رائعه سيتروين - سى اليزيه الجديدة

[damasry]

فكر شوية كده ايه الإنا فى ان سعر العربية سيتروين اسبانى وموتور فرنساوى وفيها كل عوامل الامان والاوبشنز دى وتكون ب125 الف بس!!!!!

[AlGazar2]

فكر شوية كده ايه الإنا فى ان سعر العربية سيتروين اسبانى وموتور فرنساوى وفيها كل عوامل الامان والاوبشنز دى وتكون ب125 الف بس!!!!!

يا باشا الإنا ان العربيه نازله بموتور و فتيس قدام يعنى ما اتصرفش عليهم ابحاث و تطوير
ان الجمارك قيمتها قلت على الاوروبى فخلت سعرها قليل
مع الانتاج الكبير التكلفه الاجماليه بتقل و العربيه اكيد مش معموله للسوق المصرى

زى الرينو اللوجان
موتور قديم ما اتصرفش عليه و فتيس نفس الكلام و من غير جمارك العربيه رخيصه

و زى ما وضحتلك مفيش جدوى اقتصادية انهم يبعتوا يجيبوا الماتور من الصين و الى القطع الحيويه فيه بتتصنع فى فرنسا عشان يروح بعد كده اسبانيا الارخص ان الماتور يبقى متقفل فى فرنسا او اسبانيا مش فى الصين

[damasry]

يا باشا انا معاك ممكن الاليزيه تكون نزلت فى الصين فعلا قبل كده
بس لو الموتور ده صينى يبقى الاولى العربيه ما تتجمعش فى اسبانيا الى هيبقى فيها الايدى العامله اغلى و تتجمع فى الصين زى ال 408

لان فعليا عشان تجيب شحنه مواتير من الصين هيبقى سعرها مرتفع عن انك تجيبها من فرنسا مثلا بالنسبه لاسبانيا و دى عمليه تجارية بحته
زى الصنى الى بتتجمع هنا الموتور بتاعها بيجى متقفل فى الهند لان الهند اقرب لينا و الايدى العامه فيها ارخص غير اليابان مثلا

و الناس فى المعرض قالو ان ده نفس ماتور ال c4 و متعدل و الماتور مكانش فيه مشاكل كبيره و مشكله الفتيس الاعضاء قالوا انها اتحلت من بعد 2007 و اكيد هيفضل فى بعد كده مشاكل بس بشكل فردى و اقل

و اجمالا العربيه كشكل و سعر و اوبشن ممتازه جدا عن كل عربيات الفئة بتاعتها و كفايه علينا هيونداى و كيا لغايه كده

يا باشا الإليزيه مش موضوع ممكن تكون نزلت فى الصين ولا لأ لأن هى منزلتش قبل كده غير فى الصين وهى من اول 2002 وهى بتتصنع وتنزل هناك وكانت تطوير للسيتروين zx وفى 2008 حصلها فيس ليفت وطوروا الموتور وخلوه TU5JP4 بقوة 109 حصان وحاليا بقت سى إليزيه والموتور بقى 115 حصان.

العربية ها تتقفل فى اسبانيا عشان ها تتسوق هى والبيجو ال301 فى اوروبا

ونفس مثال الصنى اللى حضرتك ذكرته ينطبق على السى إليزيه ان المحرك ها يجى متقفل من الصين والعربية ها تتجمع فى اسبانيا.

على العموم انا لا اكره ان العربية تكون بالكامل اسبانى والمحرك والفتيس فرنساوى بس مش غريبة تكون فيها كل الإمكانيات دى وسعرها يكون فى اعلى فئة ب125 الف؟؟؟

اخيرا انا سبب اهتمامى بالعربية انى بفكر فيها لناس يهمنى امرهم وانا بفكر ارشحلهم العربية بس لازم اكون عارف عنها كل حاجة وبالنسبة ليا كون المحرك صينى لا يعيب العربية فى وجهة نظرى نظرا لسعرها ولثقتى فى صانعيها.

