الدركسيون وهي بالفعل مش متوفرة اوي
راجع الخاص عندك هتلاقي بيانات وتليفونات حد كويس وموثوق فية يشتغل فيها

[abdelrahmanhamdy]

مساء الخير يا شباب
انا زميلكم فى المنتدى و عندى عربية اوبل بس النهاردة مشاركتى عندكم فى قسم ستروين لأنى نويت ابيع عربيتى الاوبل و ان شاء الله ناوى اشترى اكسارا 2 موديل 2004 اوتوماتيك

انا طبعا عاوز اعرف كل حاجة عن اكسارا 2 موديل 2004 اوتوماتيك

ياريت الاخوة الافاضل مالكى اكسارا 2 اوتوماتيك 2004 او من يعرف عنها اى معلومات عنها يتفضل بالاشارة اليها

فى بعض الاسئلة بخصوص
- العربية بتظل ثابتة حتى سرعة كام تقريبا ؟
- تكييف العربية لو مظبوط حالته ايه و بيأثر على عزم الموتور بنسبة اد ايه تقريبا ؟
- معدل استهلاك البنزين داخل المدينة و على الطرق السريعة
- هل الاكسارا 2 موديل 2004 فيها فتحة سقف ولا لأ ؟؟
- الاربعة زجاج كهرباء ولا الاتنين اللى قدام بس ؟؟
- الدركسيون مالتى فنكشن للكاسيت بس ولا بيتحكم فى حاجة تانى غير الكاسيت و هل لو غيرنا الكاسيت بيتلغى المالتى فنكشن ولا لأ ؟؟؟؟
- سمعت ان كرسى السائق كهرباء هل المعلومة دى صحيحة ولا لأ ؟؟
- ايه اغلى حاجة فى صيانة العربية الحساسات ام العفشة ام الميكانيكا ....


انا مهتم جدا بهذا الموديل و دى الاسئلة اللى فى بالى حاليا. استاذن حضراتكم ياريت لو فى اى تفاصيل تانية عن العربية ياريت يتم ذكرها جزاكم الله خيرا

اخيرا يسعدنى جدا الانضمام لقسم ستروين و فى انتظار ردودكم و شكرا جزيلا

[Romeo26222]

- العربية بتظل ثابتة حتى سرعة كام تقريبا ؟ 160
- تكييف العربية لو مظبوط حالته ايه و بيأثر على عزم الموتور بنسبة اد ايه تقريبا ؟ التكييف جيد وتأثيرة غير ملحوظ علي اداء المحرك
- معدل استهلاك البنزين داخل المدينة و على الطرق السريعة؟ من 200 الي 240 كيلو في العشرين لتر
- هل الاكسارا 2 موديل 2004 فيها فتحة سقف ولا لأ ؟؟ لا
- الاربعة زجاج كهرباء ولا الاتنين اللى قدام بس ؟؟ الاربعة
- الدركسيون مالتى فنكشن للكاسيت بس ولا بيتحكم فى حاجة تانى غير الكاسيت و هل لو غيرنا الكاسيت بيتلغى المالتى فنكشن ولا لأ ؟؟؟؟ للكاسيت فقط ولو غيرت الكاسيت لن تعمل هذة الازرار
- سمعت ان كرسى السائق كهرباء هل المعلومة دى صحيحة ولا لأ ؟؟ غير صحيحة
- ايه اغلى حاجة فى صيانة العربية الحساسات ام العفشة ام الميكانيكا؟؟ الحساسات معمرة ومش بتبوظ لو الصيانات في مواعيدها والعفشة كذلك والصيانات الدورية اغلي من العربيات الكوري والياباني طبعا لكن في نطاق معقول خصوصا وان الزيت والفلتر بتاعها بيتغير كل 15000 كم يعني بتوفر اكتر من العربيات التانية

[abdelrahmanhamdy]

- العربية بتظل ثابتة حتى سرعة كام تقريبا ؟ 160
- تكييف العربية لو مظبوط حالته ايه و بيأثر على عزم الموتور بنسبة اد ايه تقريبا ؟ التكييف جيد وتأثيرة غير ملحوظ علي اداء المحرك
- معدل استهلاك البنزين داخل المدينة و على الطرق السريعة؟ من 200 الي 240 كيلو في العشرين لتر
- هل الاكسارا 2 موديل 2004 فيها فتحة سقف ولا لأ ؟؟ لا
- الاربعة زجاج كهرباء ولا الاتنين اللى قدام بس ؟؟ الاربعة
- الدركسيون مالتى فنكشن للكاسيت بس ولا بيتحكم فى حاجة تانى غير الكاسيت و هل لو غيرنا الكاسيت بيتلغى المالتى فنكشن ولا لأ ؟؟؟؟ للكاسيت فقط ولو غيرت الكاسيت لن تعمل هذة الازرار
- سمعت ان كرسى السائق كهرباء هل المعلومة دى صحيحة ولا لأ ؟؟ غير صحيحة
- ايه اغلى حاجة فى صيانة العربية الحساسات ام العفشة ام الميكانيكا؟؟ الحساسات معمرة ومش بتبوظ لو الصيانات في مواعيدها والعفشة كذلك والصيانات الدورية اغلي من العربيات الكوري والياباني طبعا لكن في نطاق معقول خصوصا وان الزيت والفلتر بتاعها بيتغير كل 15000 كم يعني بتوفر اكتر من العربيات التانية

