هـل سيترويـن AX حقن إليكتـرونى - ما معـدل إستهلاك البنزيـن - أسعــار قطـع الغيــار

[Ahmed Hamdy]

سلام عليكم ..
عندى بعض الأسئلة عن الستروين AX
هو موتورها حقن الكترونى ولا لأ ؟؟
ومعدل استهلاك البنزين فيها ايه ؟؟
وقطع غيارها غالية ولا لأ ؟؟
وياريت أمثلة لأسعار قطع الغيار ..
معلش اصل انا بفكر اشترى العربية دى وعايز أعرف عنها معلومات كتير ..

ِشكرا
أحمد حمدى

[Ahmed Hamdy]

محدش بيرد ليه ؟؟

يا جماعة محدش بيرد ليه على الاسئلة دى ؟؟
محدش عنده AX ولا ايه ؟

[Nader]

هو موتورها حقن الكترونى ولا لأ ؟؟

لا موتورها كربياتير

ومعدل استهلاك البنزين فيها ايه ؟؟

بالنسبة للـ1400cc يعتبر عالي شوية، بس مش اوي

وقطع غيارها غالية ولا لأ ؟؟

هي دة مشكلتها الكبرى، دة لو لقيت ليها قطع الغيار اصلاً "انا بتكلم عن الجديد مش الاستيراد".

[speed demon666]

يا مان , بالنسبه لاستهلاك البنزين انا معتقدش انها بتاكل بنزين كتتير وده عن تجربه , اما بالنسبه لقطع الغيار فأنا بختلف مع الاخ نادر في الموضوع ده ,انا عندي عربيتين سيتروين ايه اكس والحمد لله كل ما اجي اغير حاجه فيها بلائي قطع الغيار اللي انا عايزها و على فكره كل الاشاعات و الكلام اللي بتسمعه عن العربيه دي معظمه مش حقيقي , انا متفق معاك ان ساعات سعر قطع الغيار بيكون مبالغ فيه بس ايه ....... ساعات مش على طول .
انا عن نفسي مقتنع تماما بالعربيه دي , ولولا ان انا ظروفي بتجبرني على اني اجيب عربيه اكبر مكنتش فكرت ابيعها :(

[Ahmed Hamdy]

طيب فين اماكن قطع الغيار ؟؟

طيب فين بتتباع قطع الغيار بتاعتها ؟؟
انا أعرف التوفيقية وشارع دمشق ..
موجودين هناك ولا فى محلات معينة فى مناطق تانية ؟؟

ولو تفتكر أسعار بعض قطع الغيار اللى انتى اشتريتها يبقى شئ جميل ..

شكرا ..

[wlng76]

أنا كنت ناوى اشترى العربية دى بس كتير أكدولى ان قع غيارها غالية, ودا طبعا مقارنة بعربيات أغلى منها فى سعر السوق, وكمان مفيش منها نضيف الا قليل, لكن لو عربية نضيفة قوى و 1400 واساساتها سليمة وكل حاجة فى مكانها والتابلوه شغال وضفيرة الكهرباء مش ملعوب فيها بالإنذار والكلام دا وفى حدود 25 تكون عربية ممتازة ومش خسارة فيا الفلوس.
بالنسبة لقطع الغيار انا سمعت انها بتتباع فى التوفيقية عند امير وجوزيف.

[fouzei]

يا جماعة العربية AX و ZX زي بعض تقريباً وهم عربيات محترمة جداً وقطع غيارها موجودة واسعارها معقولة
انا كان عندي ZX ولية بايعها من اسبوع علشان محتاج حاجة حديثة علشان ظروف الشغل عندي لازم يكون معايا عربية حديثة علشان مقابلات العملاء
المهم العربية دي قطع غيارها موجودة في التوفقيقية عند امير وجوزيف و مجدي اسحق وموجودة في شارع البحر الاعظم بالجيزة عند الفراعنة (اما القرية الفرعونية) ودة اقل واحد في الاسعار وبعدية اسحق واغلى واحد امير وجوزيف
مثال لقطع الغيار,
الفانوس الامامي 160
بلية العجل الامامي 110
كوبلن جدبد 1100 واستيراد 500 و راس كوبلن بس اشتيراد 220
كونتاك كوري 95 - فرنساوي 200
مارش استيراد 250
مشط اليكتروني 185
ذراع النور والكلاكس 180
اسطوانة دبرياج 300 تقريباً (مش فاكر بالتحديد)
قاعدة فتيس 60
دة اللي انا فاكرة والاسعار دي كلها كانت خلال السنة دي 2007

[habdelbar]

انا باييد كلام speed demon اوى. وانا برضو فى نفس الظروف لولا انى مضطر انى اجيب عربية اكبر ما كونتش بعتها وبرضو جبت ستروين بس زد اكس :)
انا بس فى راى هيا عايزة ح يكون بيحب السواقة عشان يعرف قيمة العربية دى بجد لو سوقت العربية دى وكانت نضيفة وظبوطة مش هاتعرف تسوق كورى تانى فى حدودو المعقول طبعا لكن مثلا الالانترا والماتريكس والحاجات دى اكيد احسن منها طبعا لكن فى حدود مستواها زى الاكسنت والاكسيل.

هشام

[elghrory]

قطع الغيار

على فكرة يا جماعة قطع غيارها كلها متوفرة جديدة وبأسعار كويسة موصلتش لليبانى
وهتلقوها عند نافع فى شارع دمشق ارخص بكثير عن اميروجوزيف

[speed demon666]

لو حد يعرف يجيبلي المنيوال بتاع الصيانه بتاعها أكون شاكر ليه جدا , انا بلف عليه من زمان و مش عارف اجيبه

[elghrory]

موجود

هو كان عندى هدورلك عليه وارفعهولك على الموقع