[damasry]

يا باشا الإنا ان العربيه نازله بموتور و فتيس قدام يعنى ما اتصرفش عليهم ابحاث و تطوير
ان الجمارك قيمتها قلت على الاوروبى فخلت سعرها قليل
مع الانتاج الكبير التكلفه الاجماليه بتقل و العربيه اكيد مش معموله للسوق المصرى

زى الرينو اللوجان
موتور قديم ما اتصرفش عليه و فتيس نفس الكلام و من غير جمارك العربيه رخيصه

و زى ما وضحتلك مفيش جدوى اقتصادية انهم يبعتوا يجيبوا الماتور من الصين و الى القطع الحيويه فيه بتتصنع فى فرنسا عشان يروح بعد كده اسبانيا الارخص ان الماتور يبقى متقفل فى فرنسا او اسبانيا مش فى الصين

يا جماعة المحرك لسه جديييييييييد ومنزلش ومش ها ينزل غير فى السى إليزيه والبيجو 301

اما بقى الجدوى الاقتصادية فمش تسألنى انا، دى حاجة راجعة لسيتروين انها حاطة محرك كل اللينكات بتقول انه بيتعمل فى الصين.

[A.Adel]

ارجع لكلامى اللى بقول فيه ان العربية ها تتصنع فى اسبانيا يعنى مجبتش سيرة انها ها تجيلنا من الصين، انا بتكلم على الموتور مش العربية

ياريت حضرتك تقرأ الكلام كويس وتفهم معناه او ممكن تسأل معنى الكلام ايه.

LOL
أنا اللي أقرأ الكلام كويس

طب اعملك إيه تاني ,ده أنا جايبلك الكلام مترجم من french ل english

this block, derived from the engine tu5jp4 which equipped in particular peugeot 207, is produced in french france of mechanics in douvrin in the pas-de-calais (100 000 engines a year for part of europe and north africa), in latin america (120 000 engines a year) and in china (750 000 engine a year

الكلام واضح جدا , عيب يعني لما اترجملك من english لعربي :)
ولا عشان المقال مكتوب فيه block بدل engine

[A.Adel]

فكر شوية كده ايه الإنا فى ان سعر العربية سيتروين اسبانى وموتور فرنساوى وفيها كل عوامل الامان والاوبشنز دى وتكون ب125 الف بس!!!!!

طب ما تقول إنهـا عجباك :) و إن سعرها كان مفاجأة ليك
بص مش تطلع عليها كلام مش فيها

[A.Adel]

يا جماعة المحرك لسه جديييييييييد ومنزلش ومش ها ينزل غير فى السى إليزيه والبيجو 301

اما بقى الجدوى الاقتصادية فمش تسألنى انا، دى حاجة راجعة لسيتروين انها حاطة محرك كل اللينكات بتقول انه بيتعمل فى الصين.

لتاني مرة هوضح لحضرتك :)

المواتير والعربيات اللي متصنعة في الصين , بتنزل للسوق الصيني بس

المواتير اللي بتنزل في شمال افريقيا و اوروبا , بتتصنع في فرنسا

الكلام كله مكتوب في اللينكات اللي إنت بنفسك جايبها !!!!!!!!!!!!!!!!!

[AlGazar2]

يا باشا الإليزيه مش موضوع ممكن تكون نزلت فى الصين ولا لأ لأن هى منزلتش قبل كده غير فى الصين وهى من اول 2002 وهى بتتصنع وتنزل هناك وكانت تطوير للسيتروين zx وفى 2008 حصلها فيس ليفت وطوروا الموتور وخلوه TU5JP4 بقوة 109 حصان وحاليا بقت سى إليزيه والموتور بقى 115 حصان.

العربية ها تتقفل فى اسبانيا عشان ها تتسوق هى والبيجو ال301 فى اوروبا

ونفس مثال الصنى اللى حضرتك ذكرته ينطبق على السى إليزيه ان المحرك ها يجى متقفل من الصين والعربية ها تتجمع فى اسبانيا.

على العموم انا لا اكره ان العربية تكون بالكامل اسبانى والمحرك والفتيس فرنساوى بس مش غريبة تكون فيها كل الإمكانيات دى وسعرها يكون فى اعلى فئة ب125 الف؟؟؟

اخيرا انا سبب اهتمامى بالعربية انى بفكر فيها لناس يهمنى امرهم وانا بفكر ارشحلهم العربية بس لازم اكون عارف عنها كل حاجة وبالنسبة ليا كون المحرك صينى لا يعيب العربية فى وجهة نظرى نظرا لسعرها ولثقتى فى صانعيها.