ربنا يكرمك و يجعله فى ميزان حسناتك ان شاء الله
انا عملت نفس الموضوع منفصل فى غير هذا الموضوع و حتى الان 9 مشاهدة ولا يوجد اى مشاركة
مش عارف رجالة ستروين مش عاوزين اصدقاء جدد ولا ايه

[samagroup]

عندي مشكله في فتيس اكسارا ٢ اتوماتيك

اولا ازيك ياباشمهندس رامي
انا عندي نتشه في النزول من الثاني للاول عند ١٠ ك تقريبا
واحيانا عند النزول عند ٤٠ ك
ولما باركن العربيه لفتره طوبله وانا بانقل لاي غيار باسمع رزعه ارجو ان تساعدني في حل هذه المشكله وشكرا

[mezomh2006]

استاذنا العزيز رامى انا كنت سألت حضرتك عن ال c3 2003
كنت حضرتك وضحتلى ان علبة الدريكسيون بتاعتها ب 17 الف جنيه انا سألت عليها استيراد ب 1000 الف جنيه فقط
معقوله يكون فرق السعر بينها جديده واستعمال 16 الف جنيه
وكنت عايز اعرف سعر ال مقصات بتاعتها بكام و الفانوس الامامى بكام
ولو فيه عند حضرتك الكاتلوج بتاعها يبقى كتر خيرك
ومتشكر جدا تعب حضرتك

[kimooo82]

السلام عليكم
شكرا جزيلا على مجهودكم الرائع يا م/ رامي وأود معرفة سعر إكسارا 2002 كاملة مانيول وما هى أهم عيوبها وأماكن صيانتها

[razlu]

كيفية تغيير بطارية Citroen Picasso 2005

[Beeso]

السلام عليكم وكل سنة وأنتم طيبين,
أنا عندي مشكلة في فتيس اوتوماتيك 4 C أنا عملت الموضوع في الات الجر فمش عاوز اكرره

اللينك أهي

http://www.nilemotors.net/Nile/236870-c4.html

شكرا

[Beeso]

السلام عليكم وكل سنة وأنتم طيبين,
أنا عندي مشكلة في فتيس اوتوماتيك 4 C أنا عملت الموضوع في الات الجر فمش عاوز اكرره

اللينك أهي

http://www.nilemotors.net/Nile/236870-c4.html

شكرا

أستاذ رامي,

أرجو الرد على سؤالي عشان أنا كنت باقرأ لقيت إنك كاتب إن في مشكلة في الفتيس لحد موديلات 2006 وبعدين في ناس ردت وقالوا إنها برده في 2007 وانا عربيتي 2007 عاملة 37000 كم بس وكبتت :

1- Service Gearbox
2- Faulty Gearbox (وعلقت مرة على D3 ومرجعتش غير لما بطلت ودورت تاني )

أرجو سرعة الرد عشان أنا ساكن في التجمع والموضوع ده عملي مشكلة عشان العربية مركونه وكل سنة وإنت طيب

ياريت لو حد عنده أي خبرة في موضوع الفتيس بتاع ال C4 يفيدني

شكرا

[zecapet]

تكاليف بطاقة تشغيل سى 4 موديل 2006

م. رامى

السيارة كانت عاملة حادثة م الجهة اليسرى الامامية و عند تقفيلها السيترة محرك السيارة لا يعمل ما السبب؟

اذا كانت بطاقة التشغيل فما سعرها؟

[zecapet]

لا الفرق مش واضح ومش اساسي..طبعا الاصلي صناعتة اقوي وافضل لكن للاسف هنا في مصر المرايات بتتكسر كتير فنصيحتي لك خد الارخص

انا اشتريت الفانوس التايوانى ب 375 من الحرفيين

[Romeo26222]

م. رامى

السيارة كانت عاملة حادثة م الجهة اليسرى الامامية و عند تقفيلها السيترة محرك السيارة لا يعمل ما السبب؟

اذا كانت بطاقة التشغيل فما سعرها؟

اعتقد مشكلتك هتكون في ضفيرة السيارة مش في الكنترول ولازم يتكشف عليها

[Romeo26222]

أستاذ رامي,

أرجو الرد على سؤالي عشان أنا كنت باقرأ لقيت إنك كاتب إن في مشكلة في الفتيس لحد موديلات 2006 وبعدين في ناس ردت وقالوا إنها برده في 2007 وانا عربيتي 2007 عاملة 37000 كم بس وكبتت :

1- service gearbox
2- faulty gearbox (وعلقت مرة على d3 ومرجعتش غير لما بطلت ودورت تاني )

أرجو سرعة الرد عشان أنا ساكن في التجمع والموضوع ده عملي مشكلة عشان العربية مركونه وكل سنة وإنت طيب

ياريت لو حد عنده أي خبرة في موضوع الفتيس بتاع ال c4 يفيدني

شكرا

يستحسن الكشف علي السيارة بالجهاز لو تكررت المشكلة....