إحتمال أغير أوكتافيا للستروين أرجو الإفادة

[tamersalah]

شباب ستروين

أنا معايا أوكتافيا 99 و عامل لحد دلوقتي 140000 وكنت بأفكر أغير لستروين Elysee أو C4 يا ريت حد يقولي رأيه إيه وإيه المميزات مقارنة بالأوكتافيا.

جزاكم الله كل خير

سلام

[Honda_lover]

برجاء تحديد موديل ال c4

[A.Adel]

إنت ابن حلال والله :)
لسة شرح اللي إنت طلبه ده بظبط

أولا ده اللي إنت محتاج تعرفه عن ال c-elysee

1.الموتور فرنساوي 100 % ودة تطوير لموتور ال 307 وال c4
2. العربية فرنساوي تجميع أسباني
3.العربية نازلة بـ ABS و EBD و EBA و ASR
و 2 aibag ,مفيش ESP

4.الفتيس 4 سرعات ستبترونيك أو 5 مانيوال
5.العربية تعمل ببنزين 92
6. التسليم في شهر ابريل

7.العربية هي أكبر عربية في فئتها بقاعدة عجلات 2650 مم
و كمان أكبر شنطة في فئتها 506 لتر
وفيها option كويس بنسبة لفئتها

bluetooth
تكييف digital
multifunction
مسند يد
حليات كروم داخلية و خارجية
طارة جلد
فوجات
جنط 15
مريت كهربة
parking sensors

8.العربية من أقوى العربيات كأداء في فئتها
هتزعل عربيات كتير تربو و عادي
بتسارع 9.4 للمانيوال و 10.8 للأوتو

9.العربية خاماتها ممتازة
الاحسن في فئتها وأحسن من حاجات كتير أغلى منها

المشكلة إن الناس بتقارن بينها و بين موديلات citroen التانية
و أكيد مش هتبقى زيهم

[tamersalah]

حقيقي ما أعرفش إيه اللي ممكن يكون في نفس المستوى يا ريت حضرتك تفيدني مع العلم إني محتاجها تكون عائلية وبشنطة كبيرة

[A.Adel]

بالنسبة لل C4

دي الحاجات اللي مشهور إنها بتحصل
الحاجات دي ممكن تحصل و ممكن لأ

1. electrovalve الفتيس

دي كانت مشهورة في الفتايس الأوتو بتاعت 2005-2007

2.كتاوت الدينامو ودي بحوالي 300-400 جنيه

لما الفولت بيعلى بيطلع errors كتير في العربية
ودة ساعات بيكون السبب إن الطلمبة تتحرق
الكلام ده فوق ال 80 ألف (على كم عالي يعني )

3.طلمبة بنزين

ساعات بتحتاج يتغير الموتور بتاعها أو تشتري واحدة جديدة
الكلام ده فوق ال 80 ألف برده
والموتور ده bosch بـ 200 جنيه

4.تيوش ميزان

بـ 250-300 جنيه
حسب الإستخدام ,ملهاش وقت معيَّن
بس مش بتحصل بدري برضه

فيه عضو معانا في المنتدى هنا معدي ال 230 ألف بـ C4
ده غير إن معظم ملاك ال c4 معانا هنا معاديين ال 100 وال 150 ألف
معظم ال c4 في مصر أصلا معدي ال 100 ألف

العربية عادية جدا مش زي ما الناس فاهمة يعني
لا هي معقدة ولا حاجة و مشاكلها معروفة
بس ليها ناسها اللي بيشتغلوا فيها
بدام مابتخليش حد يفتي فيها , عمرها ما هتقل معاك

[A.Adel]

أما المميزات بقى :

1.ثبات ممتاز
2.سحب ممتاز للمانيوال و جيد للأوتو
3.خامات ممتازة
4.شكل جذاب مع إن عدى عليه سنين

5.قطع غيارها موجودة في دمشق و الحرفيين و صقر قريش و جسر السويس
و موجود منها الصيني و التايواني والاسباني و الالماني والفرنساوي
على حسب الحاجة اللي بتجيبها
واختار بقى اللي مناسبك

6.عزل ممتاز للصوت
7.من اوسع العربيات ال hb في مصر و لما تركبها هتحكم بنفسك
8.حجم الشنطة مناسب جدا 320 لتر
9.عربية تساوي أكتر بكتير من تمنها مستعملة

يا ريت أكون قدرت افيدك :)

[Honda_lover]

ممكن تقارن الستروين مع اوكتافيا a5 بتهيالي هتكون المقارنة لصالح الستروين وبجدارة في حالة مقارنتها با a4

[tamersalah]

أما المميزات بقى :

1.ثبات ممتاز
2.سحب ممتاز للمانيوال و جيد للأوتو
3.خامات ممتازة
4.شكل جذاب مع إن عدى عليه سنين

5.قطع غيارها موجودة في دمشق و الحرفيين و صقر قريش و جسر السويس
و موجود منها الصيني و التايواني والاسباني و الالماني والفرنساوي
على حسب الحاجة اللي بتجيبها
واختار بقى اللي مناسبك

6.عزل ممتاز للصوت
7.من اوسع العربيات ال hb في مصر و لما تركبها هتحكم بنفسك
8.حجم الشنطة مناسب جدا 320 لتر
9.عربية تساوي أكتر بكتير من تمنها مستعملة

يا ريت أكون قدرت افيدك :)