يا باشا استحاله ان الموتور ده منزلش فى عربيه قبل كده
لان ده هيرفع من تمن العربيه جدا حتى لو متصنع تحت السلم عشان يعملوا محرك لازم ابحاث و تطوير و مصاريف
لكن المحرك مستخدم بالفعل فى ال c4 و 308 و الفتيس كذلك
و المحرك عشان يجيبوه متقفل فى الصين و البلوكه معموله فى فرنسا و باقى الحاجة هيبقى الجدوى الاقتصادية صفر و التكلفه عاليه
و خلى بالك ان تصميم المحرك و اسطمبه الصب بتاعته و المواد المستخدمة دى تعتبر من الاسرار فى الشركات زى الاسرار العسكرية كده مفيش دوله بتديها لدوله تانيه الا لو باعتها ليها زى متسوبيشى ما بتعمل مع الصين بتبيعلهم تكنولوجيا المحرك و ممكن اسطمبة الصب او الكيفيه بتاعه تصنيع البلوكة دى

و خلى بالك ان بين فرنسا و اسبانيا المسافه مش كبيره و الاتنين فى اوروبا و بيتعاملوا بنفس العمله و مفيش جمارك بين دول اوروبا و الشحن تكلفته اقل لانه هيبقى برى و حتى لو بحرى فمش هتبقى زى التكلفه من الصين لفرنسا او اسبانيا مرورا بقناه السويس

لكن المحرك المتقفل فى الصين ده للسوق الصينية عشان المحرك الكامل من فرنسا للصين هيبقى تكلفته اعلى من المحرك المتقفل فى الصين عشان الحكومة الصينية بتشجع الموضوع ده
غير ان العربيه بيعملوها فى اوروبا عشان متوجهه للسوق الاوروبى مش للسوق المصرى و الا كانوا جابوهالنا من الصين ارخص

و العربيه فعلا ممتازه و مايتخافش منها و مواتير بيجو سيتروين مفيش منها خوف اكيد

[A.Adel]

الامانة فى النقل خليتنى اجيب اللينك كله بكل اللى فيه.
نفس الامانة اللى اتوقعها فيك تخليك مش تنقل كلام اتنين وتسيب كلام باقى الاعضاء ولو دورت على المشكلة ها تلاقيها موجودة وبعدين حتى لو اتحلت يبقى كويس خير وبركة بس مش تنقل اللى بيدعم كلامك وتسيب الباقى.

ما أنا قلت إن فيه 2 حصل معاهم مشكلة , أعمل إيه تاني
أنا جبتلك كلام ال head admin
اللي هو كبير القسم

كاتب إن دي أول شكوى يشوفها
خد بالك تاريخ الموضوع امتى , يناير 2010
أول شكوى يشوفها من 2007

و جبتلك كلام واحد العربية معدية معاه 123 ألف عشان اثبت إنها مش حالة عامة

إنت اللي عاوز تشوف اللي إنت عاوز تشوفه

[A.Adel]

انا جيبتلك لينكات ودلائل وانت مجبتش ولا دليل انه ها يتصنع فى فرنسا يبقى متقولش مين صح ومين غلط.

ياريت تحاول تبحث شوية ومش تعتمد على اللينكات اللى جايبها.

وفى الاخر لو لقيت دليل واضح ان الموتور فرنساوى يبقى انت اللى صح. غير كده يبقى الحمدلله كلام العبدلله هو اللى صح.

هو أنا لما اطلعلك الكلام من اللينكات اللي إنت جايبها أبقى غلطان !!!!!!!!!!!!

والدليل موجود عندك
الموتور اللي بيجيلنا بيتصنع في فرنسا
في douvrin in the pas-de-calais
الكلام واضح

[A.Adel]

يا باشا استحاله ان الموتور ده منزلش فى عربيه قبل كده
لان ده هيرفع من تمن العربيه جدا حتى لو متصنع تحت السلم عشان يعملوا محرك لازم ابحاث و تطوير و مصاريف
لكن المحرك مستخدم بالفعل فى ال c4 و 308 و الفتيس كذلك
و المحرك عشان يجيبوه متقفل فى الصين و البلوكه معموله فى فرنسا و باقى الحاجة هيبقى الجدوى الاقتصادية صفر و التكلفه عاليه

يا باشا block دي ترجمة google
المقصود هنا الموتور , الكلام كله عن الموتور
مفيش أي كلام عن اجزائه خالص

بص حضرتك , ده مكتوب في أول سطر
The driving block petrol EC5 (Euro 5) equips Peugeot 301
with a manual gear box with 5 reports (BVM5), or an automatic gear box with 4 reports (BVA4).


معقول فيه بلوك هيقول إنه بيستخدم مع فتيس مانيوال و أوتو !!!!!!!!!!!!!
و لو تلاحظ مكتوب reports بدل speeds

عادي يعني أي برنامج translation بيبقى فيه حاجات مش مظبوطة

[A.Adel]

يا جماعة أنا مش عاوز أبقى محطوط في وضع المدافع عن العربية أو المنحاز ليها

أنا بنتقد أصلا اللي بيعملوا كده بس فعلا اللي حضرتك بتقوله يا أستاذ damasry مش صح

الموتور فعلا زي ما حضرتك قلت , تطوير لمواتير TU و ده كان بيستخدم في ال c4 و 307 و 207 و c-elysee

يعني إنت كلامك صح و كلام التوكيل برده صح

اللي اتعدل في موتور EC هو ال cam shaft و زودوا ال VTI

الموتور اللي بيجيلنا متصنع في فرنسا و العربية متقفلة في اسبانيا
الموتور برده بيتصنع في الصين و امريكا اللاتينية بس مش بيجيلنا

العربية هتصنع في الصين من أول 2014 عشان تكون بديلة لل elysee القديمة اللي بتنزل هناك


ده ملخص الموضوع ده كله و أنا آسف لو في بعض الوقت كلامي ضايقك :)
و أنا حقيقي استفدت من اللينكات اللي إنت جبتها
بس كلامك عن بلد صنع الموتور للاسف مش مظبوط

[damasry]

تجنبا للصدام والمهاترة فى التفسير والترجمة وتوضيح مصطلحات المحركات والرد على التهكم فى الكلام فا انا ها اسكت ومش ها اتكلم لأنى محبش ارد بنفس اسلوبك.

العربية اسبانى والمحرك فرنساوى والعربية سوبر كار

ولا تزعل نفسك

[AlGazar2]

يا باشا block دي ترجمة google
المقصود هنا الموتور , الكلام كله عن الموتور
مفيش أي كلام عن اجزائه خالص

بص حضرتك , ده مكتوب في أول سطر
the driving block petrol ec5 (euro 5) equips peugeot 301
with a manual gear box with 5 reports (bvm5), or an automatic gear box with 4 reports (bva4).


معقول فيه بلوك هيقول إنه بيستخدم مع فتيس مانيوال و أوتو !!!!!!!!!!!!!
و لو تلاحظ مكتوب reports بدل speeds

عادي يعني أي برنامج translation بيبقى فيه حاجات مش مظبوطة

لا انا مش قصدى على الماتور ولا الكلام الى فى اللينك
انا قصدى على البلوك نفسه بتاع الماتور لو الماتور متقفل فى الصين يعنى مش اكتر

[AlGazar2]

تجنبا للصدام والمهاترة فى التفسير والترجمة وتوضيح مصطلحات المحركات والرد على التهكم فى الكلام فا انا ها اسكت ومش ها اتكلم لأنى محبش ارد بنفس اسلوبك.

العربية اسبانى والمحرك فرنساوى والعربية سوبر كار

ولا تزعل نفسك

يا باشا العربيه مش سوبر كار ولا حاجة ولا هيه احسن عربيه عملتها سيتروين

كل ما فى الموضوع انها عربيه سعرها حلو جدا بالنسبة لامكانياتها الى مش موجوده فى عربيات فئتها مش اكتر

و العربيه فعلا ممتازه بالنسبة للعربيات الى فى نفس فئة الحجم زى الريو و الاكسنت و انا ركبت ال 3 و فعلا السيتروين احسنهم فى الخامات و الوسع و القعده و جمال و تناسق التصميم بالنسبالى