الف شكر يا أستاذ أحمد على سرعة الرد

الفكرة إني ناوي أغير بحاجة زيرو بس الأوكتافيا زيرو هتكون بعيدة قوي للأسف

بس سعة الشنطة والمواصفات دي لأي فئة في 2013؟ وهل تنصحوني بموديل تاني في الستروين؟ وهل هي عالية عن الأرض والا لا؟

[tamersalah]

ممكن تقارن الستروين مع اوكتافيا a5 بتهيالي هتكون المقارنة لصالح الستروين وبجدارة في حالة مقارنتها با a4

ألف شكر على الرد

ما أنكرش إن العربية شدتني بس بأحاول آخذ قرار صح

[tamersalah]

ممكن تقارن الستروين مع اوكتافيا a5 بتهيالي هتكون المقارنة لصالح الستروين وبجدارة في حالة مقارنتها با a4

ألف شكر على الرد

ما أنكرش إن العربية شدتني بس بأحاول آخذ قرار صح

[Formulator]

8.العربية من أقوى العربيات كأداء في فئتها
هتزعل عربيات كتير تربو و عادي
بتسارع 9.4 للمانيوال و 10.8 للأوتو

إذا كانت الـC4 التربو 150+ حصان مانيوال بتكسر الـ9 ثوانى بالعافية.. وده factory-claim
وطبعا فتيسات الأوتو بتاع psa بتضيع 1 ثانية وأكثر من التسارع!!

دا الـC2 الـVTS (أجمد عربية نزلت بالموتور ده tuned-up لـ125 حصان).. ومكانتش بتنزل أقل من 9 ثوانى وأجزاء -رغم ان شتروين بتقول 8.3؟!!

- العربيات التربو ::
أبطأ عربية تربو فـ مصر الجيتاTSI والبرافو120T-Jet بيجيبوا الـ100 فـ أقل من 9 ثوانى!! (رغم ان الـclaims فوق الـ9.5 ثانية)
مع الأخذ فـ الإعتبار ان العربيات دى أثقل بـ150-200 كيلو من الـC-l'arc de victoire دى
e7-قوس النصر lol

المشكلة إن الناس بتقارن بينها و بين موديلات citroen التانية
و أكيد مش هتبقى زيهم

بالنسبة للمقارنة؛ ماهو عشان مش هتبقى زى الستروين التانية..

- يبقى اللى ينزل من أوكتافيا -حتى لو A4 ومش عايز أقول فابيا.. المفروض يركب C4 -عـ الأقل- عشان مايحس انه نزل بالفئة لعربية أقل؟!!!
دا رأيى بصراحة..

وياريت مايبقاش فيه over-rating لعربية لسه مانزلتش الشارع أصلا؟!!
التجربة والـreal-life بتبين حاجات تانى فـ العربيات -غير اللى مكتوب فـ claims أو review..

[Mohab.Nabil]

وياريت مايبقاش فيه over-rating لعربية لسه مانزلتش الشارع أصلا؟!!
التجربة والـreal-life بتبين حاجات تانى فـ العربيات -غير اللى مكتوب فـ claims أو review..

مفيش Overrating للعربية ولا حاجة .. كل الفكرة ان احنا بنرد على كلام غلط بمعلومات صح بس ... محدش قال انها اجمد عربية فى العالم ولا عربية محصلتش .. الناس كلها بتهاجم العربية و خلاص و احنا بندافع بالمعلومات اللى نعرفها .. ارقام التسارع احمد مش جايبها من بيتهم .. ديه الارقام اللى مكتوبة فى البروشور .. صح او غلط ديه مسئولية عز العرب و مسئولية ستروين .. اكيد مش هننزل نجرب العربية - لما تنزل فى مصر فعلا - عشان نعرف الرقم دا صح ولا لا .. الخامات كله بيهاجمها فى الخامات .. يا ريت بس حد ركبها فى المعرض يقولى كده خامات العربية ديه اقل من انهى عربية فى الفئة بتاعتها ؟؟ و محدش يقولى اقل من بقية عربيات ستروين .. طيب ما طبيعى category اقل هتبقى اقل فى الخامات و المواصفات او مكانش يبقى فيه موديلات و فئات مختلفة فى كل ماركة بقى

[tamersalah]

صلوا على النبييييييي

إحنا نروح القسم

لو طلبي هو اللي هيخلي الدنيا تبوظ كده مش عاوز أغير يا جماعة بس نفضل حبايب :)

[A.Adel]

صلوا على النبييييييي

إحنا نروح القسم

لو طلبي هو اللي هيخلي الدنيا تبوظ كده مش عاوز أغير يا جماعة بس نفضل حبايب :)

يا باشا إنت منور :)

أنا حطتلك كل حاجة عن ال c4

و بالنسبة لل elysee , انزل و شوف بنفسك :)
والكلام قدامك , لو شايف إن فيه مبالغة مش هتاخد بيه أكيد

[tamersalah]

أنا رحت إمبارح الطارق بالصدفة في مول العرب ملقيتش عندهم ستروين بس لما عرف إني عاوز أغير من أوكتافيا قالي ليه هتعمل في نفسك كده ده التوكيل زفت وقطع الغيار عالية ومش أي حد يشتغل فيها ... والله مش عارف هو كده بيزم فيها علشان مش شغال فيها والا إيه ولو c4 2013 يبقى أي فئة حلوة؟